Ro 10:20 - Chuj San Sebastian Bible

²⁰ An̈jtona Isaías, ste'wtzej sb'a yalni, tas yaljnac Dios yuj eb' man̈ israeloc, 'a 'aj tzyal 'ixtic: A eb' 'anma man̈ in nanoc yu'uj, a eb' xjaw 'ayin, a eb' matz in c'anb'n 'eq'ui, a eb' 'aj xin ch'ox in b'a, xchi.

Chuj San Mateo Bible

²⁰ An̈ejtona' vin̈aj Isaías, stec'b'ejnac sb'a vin̈ yalani tas xchi Dios yuj eb' man̈ israeloc. Yalannac icha tic: A eb' maj in sayanlaj, ix in ilchaj yuj eb'. Yed' pax eb' maj in c'anb'ani, ix in ch'ox pax in b'a d'a eb', xchi Dios chi'.

Ro 10:20 ပူးပေါင်းရင်းမြစ်များ

Pr 28:1

A mach tzb'on maysch'olnil, wach'xam may mach tzpechni, palta mun tz'at 'eloc; ax pax mach wach' snab'en, te'tec' yaj 'icha junc no león.

Is 49:6

'Ix yaln 'ixtc 'ayin: In checb' ach, palta man̈ yujocn̈ej a tojlb'tzan pax eb' yin̈tl Jacob 'a 'icha xon yaji, yic tze'n pax meltzjoc jaywn̈ xo eb' cann̈cto can 'a Israel, palta yuj pax ach wa'n 'och sacq'uinlal 'a jun tzo'n̈ xo nacion̈, masnto 'a 'aj tzlajw c'och yolyib'n̈q'uinal, tze'n pax 'at colnb'il ta', xchi 'ayin, xchi jun schecb' Dios cha.

Is 52:15

Til wal eb' nacion̈ 'oj sat sc'ojl yiln 'ochi. 'Ixta pax eb' rey, ton̈j 'oj 'och q'ueln eb' 'a 'a. May tas 'oj yal eb' yu'uj yic 'oj yilnc eb', yujto a tas mant 'aj tzyab' eb' yab'xil, 'oj nachjoc 'el yuj eb', xchi Dios.

Is 58:1

'Ix yaln Dios 'ayn 'ixtic: 'Awjan̈ yet' smasnil ep 'a eb' in chon̈ab', atn eb' yin̈tl Jacob. May yuj tzach xiwi, caw 'ip yel aw 'icha yic tz'utz'x q'uen trompeta. Tzaln yab' eb' to caw wal tenmtac eb', 'ix 'och smul eb' 'a in sat.

Mt 20:16

Yuj cha, a eb' may yel'ch ticnec, yel xo niwn 'oj 'aj 'el'ch eb'. Ax eb' niwn yel'ch ticnec, may yel'ch 'oj 'aj eb' ta'. [Til wal eb' 'awtb'il yuj Dios, palta jaywn̈n̈ej eb' tzsi' cha'an̈,] xchi Jesús 'a eb'.

Lc 14:23

Yuj cha, xyaln pax win spatron̈ chi 'ixtc 'a 'a: A ticnec, 'ixc 'a jun tzo'n̈ xo caye, yet' 'a jun tzo'n̈ xo b'e. 'At 'ac' pural eb' laj e'n coti, sec wach' 'oj b'ut'joc 'el yol watut tic yuj eb'.

Ro 10:3

Man̈ yojcoc eb' tas tz'aj eb' yoch wach'l 'a sat Dios. Tznib'j eb' to mun tzya'ch sb'a eb' wach'l 'a sat. Yuj cha, matz chaj 'och wach'l sb'a eb' 'a sat Dios 'a 'icha tznib'ej.

Ro 9:30

Al ticnec 'oj walb't 'ayex, tas tzyal 'el'ch jun tzo'n̈ tzwal tic: A eb' man̈ israeloc, matz na eb' tas tzyutj eb' yoch wach'l 'a sat Dios. Palta 'ay eb' tzyal Dios to wach' 'a sat. 'Ixta tzyal Dios yuj eb', yujto tzya'ch eb' sc'ojl 'a 'a.

Ro 9:31

Palta ax eb' israel, caw tzya'ch eb' snab'en 'a ley yic Moisés, sec toq'ue tz'och eb' wach'l 'a sat Dios yuj snani. Palta matz techj syiclni eb' jun ley cha.

1 Jn 4:19

'Ay qui chamc'ojlalec 'a Dios ticnec, yujto a on̈ b'ab'l chamc'ojlanec.