Ro 1:20 - Chuj San Sebastian Bible

²⁰ Wach'xam man̈ checloc Dios, palta checl yuj jun tzo'n̈ tas b'ob'il yu'uj. Yujto yictax sb'on yolyib'n̈q'uinl tic, checlj 'eli, to Dios toni, caw 'ay spoder 'a smasnil tiempo. Yuj cha, ma'oj stac' yaln eb' 'anma 'a 'a to man̈ yojcoc eb'.

Chuj San Mateo Bible

²⁰ Vach'chom man̈ chequeloc Dios, palta scheclaj yuj juntzan̈ tastac sb'onaccani. Yujto atax sb'oannac yolyib'an̈q'uinal tic, scheclajnac eli to Dios toni, aytaxon spoder. Yuj chi' malaj mach syal stec'b'an sb'a d'a yichan̈.

Ro 1:20 ပူးပေါင်းရင်းမြစ်များ

Gn 1:1

A 'a yic x'el yich sb'o smasnil, 'ix sb'o Dios satcha'an̈ yet' lum lu'um.

Gn 21:33

A 'a Beerseba cha, ata 'ix yawj Abraham jun te te tzcuch tamarisco. Ata tz'och Abraham chi 'emmquilal 'a Jehová, atn jun Dios 'ayc' 'a smasnil q'uinal.

Job 12:7

C'anb'jec 'a e no noc' tz'ec' 'a sat lu'um yet' 'a e no ch'ic tz'ec' jen̈n̈oc 'a satcha'an̈, 'oj ex scuy e no'.

Salmos 104:31

Mamin Jehová, 'ayc' cab' a tzictznil 'a jun 'ejmn̈ej. Caw tzach tzalj yet' tas b'ob'il o'oj.

Salmos 104:5

Ach xa b'ocn 'ejm te'n lum lum tic 'a yib'n̈ sb'achnub'al, yuj cha may b'a'n̈ tz'ib'x lum 'a yet'ul.

Salmos 119:90

A 'a chamc'ojlal 'ayc'n̈ej 'a smasnil tiempo; ach xa b'o lum lum tic, wach' 'ix otj can 'a yet'ul.

Salmos 139:13

Ach xa b'o smasnil tas 'ay 'a in niwnal, in a b'on pax 'a yol sc'ojl in nun.

Salmos 8:3

A yic tzwiln q'ue satcha'an̈, tzin b'eyc'ojlani to ach b'ojnac; xa'n can 'och 'uj yet' smasnil c'anal 'a yet'ul.

Salmos 90:2

Yic mantzac a b'o eb' lum niwc witz, lum lum tic yet' smasnil yolyib'n̈q'uinl tic, masnto 'a slajub', Dios achn̈ej xoni.

Is 26:4

'Ayn̈j cab' 'och Jehová yipc qui c'ojlec, yujto cojn tztac' on̈ scolnec 'a smasnil tiempo.

Is 40:26

Q'uen̈ec q'ueln 'a satcha'an̈, ¿tom man̈oc Dios xb'on smasnil jun tzo'n̈ cha? A xb'on 'och junjn eb' c'anal 'a yet'ul. Tzb'isn smasnil junjn c'aj eb', tz'awtx sb'i junjn eb' yu'uj. May junc eb' tzsati, yujto caw niwn yel'ch Dios chi yet' spoder.

Is 9:6

Yujto x'alj jun winc 'unn 'a qui calec, a Dios 'ix 'a'n jun 'unn tic 'ayn̈ec. A jun 'unn tic, 'oj 'ajxoc yopiso ya'n Yajlil, ax yajx jun tzo'n̈ b'i tic 'a 'a: Satjub'tac snab'en, Dios tztac' yuj smasnil, Mamb'il 'a smasnil tiempo, Syajlil junc'ojlal.

Jeremías 5:21

Ex chon̈b' to may jac e nab'en, a ticnec 'ab'c jun tzo'n̈ tic. 'Ay yol e sat, palta matz eyila, 'ay e chiquin, palta matz eyab'i.

Jeremías 51:15

A Jehová 'ix b'on lum lum tic yet' spoder, yet' sjelnal 'ix sb'on yolyib'n̈q'uinl tic, yet' swach' nab'enal, 'ix sb'on satcha'an̈.

Mt 5:45

'Ixta 'oj eyutc e ch'oxni to yel yunnalx qui Mam 'ayc' 'a satcha'an̈. Yujto a tz'a'n 'emt yoc c'u 'a yib'n̈ eb' maysch'olnil yet' 'a yib'n̈ eb' wach'. An̈jtona', tzya'n pax 'emt n̈ab' 'a yib'n̈ eb' man̈ tojloc snab'en yet' 'a yib'n̈ eb' tojl snab'en.

Mr 10:6

Palta a yic sb'on can Dios yolyib'n̈q'uinl tic, sb'ojnac win winac yet' 'ix 'ix.

Jn 1:18

May junc mach 'ix 'iln Dios jun 'ejmoc. Palta a jun c'otn̈ Yunnal to Dios paxi, a ch'oxjnac 'eli. A Yunnal tic caw chamc'ojlb'il yu'uj.

Jn 15:22

Q'uinloc ma'ix wul wal 'a eb'. To 'ixta', may smul eb'. Palta ax ticnec, man̈x 'a 'aj wach' scoln sb'a eb' yuj smul.

A Tas Sc'ulejnac Eb' Schecab' Jesús Hechos 17:29

Yel ton tzyal eb', yunnaln̈ec Dios. Yuj cha, man̈xtoc tzqui na'a, to Dios jun tzo'n̈ yechl tic b'ob'il yet' q'uen oro, q'uen plata, q'uen q'ue'en. A jun tzo'n̈ yechl tic, yujn̈ej sjelnal 'anma', tzb'o'i.

A Tas Sc'ulejnac Eb' Schecab' Jesús Hechos 22:1

Ex 'ichmtac winac, yet' ex wit chon̈ab', 'ab'c jun tzo'n̈ in paxti 'oj wal 'ayx tic, xchi.

Ro 1:19

'Ay jun tzo'n̈ tas yic Dios yojc xon eb', 'icha yojc eb' 'anma smasnil, yujto a Dios ch'oxjnac jun tzo'n̈ chi 'a eb'.

Ro 16:26

Palta ax ticnec, a tz'a'n 'ojcaxc 'el jun 'ab'x tic atn tas tz'ib'b'il can 'a Ch'an̈ Un̈ yuj eb' schecab'. A Dios 'ayc'n̈ej 'a smasnil tiempo. A tzalni, chajtlto a eb' 'anma 'a junjn chon̈ab', yowlal tzyojquej 'el eb' jun 'ab'x tic, sec 'oj ya'ch eb' sc'ojl 'a 'a, ax syiclni eb'.

Ro 2:1

Tzann̈j junc on̈c tzqui b'eyc'ojlej junc xo mach, matz tac' calnec, to may qui mul, yujto a yic tzqui b'eyc'ojlanec cha, wan qui'nec cot yailal 'a quib'an̈. Yujto lajn tas tz'el qui b'onec yet'oc.

Ro 2:15

A sb'eyb'al eb' tzch'oxni, to 'aych jun ley chi 'a snab'en eb', ax jun snab'en eb' chi tz'a'n cuenta. 'Ixta tzyutj eb' sch'oxn 'el sb'a, to 'aych jun ley chi 'a snab'en eb'. Mun a snab'en eb' tz'a'n yojcoc 'eli, toto wach' tzb'o eb', mto ma'ay.

1 Co 1:20

Yuj cha, may jac yopiso eb' jelan, yet' eb' cuywjum. May pax yopiso eb' jeln tzyutj sten sb'a. A Dios, 'ix ch'oxni, to a jun jelnal yic yolyib'n̈q'uinl tic, may jac yel'chi.

Dt 33:27

A qui Diosalec 'ayc' 'a jun 'ejmn̈ej, a 'aych qui tan̈maloc. A spoder caw may b'a'n̈ 'ay slajub', a 'aych quet'ec. A 'oj pechnc 'el eb' 'ajc'ojl yajch 'ayn̈ec, a tzalni tzsatx 'el eb' 'ajc'ojl cha.

Dt 4:19

A yic tzex q'ue q'ueln 'a satcha'an̈, tzeyiln q'ue c'u, 'uj, c'anal yet' smasnil tas 'ay 'a satchan̈ cha, xeya't wal somchjoc e nab'en yic tzeyaln e b'a 'a jun tzo'n̈ cha, yujto a Jehová qui Diosalec, a b'ojnac jun tzo'n̈ cha, sec tz'och swach'loc smasnil chon̈b' 'ay 'a sat lum lum tic.

A Scarta San Pablo D'a Eb' Aj Colosas 1:15

Wach'xam matz tac' quilnec qui Mam Dios, palta a Yunnal chi xch'oxn 'ayn̈ec tas yaji, yujto caw lajn yet'oc. A Yunnal, b'ab'l yaj 'a smasnil tas, yel xo wal niwn yel'ch 'a yib'n̈ smasnil.

A Scarta San Pablo D'a Eb' Aj Colosas 2:9

A Cristo, tz'acn yajch Dios 'a 'a.

1 Ti 1:17

A Dios, Rey 'a smasnil tiempo. May b'a'n̈ tzchami. May junc mach tztac' yilni. Cojxn jun Dios tic, may junc xo. [Cojn 'ojtnac smasnil tas.] Caw niwn cab' yel'ch 'a qui sat. Smasnil cab' tiempo, cal wach' paxti 'a 'a. 'Ixta cab' tz'aji.

1 Ti 6:16

Dios chi may b'a'n̈ tzchami. Sacq'uinl 'aj 'ay. May junc mach tztac' sc'och 'a stz'ey. May xon junc mach tz'iln Dios, yujto may mach tztac' yilni. Caw niwn cab' yel'ch Dios 'a qui sat. 'Ay spoder 'a smasnil tiempo. 'Ixta cab' tz'aji.

A Ch'an̈ Carta D'a Eb' Hebreo 11:27

Caw ya'jnac 'och Dios 'a sc'ojol. Yuj cha, yelt 'a yol yic Egipto cha. Ma'ix xiw jac yuj yowl sc'ojl win rey cha. Caw te'n yutjnac snab'en, 'icha to caw yiljnac jun matz tac' quilnec, atn Dios.

A Ch'an̈ Carta D'a Eb' Hebreo 9:14

Toto 'ixta yopiso schic'l no noc' cha, ocxom wal schic'l Cristo. A Yespíritu Dios 'ayc' 'a smasnil tiempo. Yu'uj, ya'jnac sb'a Cristo xajmb'al-l 'a Dios, 'icha junc xajmb'al may spaltail. Yuj cha, a schic'l chi tzsacb'tzan qui nab'enec 'a jun tzo'n̈ maysch'olnil tz'i'n cot chaml 'a quib'n̈ec. Yuj cha, a ticnec, tztac' ca'nec servil Dios pitzan.