Ro 10:14 - Chuj San Sebastian Bible

¹⁴ Palta a eb' mantzac ya'ch sc'ojl 'a Cajlilec, ¿tas 'oj yutc eb' yaln sb'a 'a 'a? ¿Tas 'oj yutc eb' ya'n 'och sc'ojl 'a 'a, toto mantzac yab' eb' yab'xil? An̈jtona', ¿tas 'oj yutc eb' yab'n yab'xil, toto may mach tzaln yab'xil 'a eb'?

Chuj San Mateo Bible

¹⁴ Palta a eb' manto ac'anoch Dios Cajal d'a sc'ool, ¿tas ol yutoc eb' yalan sb'a d'ay? ¿Tas ol yutoc eb' yac'anoch d'a sc'ool, tato manto yab' yab'ixal eb'? An̈ejtona', ¿tas ol yutoc eb' yab'an yab'ixal, tato malaj mach tz'alan yab' eb'?

Ro 10:14 ပူးပေါင်းရင်းမြစ်များ

Jonás 1:16

Palta ax Jehová, lista xo yaj jun no niwquil chay yu'uj, yic tzb'u'x 'ejm Jonás yuj no'. 'Oxe c'u 'oxe 'ac'wl xcan Jonás 'a yol sc'ojl no chay cha. A yic xyiln eb' ch'umn barco to x'och numn a mar cha, caw wal xiw eb' si'mb'il 'a Jehová, xya'n eb' xajmb'al, xlajw cha, xya'n eb' sti 'a 'a.

Jonás 1:5

Ax eb' ch'umn barco cha, caw xiw chan̈ eb'. Junjn eb' 'ix laj yal sb'a eb' 'a sdiosal. 'Ix syamn 'och eb' sjuln can 'at yictz te barco chi 'a yojl a mar cha, sec tzseb'b' yal-l te'. Palta ax win Jonás, tox x'ejm win 'a jun cuarto 'a 'aj 'ay syamc'ab'il te 'a yalan̈, ata waync winac.

Mt 20:7

Ma'ay, yujto may mach tzon̈ c'ann on̈, xchi eb' 'a winac. To 'ixta', 'ixquec munljoc jac 'ayn 'a in lum 'an, xchi win 'a eb'.

Jn 20:31

'Ix tz'ib'x can jun tzo'n̈ tic, sec 'oj eya'ch 'a e c'ojol, to a Jesús atn Cristo, Yunnal Dios. Toto 'oj eya'ch 'a e c'ojol, 'oj e cha e q'uinl 'a jun 'ejmn̈ej 'a 'a.

Jn 9:36

—Mamin, al 'ayin mach jun cha, sec 'oj wa'ch in c'ojl 'a 'a, xchi winac.

A Tas Sc'ulejnac Eb' Schecab' Jesús Hechos 19:2

'Ix sc'anb'n 'ixtc 'a eb': —¿Xe chaj am Yespíritu Dios, yic eya'n 'och e c'ojl 'a Cristo? xchi 'a eb'. —Ma'ay, mant 'a 'aj xcab' on̈, toto 'ay Yespíritu Dios cha, xchi eb'.

A Tas Sc'ulejnac Eb' Schecab' Jesús Hechos 8:31

'Ix yaln win 'ixtc 'a 'a: —Toto may mach tzin cuyni, ¿tas wal 'oj wutc wojcan 'eli? ¿Mamtzac ach q'uet wet' 'a yol caruaje tic, tzach 'em wocn jac 'a in tz'ey? xchi winac.

Ro 1:5

Yuj Jesucristo sch'oxjnac Dios swach'c'ojlal 'ayin, yic in ya'n 'och schecb'oc, sec wach' 'ay eb' 'a junjn chon̈b'al tzya'ch sc'ojl 'a 'a, tzyiclni pax eb' tas tzyala.

Ef 2:17

A Cristo xwul alnc 'el wach' 'ab'x yic junc'ojlal 'ayn̈ec qui masnil. An̈ israel on̈ tic on̈, yictax yalan̈, 'icha to la'n caj 'a Dios on̈. Ax xo, 'icha to najt to eyaj 'a stz'ey. Palta sch'ox Cristo 'ayn̈ on̈, sch'oxn pax 'ayex, chajtl tzon̈ 'aj cochc 'a junc'ojlal yet' Dios.

Ef 4:21

Yujto a yab'xil xeyab' cha, xe cuyn sb'eyb'al to tzchaj 'el'ch sb'a yet' jun paxti caw yel ya'jnac Jesús cuyxoc.

Dt 30:13

An̈jtona', man̈oc pax 'a sc'axpil 'ec' a mar 'ay, sec matz eyal 'ixtic: ¿Mach wal junc tztac' sc'axptan 'ec' a mar tic cujec, yic tz'at yab'nc 'e'ta, tzlajw cha, tzyaln pax cab'ec, sec wach' tzqui yicljec? sec man̈ xe chioc.

2 Ti 4:17

Palta ax Cajlil, a 'ix 'och wet'oc. 'Ix colwj wet'oc. Yuj cha, xin wach' aln 'el wach' 'ab'x yic colnb'il. A wal eb' man̈ israeloc, c'uxn xlaj yab' eb' smasnil. A 'a jun 'el, 'icha to yamchjnacn yuj junc no león, 'ijn schin 'ejm no'. Palta ax Cajlil, a 'in coln can 'el 'a yol sti no'.

Tito 1:3

A ticnec, 'ix jaw stiempoal ya'n 'ojcaxc 'el spaxti'. Yuj cha, a Dios qui Colmal, a x'a'n wal-l spaxti tic.

A Ch'an̈ Carta D'a Eb' Hebreo 11:6

Toto matz ca'c 'och Dios 'a qui c'ojol, toxn matz tac' stzalj quet'ec. Yujto a eb' tzjaw 'a Dios, yowlal tzya'ch eb' 'a sc'ojol, to 'ay Dios cha. Tzya'n pax 'och eb' 'a sc'ojol, chajtlto a tz'a'n spac 'a eb' tznib'j c'och sb'a 'a 'a.

Santiago 5:15

Toto tzeya'ch Dios 'a e c'ojol, tzex leslwi yuj eb' ya'ay cha, 'oj colchjoc 'el eb' 'a syailal. A Cajlilec, a 'oj 'a'nc b'oxc sc'ojl eb'. Toto 'ay smul eb' xlaj 'ochi, 'oj 'ajxoc lajwc can yuj Dios.