Pr 30:19 - Chuj San Sebastian Bible

¹⁹ Atn tas tz'aj sb'ey no salt'iw 'a satcha'an̈, tas tz'aj yec' no chan 'a sat q'ue'en, tas tz'aj sb'ey te barco 'a yib'n̈ a mar yet' tas tzyutj win quelm smontn sb'a yet' 'ix cob'es.

Chuj San Mateo Bible

¹⁹ A tas tz'aj yec' jen̈en̈oc noc' ch'acb'a d'a satchaan̈, a tas tz'aj yec' b'ac'ac'oc noc' chan d'a sat q'uen tenam, a tas tz'aj sb'ey te' barco d'a yib'an̈ a' mar yed' pax tas tz'aj smontan sb'a vin̈ vinac yed' ix ix.

Pr 30:19 ပူးပေါင်းရင်းမြစ်များ

Job 39:27

¿Ach am tzal 'a no salt'iw yic tzb'on no yet'l 'a caw cha'an̈?

Ex 22:16

Q'uinloc 'ay junc winc tzcomn yamn cot junc 'ix cob's 'ix, mant 'aj 'ay strato 'ix yet' junc xo winac yic tznupni, tzyecn pural win 'ix smuln yet'oc. Toto 'ixta', yowlal tzyac' win q'uen tumn yic 'ijb'a 'a smam snun 'ix, 'icha xon b'eyb'al, tzlajw cha, tzyi'n can sb'a win yet' 'ix.

Pr 30:18

'Ay chan̈e tas tzsat in c'ojl wilni:

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Jeremías 48:40

Tzyaln Jehová pax 'ixtic: A jun 'ajc'ojl yajch 'a Moab, 'ix c'och lemnjoc 'a 'a, 'icha sc'och jen̈n̈oc junc no c'uc'um.

Jeremías 49:22

A eb' 'ajc'ojl cha, caw yajn̈ej ax sc'och eb' yac' owl 'a chon̈b' Bosra, 'icha sc'och jen̈n̈oc junc no c'uc'um. A wal 'a jun c'u cha, a eb' soldado 'aj Edom, caw 'oj 'ib'xoc eb' yuj xiwlal 'icha junc 'ix 'ix wan yalj yune', xchi Dios.

Dt 28:49

A junc nacion̈al eb' 'anma caw najt 'ay 'a slajb' yolyib'n̈q'uinl tic, a 'oj yi' cot Jehová 'ayex. 'Icha wal sjelnal sb'ey junc no salt'iw yic tzjen̈wj no', 'ixta 'oj 'aj sjaw eb'. Chuc sti eb', ma'oj eyab' tas tzyal eb'.