Ro 10:19 - Chuj San Sebastian Bible

¹⁹ Palta an̈ja ma'ix ya'ch eb' sc'ojl 'a 'a. ¿Tas tze na yuj eb'? ¿Tom ma'ix nachj 'el jun 'ab'x chi yuj eb' israel cha? 'In a Moisés aljnac cani, tas xchi Dios 'a eb', yic yaln can 'ixtic: 'Oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yib'n̈ junc chon̈b' to mantzac nachj 'el yu'uj, xchi 'a Ch'an̈.

Chuj San Mateo Bible

¹⁹ Palta an̈eja' maj yac'och eb' d'a sc'ool. ¿Tas tze na yuj eb'? ¿Tom max nachajel jun ab'ix chi' yuj eb' israel chi'? Yalnaccan vin̈aj Moisés yuj tas xchi Dios d'a eb' israel, ayic yalannac icha tic: Vuuj, ol tz'a e c'ool yuj juntzan̈xo chon̈ab' malaj yelc'ochi. An̈ejtona', ol in tzuntzejcot eyoval yuj tas ol vac' d'a juntzan̈xo anima manto nachajel yuuj, xchi Dios chi' d'a Slolonel.

Ro 10:19 ပူးပေါင်းရင်းမြစ်များ

Jeremías 10:14

Smasnil eb' 'anma tzya'ch jun tzo'n̈ yechl yipc sc'ojol, caw may snab'en eb', may tas yojc eb'. A eb' tenm q'uen cha, caw tzq'uixw 'el eb' yuj jun tzo'n̈ yechl tzb'o cha. A jun tzo'n̈ tzb'o eb' cha, may jac yel'chi, may spixan.

Jeremías 10:8

Smasnil jun tzo'n̈ 'anma', may xon jac snab'en eb', may jac sjelnal eb'. A jac te te cha, caw matz tac' on̈ scuyn te 'on̈.

Os 2:23

'Oj wawc pax 'ejm in chon̈b' 'a sat lum lu'um yic tz'och wico'oc. 'Ayx in chamc'ojlal 'a 'ix Man̈ Chamc'ojlb'iloc, yet' 'a win Man̈ in Chon̈b'oc, ax waln 'a eb' 'ixtic: A ticnec tzex 'ochcn in chon̈b'oc, 'oj in chioc. Ax yaln eb' 'ixtc 'ayin: Ach tic, qui Diosal ach, 'oj schic eb', xchi Dios.

Ro 10:18

Palta ¿tas tze na'a? A eb' israel, ¿tom ma'ix yab' eb' jun wach' 'ab'x tic? Ma'ay, c'uxn xyab' eb'. Yujto 'ixtc tzyal 'a Ch'an̈ U'un̈: C'uxn tzpucb't yab'xil 'a smasnil chon̈ab', masnto tzc'och 'a 'aj tzlajw c'och yolyib'n̈q'uinl tic, xchi.

Ro 11:11

Tzin c'anb'j 'ayex, a yic sjuw 'el eb' israel cha, ¿tom caw juwnac 'el eb' 'a jun 'ejmn̈ej? Ma'ay. Yujto juwnac 'el eb', yuj cha, 'ay eb' man̈ israeloc tzcolchji. Ax eb' israel 'oj 'ilnoc, 'oj tz'a sc'ojl eb' yilni.

Ro 11:14

Yujto tzin nib'ej to tzyil eb' wit chon̈b' cha, to wan e colchji, ax stz'a sc'ojl eb' eyu'uj. To 'ixta', toq'ue 'ay eb' 'oj colchjoc paxi.

Ro 3:26

'Ixta yutjnac sch'oxn paxi, to an̈ja tojl snab'en ticnec. Yujto caw tojl tzyutj sb'a, yic tzyalni, to wach'n̈ec 'a sat an̈ tzca'c 'och qui c'ojl 'a Jesús.

1 Co 1:12

Tzyal 'el'chi, chucchc wan eyaln junjn ex. Yujto 'ayx wan eyaln 'ixtic: Yic in Pablo, xe chi. 'Ayx pax tzeyala: An tic, yic in Apolos, xe chi. 'Ayx pax tzeyala: Yic in Pedro, xe chi. An̈jtona', 'ayx pax tzeyala: Yic in Cristo, xe chi.

1 Co 10:19

Man̈toc tzwala, to 'ay yel'ch jun tzo'n̈ tzalx 'och diosal cha. An̈jtona', 'ixta pax jun tzo'n̈ xajmb'al cha, man̈toc tzwala, to 'ay yel'chi.

1 Co 11:22

¿Tom may eyatut junjn ex, 'aj tztac' tzex wacni, tzeyu'n can tas ta'? A yic tze b'on jun tzo'n̈ cha, ax eb' eyit creyenteal, tze patquilj can 'el eb', palta yiglesia Dios pax yaj eb' eyet'oc. A eb' 'ixta tzeyutj cha, may tas tzc'ux eb' eyet'oc. Yuj cha, ton̈j tzeyac' q'uixwc can 'el eb'. ¿Tasm tze na'a? ¿Tom 'oj stac' ex waln wach'l yuj jun e b'eyb'al cha? Caw matz tac'a.

1 Co 12:2

Eyojc xoni, a yic mant ex creyenteoc, ex 'ijx 'at 'a jun tzo'n̈ xeyalch e diosaloc. Ex 'at tic, ex 'at tic e sayn 'eq'ui. Palta matz tac' spaxtin jun tzo'n̈ cha.

1 Co 15:50

Ex wu'tac, ex wanab', tzin nib'j tzwal't junx tic 'ayx ta'. A jun qui niwnalec tic, nab'a chic', nab'a chib'ej. Yuj cha, ma'oj stac' sc'och 'a yol sc'ab' Dios. A qui niwnalec tic, yic chaml yaji. Yuj cha, ma'oj stac' schan sq'uinl 'a jun 'ejmn̈ej.

1 Co 7:29

Ex wu'tac, ex wanab', a junx 'oj wal't 'ayx tic, to jab'xoj wal tiempo. Yuj cha, a eb' 'ayx yistzil ticnec, matz tac' cojn 'a yistl eb' chi tzya'ch snab'en.

Dt 32:21

'Ix stzuntzj cot eb' wowl yuj jun tzo'n̈ sdiosal eb' to man̈ diosoc, 'ix ya'n eb' chichnc in c'ojol. Yuj jun tzo'n̈ comn dios to may jac yel'ch cha, yuj cha, 'oj wac' tz'a sc'ojl eb' yic 'oj yilnc eb' wa'n in wach'c'ojlal 'a yib'n̈ junc chon̈b' to man̈ chon̈b'oc yaln eb'. An̈jtona', 'oj in tzuntzc cot yowl eb' yic 'oj in ch'oxnc in wach'c'ojlal 'a yi'b'n̈ junc chon̈b' to mantzac nachj 'el yu'uj.

Tito 3:3

Yujto an̈ tic 'a yic yalan̈, caw may jac qui nab'en. Man̈ on̈ yiclumoc 'a Dios. Caw satnc on̈ to ta'. Caw ca'jnac servil jun tzo'n̈ tzann̈j maysch'olnil qui nib'jnac 'ochi. Caw maysch'olnil qui b'eyb'al ta'. Caw on̈ chichn 'och 'a eb' quit 'anmal yuj tastc 'ay 'a 'a. Yajb'iln̈ 'el yuj eb'. An̈jtona', xlaj qui yaj qui b'a junjn on̈ ta'.

A Sb'ab'el Carta San Pedro 2:10

A 'a yic yalan̈, man̈ on̈ schon̈b'oc Dios. Palta ax ticnec, schon̈b' on̈c xo. A 'a yic yaln̈ cha, may mach x'o'ch sc'ojl 'ayn̈ec. Palta ax ticnec, atn Dios tz'o'ch sc'ojl 'ayn̈ec.