Pr 30:15 - Chuj San Sebastian Bible

¹⁵ 'Ay chawn̈ yune jun no 'u'm chic', tzc'ann̈j e no cotc chi tas tzc'ux 'a junjn rato, palta may tz'aj e no sb'ut'ji. Lajn e no 'icha chan̈e tas to may xon tz'aj sc'och sc'ojol:

Chuj San Mateo Bible

¹⁵ Ay chavan̈ yune' noc' uc'umel chic', an̈ej uc'oj chic' syac' noc'. A noc' chi' lajan noc' yed' chan̈e' tastac max och vaan snib'ani:

Pr 30:15 ပူးပေါင်းရင်းမြစ်များ

Pr 27:20

A chamel yet' sjul-l 'aj tzmucx eb' tzchami, may tz'aj sb'ut'ji, 'ixta may b'a'n̈ tz'och wan snib'n eb' 'anma tas tznib'ej.

Pr 30:14

'Ay pax mach matz 'o'ch xon sc'ojl 'a eb' meb'a', caw tz'ixtx eb' yu'uj, tzyi'n can 'ec' tas 'ay 'a eb'.

Pr 30:16

Atn sjul-l chamel, eb' 'ix 'ix matz 'unewi, lum lum may xon yalil sat, yet' te c'ac' may xon tz'aj yoch wan stz'a c'atztz 'a 'a.

Pr 30:21

'Ay chan̈ macn̈ eb' 'anma matz techj sb'eyb'al cujec, axn̈ej eb' tzb'inax 'a yol qui chon̈b'ec:

Pr 30:24

'Ay chan̈ macn̈ no cotc noc' yel xo wal 'ay snab'en 'a sat lum lum tic, 'ec'b'al snab'en e no 'a yib'n̈ eb' 'anma jelan:

Pr 30:29

'Ay 'ox macn̈ no noc' caw jeln tzyutj sb'a, ax junx schan̈c'ajil, caw wal matz xiwi:

Pr 6:16

'Ay uc c'aj tas matz chaj sc'ojl Jehová: Atn b'an̈quinal, 'a'j 'es, milj cham 'anma may smul, naj chan̈ paxti man̈ wach'oc, b'oj maysch'olnil 'a yajn̈ej, 'a'j 'och 'es 'a yib'n̈ junc xo mach, pitzj chan̈ owl 'a scal eb' yit 'anma'il.

Is 57:3

A Dios 'ix aln 'ixtic: Ax tze b'o maysch'onil, cotn̈ec 'ayin to 'oj ex in b'eyc'ojloc. Ax tic xlaj e b'eylb'ej sb'eyb'al eb' 'ajchum yet' eb' tzb'on 'ajmulal.

Os 4:18

'Ix 'em eb' 'a 'ajmulal smasnil, 'icha tz'aj yem eb' 'u'm 'an̈. Man̈xtzac 'och wan eb' sb'on 'ajmulal. A eb' syajlil eb', cojxn tas q'uixweltac tznib'j eb' sb'o'.

Am 1:11

A Jehová tzaln 'ixtic: A wal eb' 'aj Edom, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Caw spech b'eyc'oc eb' smasnil eb' yican, atn eb' israel, yic tzmilx cham eb' yuj eb', may xon jac sniwnc'ojlal eb' 'a eb', tzb'on eb' tas tznib'j yet' yowl sc'ojl chi 'a eb'. Matz 'at satc'ojlal yowl sc'ojl eb' chi yu'uj.

Am 1:13

A Jehová tzaln 'ixtic: A wal eb' 'aj Amón, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Yujn̈ej snib'n eb' yi' jacx slum, yuj cha, xlaj stecnc 'elt eb' yolsc'ojl eb' 'ix 'ix yet'x yune cajn 'a yol yic Galaad.

Am 1:3

A Jehová a 'ix aln 'ixtic: A wal eb' 'aj Damasco, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto 'icha wal tz'aj ste'x 'ixm trigo, 'ixta wal x'aj yixtx 'el eb' 'aj Galaad yuj eb'.

Am 1:6

Xyaln pax Jehová 'ixtic: A wal eb' 'aj chon̈b' Gaza, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb', yujto xyij 'at eb' smasnil eb' chon̈ab', axta schon̈ch eb' mosoal eb' 'a Edom.

Am 1:9

Xyaln pax Jehová 'ixtic: A wal eb' 'aj chon̈b' Tiro, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. 'Ix schon̈ch eb' jun chon̈b'al eb' 'anma mosoal 'a chon̈b' Edom, man̈x 'ic sna cot eb' jun strato yet' eb', chajtlto swach'c'ojl sb'a eb'.

Am 2:1

A Jehová tzaln 'ixtic: A wal eb' 'aj Moab, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Sn̈usjnac eb' sb'acl eb' sreyl Edom, masnto 'ochnc tan̈il yuj eb'.

Am 2:4

A Jehová tzaln 'ixtic: A wal eb' aj Judá, man̈x jantcoc maysch'olnil sb'o eb', yuj cha, yowlal 'oj wa'ch yailal 'a yib'n̈ eb'. Spatquilj can 'el eb' in cuynb'il, ma'ix syiclj eb' in ley. A yic eb', to xyac' eb' 'emmquilal 'a jun tzo'n̈ comn dios, atn jun tzo'n̈ 'aj ya'jnac eb' smam yichm eb' 'emmquilal.

Miqueas 7:3

Caw cuywjum eb' sb'on maysch'olnil. A eb' 'ay yopiso, tzc'an eb' q'uen c'ultac tumn 'a eb' yit chon̈ab'. Ax eb' juez tzchaj eb' q'uen c'ultac tumn cha. Yuj cha, a eb' rico tzb'on̈j eb' tas 'icha wal tznib'ej. A eb' cha, jun tzyutj sb'a eb', tzyixtn eb' yit 'anma'il.

Mt 23:32

A tas sb'ojnac eb' e mam eyichm cha, ax xo, ton̈j tze wach' 'a'j 'och xicul.

Jn 8:39

—Palta atn Abraham, a mamb'il yaj 'ayn̈ on̈, xchi eb' 'a 'a. —Octom yel yin̈tlex Abraham cha. Toto 'ixta', wan e b'eylb'an 'icha 'e'nc cha.

Jn 8:44

Ax tic, a jun e mam, atn win diablo. Yuj cha, an̈j 'a win tzeya'ch e nab'en. An̈j tas tznib'j winac, an̈j tze b'o'o. Yictax sb'o yolyib'n̈q'uinl tic, ma'm cham 'anma xon win ta'. May jac yel'ch junc tas yel 'a winac, yujto may junc yel tzyal winac. A yic tzya'n win junc 'es, a 'a snab'en win tzcoti, yujto caw 'a'm 'es winac. A 'a winac, ata tzpitzw 'el smasnil 'es.

Ro 16:18

Yujto a eb' cha, man̈oc Cajlil Jesucristo tzyac' servil eb', an̈j jun tzo'n̈ tas tznib'j 'och sniwnal eb', an̈j tzyac' servil eb', caw tzyixtj paxti eb' jun tzo'n̈ eb' mantzac nachj 'el yu'uj. C'un tzcob' yutc eb' yalni, 'icha to wach' cob' chi tzyal eb', palta man̈ wach'oc.

A Schab'il Carta San Pedro 2:3

A eb' 'a'm 'es cha, cojxn wal tumn tznib'j 'och eb'. Yuj cha, jeln 'oj yutc eb' yaln jun tzo'n̈ 'es 'ayex, yujto tznib'j eb' tzyac' ganar stumn 'a e patquil. Palta pectix b'eyc'ojlb'ilx eb' yuj Dios. Yuj cha, yowlal 'oj satcn 'el eb' 'a jun 'ejmn̈ej. Toxn ma'oj stac' scoln 'elt sb'a eb' 'a jun yailal cha.