Ro 11:11 - Chuj San Sebastian Bible

¹¹ Tzin c'anb'j 'ayex, a yic sjuw 'el eb' israel cha, ¿tom caw juwnac 'el eb' 'a jun 'ejmn̈ej? Ma'ay. Yujto juwnac 'el eb', yuj cha, 'ay eb' man̈ israeloc tzcolchji. Ax eb' israel 'oj 'ilnoc, 'oj tz'a sc'ojl eb' yilni.

Chuj San Mateo Bible

¹¹ Palta tzin c'anb'ej d'ayex, ayic ix juviel eb' israel chi', ¿tom juneln̈ej ix juviel eb'? Maay. Palta yujto ix juviel eb' yuj schucal, yuj chi' ay eb' man̈ israeloc scolchaji. Axo eb' israel ol ilanoc, ol chichon sc'ol eb' yilani.

Ro 11:11 ပူးပေါင်းရင်းမြစ်များ

Ez 18:23

An Jehová Yajl in, an tzwal 'ixtic: Matz in nib'j to tzcham eb' maysch'olnil sb'eyb'al, palta to tzin nib'j to tzjel eb' sb'eyb'al cha, sec 'ay sq'uinl eb'.

Ez 18:32

Yujto an tic, matz in nib'j to tzex comn chami. 'Actjec e b'on maysch'olnil, sec 'ay e q'uinal. An Jehová in, an tzwala, xchi Dios.

Ez 33:11

An Jehová in, an tzwal 'ixtc 'a eb': Matz in nib'j to tzcham eb' tz'och smul, palta to tzin nib'j to tzjel eb' sb'eyb'al, sec pitzn eb'. Ex israel, 'actjec can jun tzo'n̈ e b'eyb'al cha, sec ma'oj e chami, xchi Dios.

Lc 20:16

A win 'aj lum chi 'oj 'atoc, ax 'at ya'nc lajwc win ewinac, ax ya'n can pax win slum chi majnil 'a jun tzo'n̈ xo, xchi Jesús 'a eb'. Xlajw yab'n eb' jun tzo'n̈ cha, 'ix yaln eb' 'ixtic: —¡'Ay, comnoc man̈ 'ichcta tz'aji!, xchi eb'.

A Tas Sc'ulejnac Eb' Schecab' Jesús Hechos 13:42

Ax Pablo yet' eb' ajun yet'oc, yic wan yelt eb' 'a yol scapiya eb' israel cha, 'ay eb' man̈ israeloc xtew 'och 'a eb', sec tzc'anb'j eb' yab' jun tzo'n̈ cuynb'il chi 'a junx sc'ul 'iljelal.

A Tas Sc'ulejnac Eb' Schecab' Jesús Hechos 18:6

Palta ton̈j xcot yowl eb' 'a 'a. Caw xlaj b'uchwj eb' 'a 'a. Yuj cha, 'ix stzicb'tan̈n spichl yil eb', yic tzch'oxn senyail 'a eb', chajtlto ye'xn̈ej tzyij 'el sb'a 'a scal eb'. 'Ix yaln can 'a eb' 'ixtic: —Ax tic, mun tzeyij cot eyailal 'a eyib'n̈ 'a jun 'ejmn̈ej. An xo tic, man̈x 'a waln wic 'ayex. A ticnec, 'oj in 'at wal-l 'a eb' man̈ israeloc, xchi can 'a eb'.

Ro 10:19

Palta an̈ja ma'ix ya'ch eb' sc'ojl 'a 'a. ¿Tas tze na yuj eb'? ¿Tom ma'ix nachj 'el jun 'ab'x chi yuj eb' israel cha? 'In a Moisés aljnac cani, tas xchi Dios 'a eb', yic yaln can 'ixtic: 'Oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yib'n̈ junc chon̈b' to mantzac nachj 'el yu'uj, xchi 'a Ch'an̈.

Ro 11:1

A eb' schon̈b' Dios cha, ¿tom patcab'il can 'el eb' yuj 'a jun 'ejmn̈ej? Ma'ay. 'Ilt in an tic, israel in yet' eb', yin̈tl in pax Abraham yet' eb'. Yic in junc'aj xo eb' yin̈tl Benjamín.

Ro 11:12

Yujto juwnac 'el eb' israel cha, yuj wal cha, caw wach' yic eb' 'anma smasnil 'a yolyib'n̈q'uinl tic. Yujto cannc eb' israel chi 'a yalan̈, yuj cha, caw wach' yic eb' man̈ israeloc. Toto 'ixta', ¿jantc tom wal swach'l quiquec qui masnil, yic 'oj meltzjoc pax 'och snab'en smasnil eb' wit israelal jun 'ejm xo?

Ro 11:14

Yujto tzin nib'ej to tzyil eb' wit chon̈b' cha, to wan e colchji, ax stz'a sc'ojl eb' eyu'uj. To 'ixta', toq'ue 'ay eb' 'oj colchjoc paxi.

Ro 11:31

Yel toni, man̈ yiclumoc eb' israel ticnec. Palta 'ixta tz'aj eb', sec 'oj 'o'ch pax sc'ojl Dios 'a eb', 'icha tzyutj yo'ch sc'ojl 'ayex.