Pr 9:3 - Chuj San Sebastian Bible

³ Xlajw cha, schecn 'at 'ix jun tzo'n̈ eb' 'ix schecab', yic tz'at eb' 'awjoc 'a jun tzo'n̈ lugar caw chan̈ yaj chan̈ 'a yol chon̈ab'.

Chuj San Mateo Bible

³ Ix lajvi chi', ix schecanb'at eb' schecab' ix d'a juntzan̈ tzalquixtac ay d'a yol chon̈ab'.

Pr 9:3 ပူးပေါင်းရင်းမြစ်များ

Salmos 68:11

Ach Cajlil on̈, a yic 'ix alni to tz'ajx ganar eb' 'ajc'ojol, til wal eb' 'ix 'ix x'aln 'el 'ixtic:

Pr 9:14

Ton̈j tz'em wocn 'ix 'a sti yatut 'a junc tzaln 'a yol chon̈ab',

Pr 9:16

Tzyaln 'ix 'a eb' 'ixtic: Cotn̈ec 'a tic ex quelmtac winc to mant 'a e jelnal, mant 'a e nab'en.

Mt 22:9

Yuj cha, 'ixquec 'a yol caye, jantcn̈ej eb' tz'ilchj eyu'uj, tze chec cot eb' 'a jun q'uin̈ tic, xchi win 'a eb'.

Lc 11:49

Yuj cha, yaljnac can Dios 'ixtc yuj sjelnal: 'Oj in checb't jun tzo'n̈ eb' 'oj alnc 'el in paxti 'ayex, yet' jun tzo'n̈ xo eb' in checab'. 'Ay eb' 'oj e mil chamoc. 'Ay pax eb' 'oj e pech b'eyc'oc, xchi Dios.

Lc 14:17

Ax yic xc'och hora yoch jun wal cha, 'ix schecn 'at win jun smoso 'at yal 'ixtc 'a eb' 'awtb'il cot yuj cha: 'Ixquec, xc'och hora yoch wa'el, caw lista xo yaji, xchi 'a eb'.

Jn 18:20

Ax Jesús, 'ix yaln 'ixtc 'a winac: —A jun tzo'n̈ cuynb'il tic, 'in 'ix wal 'elt 'a scal eb' 'anma smasnil. Smasnil tiempo tzwal 'elt 'a yol jun tzo'n̈ e capiya, yet' 'a yamq'uil yatut Dios, 'a 'ajtil tzyam sb'a eb' quit israelal smasnil. May junc tas 'ix wal 'a c'ultaquil.

Jn 7:37

A wal 'a yol slajw q'uin̈, ata caw sin̈n̈i tz'aj eb' 'anma'. Yuj cha, at 'a yol slajw q'uin̈ cha, atta 'ix q'ue lin̈n Jesús 'a sat eb'. Caw 'ip 'ix yal 'elt 'a scal eb' 'ixtic: —Toto 'ayx tze nib'j tze chaj e q'uinl 'a jun 'ejmn̈ej, cotn̈ec 'ayin. 'Icha tzeyutj ey'un a yuj e tacn̈ti'al, 'ixta 'oj e yutc e chan jun e q'uinl chi 'ayin.

Ro 10:15

¿Tas 'oj yutc eb' 'at yalnc 'el wach' 'ab'ix, toto may mach tzchecn 'at eb'? Yuj cha, tzyaln pax 'a Ch'an̈ Un̈ chi 'ixtic: Til wal sja'l yilxi yic tzjaw junc win alm 'ab'ix, junc 'et'jnac wach' 'ab'ix, [atn yab'xil junc'ojlal], xchi.