Pr 31:26 - Chuj San Sebastian Bible

²⁶ Caw wal jeln spaxtini, yet' wal schamc'ojlal tzcuywji.

Chuj San Mateo Bible

²⁶ D'a val jelanil slolon ix, yed' smasanil sc'ol ix syac' c'ayb'ub'al.

Pr 31:26 ပူးပေါင်းရင်းမြစ်များ

Ester 4:4

A eb' 'ix 'ix tz'a'n servil 'ix reina Ester, yet' pax eb' winc tztan̈wni 'ix, 'ix yal eb' yab' 'ix tas yaj Mardoqueo cha. Yuj cha, 'ix cus chan̈ sc'ojl 'ix, 'ix ya'n 'at 'ix pichl 'a Mardoqueo yic tzjeln 'el win te pichl n̈achtac sat 'aych yuj cha, palta ma'ix yal sc'ojl scha'aj.

Ester 5:8

Toto yel 'ay a chamc'ojlal 'ayn mamin rey, tzyaln̈j a c'ojl a'n tas tzin c'ana, scha cab' a c'ojl a cotx q'ui'n jun 'ejm xo yet' win Amán yic tzex wa wet'oc, yujto caw niwn el'ch 'a in sat. At q'ui'n chi 'oj wal 'ayach tas tzin nib'j in c'an 'aych mamin rey, xchi 'ix.

Pr 10:31

A eb' wach' snab'en, an̈j jelnal tzyal eb', ax eb' tu spaxtini, 'oj tenxoc 'och wan eb'.

Pr 12:18

A eb' amancotn spaxtini, tzyac' cus eb' sc'ojl yit 'anmal yet' spaxti tzcomn alej, ax eb' wach' snab'en, caw tzniwnc'ojlax eb' 'aych 'a scusc'ojlal yuj spaxti eb' tzyala.

Pr 16:24

A paxti wach', lajn wal 'icha no yal chab', tzon̈ tzaljec chan̈ yu'uj, tz'och pax quipc yuj tzcab'i.

Pr 19:14

A win winac, tzchaj win yatut mto smacl tumn 'a smam snun; palta ax 'ix 'istzilab'il wach' snab'en, a Jehová a tz'a'n 'ix.

Pr 25:15

A paxti to yic niwnc'ojlal yaji, c'un pax tz'aj yalxi, sictac tz'aj eb' tenmtac yu'uj, yet' pax eb' yajal, 'oj montchjoc eb'.

Pr 31:27

'Aychn̈ej 'ix yiln tas sb'ey yol yatut, may 'ajtil ton̈j tz'ec' tiempo yuj 'ix.

Cantares 2:14

Lajn ach 'icha junc no 'uch tzc'ub'j 'el sb'a 'a sat q'ue'en, 'ixta 'ix otj a c'ub'n 'el a b'a 'ayin, ax ticnec jun, ch'ox wil a sat, tzin nib'n wab' a paxtini. Yujto caw wach' yol a jaj, caw wach' pax elx 'ochi, xchi ni 'ayin, xchi 'ix.

Cantares 4:11

'Icha wal to a no yal chab' 'aych 'a yol a ti', a tas tz'elt 'a yol a ti cha, lajn wal 'icha lech, 'icha pax yal chab'. Ax a pichul, yel xo su'mtac sjab' 'icha te c'ute 'ay 'a Líbano.

Malaquías 2:6

Caw yeln̈j tas xyal eb', may 'aj xyamchj eb' yet' 'es paxti', wach'n̈j 'e'nc eb' wet'oc. Til wal mach 'ix spojcn 'el eb' 'a scal maysch'olnil.

Lc 1:38

—An tic ya'mal in servil Dios Cajlil, sb'o cab' 'ayn 'icha xal tic, xchi 'ix 'a 'a. Xlajw xoj cha, x'atx jun ángel cha.

A Tas Sc'ulejnac Eb' Schecab' Jesús Hechos 18:26

Ax 'a jun 'el, x'at yalnc 'el spaxti Dios 'a yol scapiya eb' yit israelal. Caw te'n xyutj sb'a yaln 'eli. Palta yic 'ix yab'n Priscila yet' Aquila, 'ix yi'n 'at eb' yet' sch'ocoj. 'Ix swach' cuyn eb' 'a scuynb'il Dios.

A Tas Sc'ulejnac Eb' Schecab' Jesús Hechos 6:15

Ax ewin yajl cha, yet' eb' wocn 'ejmta smasnil, 'ix 'och q'ueln eb' 'a Esteban cha. 'Ix yiln 'och eb' sat, caw lajn yilx 'icha sat junc ángel.

Ef 4:29

Man̈x eyal jun tzo'n̈ comn tu paxti'al. Cojn jun tzo'n̈ paxti wach' tzlaj eyala', sec 'oj laj b'o snab'en eb' tz'ab'xni 'ayex, ax swach' 'och ste'nal eb' eyu'uj.

A Scarta San Pablo D'a Eb' Aj Colosas 4:5

A yic tzex paxtin yet' eb' man̈ creyenteoc 'a junjn 'ejem, caw wach'n̈j tzeyutj e b'eyb'al yil eb'.

A Sb'ab'el Carta San Pedro 3:1

Ax 'istlab'il ex, caw yiclum tzeyutj e b'a 'a eyichmil. Yujto 'ayx matz ya'ch eyichmil sc'ojl 'a spaxti Dios. Wach'xam may tas 'oj eyal 'a eb', palta tecn 'oj montchjoc 'och eb' eyu'uj.

Jueces 13:23

Palta 'ix ta'w 'ix 'ixtic: —Q'uinloc to tznib'j Jehová on̈ smila', toto 'ixta', ma'ix schaj am qui xajmb'al yet' qui ofrenda xca'c 'a 'a. Toc am 'ay tas sch'ox quil 'icha jun tzo'n̈ tic. May pax am tas xyala to 'oj 'aljoc junc cunnal, xchi 'ix.