Pr 30:33 - Chuj San Sebastian Bible

³³ A yic si'mb'il tzma'x scalc sb'a no lech, axta tz'elt can no mantequilla; toto tzqui b'an qui n̈i', ax tz'aji tzcot schiq'uil; toto tzqui tzuntzj junc mach, ax tz'aji owl xo tz'aj slajw 'el'chi, xchi win Agur.

Chuj San Mateo Bible

³³ Tato sic'lab'il sjuytaj noc' lech, tz'elta mantequilla, tato tze b'an e n̈i', scot schiq'uil, tato tze tzuntzejcot yoval junoc eyetanimail, ovalxo tz'aj slajvi, xchi vin̈aj Agur.

Pr 30:33 ပူးပေါင်းရင်းမြစ်များ

Gn 18:8

'Ix yi'n cot pax win mantequilla, lech yet' pax no schib'jal wacx 'ix sb'o cha. 'Ix ya'n wa win eb' winc chi 'a yich te te cha, 'ayc'n̈ej Abraham chi yet' ewinac, yic xwa eb' cha.

Pr 10:12

A eb' 'ay schichnc'ojlal, caw tzsay eb' tas tz'aj spitzw chan̈ owal, ax eb' 'ay schamc'ojlal, tzya'n̈j eb' niwnc'ojlal yuj tas tz'aj yixtxi.

Pr 15:18

Toto c'un scot cowlec, cojn owl tzq'ue wan cujec; ax toto niwn qui c'ojlec, tzca'c tup owal.

Pr 16:28

A junc mach tu snab'en, saym owl 'a scal 'anma', ax junc alm peclal, tzchac sb'a eb' swach'c'ojl sb'a yu'uj.

Pr 17:14

'Icha junc a a tzmacx 'och wa'an, jab'jnal yel a 'a yet'l cha, palta ax tz'aji tzjacw 'el secn̈joc a smasnil, 'ixta wal junc owl jab'jnal tz'aj yel yich. Yuj cha, yel xo wach' tzyac' junc mach niwnc'ojlal yic mantzac 'el yich junc owl cha.

Pr 26:21

'Icha tz'aj schacb' pax te stzac'ac' yic tz'ochx sc'atztzil, tzn̈ilchj pax cha'an̈, 'ixta tz'aj sq'ue wan owl 'a scal 'anma yuj junc mach cojn owl tz'ec' say sb'o'.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Pr 29:22

A mach ow tzyutj sb'a, tzyij chan̈ owl 'a scal 'anma'; a mach c'un scot yowal, 'ay tas man̈ wach'c tzb'o 'a scal 'anma'.

Pr 31:1

A spaxti win rey Lemuel, caw wal niwn yel'chi. A 'a jun tzo'n̈ paxti tic 'aj cuyb'il win yuj snun. Yaljnac 'ix 'a win 'ixtic: