Ro 10:3 - Chuj San Sebastian Bible

³ Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Chuj San Mateo Bible

³ Man̈ yojtacoc eb' tas tz'aj yoch eb' vach'il d'a yichan̈ Dios. Ton̈ej snib'ej eb' munil tz'och eb' vach'il d'a yichan̈, palta max sc'anab'ajej eb' tas yalnac Dios yuj tas tz'aj coch vach'il yed'oc. Yuj chi' max yal-laj yoch eb' icha sgana Dios.

Ro 10:3 ပူးပေါင်းရင်းမြစ်များ

Nehemías 9:33

Palta ach tic, toljn̈ej sjaw smasnil tas 'a q'uib'n̈ o'oj, yujto tojl tas tza b'o'o, palta an̈ tic maysch'olnil tas tzqui b'o 'on̈.

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Salmos 71:19

A wal a tojlal ach in Diosal, caw tzq'ue'ch 'a satcha'an̈, caw niwn yel'ch jun tzo'n̈ tas a b'ojnac. May junc xo mach 'icha 'ach.

Is 51:1

A Jehová a 'ix aln eyuj 'ixtic: Ex tze nib'j b'ey e b'a 'a stojlal, ex to tze nib'j jawc e b'a 'ayin, macljec eyab' tas 'oj wala'. Tzcham wal e maclni eyila' 'aj cotnc eyin̈til, 'aj pax 'ay yin̈tl e mam eyicham.

Is 51:6

Q'uen̈ec q'ueln 'a satcha'an̈, tzex 'emx q'ueln 'a sat lum tic: A satcha'an̈, 'oj sat 'ejm 'icha tzyac' te tab'. Ax lum lum tic, 'oj 'ichmaxc lum 'icha tzyac' junc pichul. 'Ichan̈ej tz'aj scham no 'us, 'ixta 'oj 'aj scham eb' 'anma cajn 'a sat lu'um. Palta ax colnb'il tzwac'a, 'ayc'n̈ej 'a jun 'ejmn̈ej, a 'in tojlal may slajub'.

Is 51:8

Yujto 'oj lajwc 'ejm eb' 'icha junc pichl 'aych yijal, mto 'icha junc lana pichl tzc'ux lajwc no 'ij cha. Palta a 'in tojlal yet' in colwal, 'ayc'n̈ej 'a smasnil tiempo, xchi Dios.

Is 56:1

'Ix yaln Jehová 'ixtic: B'eylb'ejc tas tojol, a cab' tas wach' tze b'o'o, yujto jab'xoj wal 'oj ex wa'l 'a libre; 'oj in ch'ox in poder ex in coln 'eli.

Is 57:12

Palta ax ticnec jun, 'oj wal-l jun e b'eyb'al tic 'a scal 'anma', a cob' eyu'uj to wach' e b'eyb'al, palta may jac tas 'oj eyic' 'a spatc jun tzo'n̈ cha.

Is 64:6

Qui masnil on̈, lajn quilx 'icha junc mach man̈ wach'c yaji. Smasnil tas wach' xlaj cob' qui b'o 'on̈, lajn xoj yilx 'icha junc nip yajb'entac yilxi. Yuj tas maysch'olnil xlaj qui b'o 'on̈, yuj cha, lajn on̈ xoj 'icha te xil te tzpucli, c'un xoj s'at yuj 'ic'.

Lm 3:22

Yujn̈ej schamc'ojlal Jehová, yuj cha, matz on̈ satc 'eli, yujto tz'o'chn̈ej sc'ojl 'ayn̈ec.

Dn 9:24

'Oj 'ec' 70 seman 'a yib'n eb' et israelal, yet' 'a yib'n̈ jun a chon̈b' to yicn̈ej Dios yaji, masnto 'oj lajwc 'ec' tenmtaquil yet' maysch'olnilal, ax yajx lajwc smasnil mul. Atta 'oj jawc jun tojl b'eyb'al 'a jun 'ejmn̈ej. A yic cha, 'oj 'el'choc tas 'ilb'il yuj eb' schecb' Dios 'a waychil, yet' tas alb'il can yuj eb'. 'Ixta to b'i'an, ax yajx 'och yopiso jun sic'b'il 'el yuj Dios.

Lc 10:29

Palta ax winac, ton̈j tznib'j win scol sb'a, yuj cha, xyaln pax win 'ixtc 'a Jesús: —¿Palta mach eb' wit 'anmal chi tzyal cha? xchi win 'a 'a.

Lc 16:15

Yuj cha, xyaln Jesús 'ixtc 'a ewinac: Ax xo tic, cojxn 'a sat eb' 'anma wach' tzeyutj e b'a, palta ax Dios, yojtac tas yaj e nab'en. A jun tzo'n̈ tas niwn yel'ch 'a sat eb' 'anma', caw yajb'il yuj Dios.

Ro 1:17

A jun wach' 'ab'x tic, a tz'a'n nachjc 'el cujec, to tzon̈ yalc Dios wach'il, yujn̈ej to tzca'c 'och qui c'ojl 'a 'a. May junc xo tas tzqui b'o'ec cojn to tzqui wach' 'a'jec 'och 'a qui c'ojol. Yujto 'ixtc yaln 'a Ch'an̈ U'un̈: A eb' tz'a'n 'och Dios 'a sc'ojol, wach' eb' 'a sat. Yuj wal cha, 'ay sq'uinl eb' 'a jun 'ejmn̈ej, xchi Dios 'a Ch'an̈.

Ro 10:2

Yel toni, caw 'aych ton snab'en eb' ya'n servil Dios. Palta man̈ yojcoc eb' tas tzyutj eb' ya'w servil 'icha tznib'j Dios.

Ro 10:20

An̈jtona Isaías, ste'wtzej sb'a yalni, tas yaljnac Dios yuj eb' man̈ israeloc, 'a 'aj tzyal 'ixtic: A eb' 'anma man̈ in nanoc yu'uj, a eb' xjaw 'ayin, a eb' matz in c'anb'n 'eq'ui, a eb' 'aj xin ch'ox in b'a, xchi.

Ro 11:7

Palta ¿tas tz'aj eb' wit israelal tze na'a? 'Ix ya'lj eb' sayni chajtl tz'aj eb' yoch wach'l 'a sat Dios, palta ma'ix stac' yuj eb'. Cojn eb' sic'b'il 'el yuj Dios 'a scal eb' cha, a eb' stac' yu'uj. Ax jun tzo'n̈ xo eb', ton̈j 'ix wach' 'ajx pitb'oc 'el eb'.

Ro 3:22

Yujn̈ej to tzca'c 'och qui c'ojl 'a Jesucristo, wach'n̈ec 'a sat Dios, yujto tzann̈j mach tz'a'n 'och 'a sc'ojol, wach' eb' 'a sat. Lajn on̈cn̈ej qui masnil an̈ 'anman̈ec tic 'a sat Dios.

Ro 3:26

'Ixta yutjnac sch'oxn paxi, to an̈ja tojl snab'en ticnec. Yujto caw tojl tzyutj sb'a, yic tzyalni, to wach'n̈ec 'a sat an̈ tzca'c 'och qui c'ojl 'a Jesús.

Ro 5:19

Yuj jun winc ma'ix yiclni cha, c'uxn 'ochnc eb' 'anma 'ajmulal. Palta 'ay junx mach 'ix yiclni. Yuj jun cha, til wal on̈ec tzon̈ laj 'ochc wach'l 'a sat Dios.

2 Co 5:21

A Cristo, may xon jac maysch'olnil sb'o'o. Palta ya'jnac 'och Dios smasnil qui mulc 'a yib'an̈, sec junxn̈ej tzon̈ 'ajc yet'oc. Yujn̈ej wal cha, tzyaln Dios to wach'n̈ec 'a sat ticnec, 'icha tznib'ej.

Dt 6:25

Yuj cha, toto wach' tzcutjec qui yiclni jun tzo'n̈ checnb'il tic 'a yojltac Jehová qui Diosalec, wach'n̈ec 'a sat, xe chi 'a eb', xchi Moisés.

A Scarta San Pablo D'a Eb' Aj Filipos 3:9

Junxn̈ej tzin 'ajcn yet'oc. A ticnec, tzyal Dios to wach'n 'a sat, yujn̈ej to tzwa'ch in c'ojl 'a Cristo, man̈ yujoc to tzin yiclj tas tzyal ley yic Moisés. Palta yujn̈ej to tzwa'ch in c'ojl 'a Cristo, tzin 'och wach'l 'a sat Dios.

A Schab'il Carta San Pedro 1:1

An tic Simón Pedro in, ya'mal in servil Jesucristo. Schecb' in paxi. Tic tzin tz'ib'j 'at jun in carta tic 'ayx tzeya'ch e c'ojl 'a Dios quet' on̈. Caw niwn swach'l eyic quet' on̈, yujto 'aych qui c'ojlec 'a 'a. 'Ixta tzon̈ 'ajec, yujto a qui Diosalec, atn qui Colmal Jesucristo, caw tojl snab'en.