Pr 29:8 - Chuj San Sebastian Bible

⁸ A eb' ch'a'an, ton̈j tzuntzj chan̈ somnjoc eb' junc chon̈b'al 'anma'; a pax eb' jelan, yojc eb' stenn 'ejm junc owl cha.

Chuj San Mateo Bible

⁸ A eb' b'uchumtac, ton̈ej sq'ue somnaj eb' anima yuj eb'. Axo pax eb' ay spensar jun, yojtac eb' syac' lajvoc oval.

Pr 29:8 ပူးပေါင်းရင်းမြစ်များ

Pr 11:11

Yuj swach' b'eyb'al eb' tojl snab'en, yuj cha, tzq'ue'ch junc chon̈ab'; palta yuj stu b'eyb'al eb' man̈ tojloc snab'en, yuj cha, ton̈j tzwach' lajw can 'ejm junc chon̈b' cha.

Pr 15:1

A mach wach' tzyutj spacn junc paxti', tztup 'ejm owl yu'uj; ax toto ow tzyutj spacni, ton̈j tzwach' niwtj junc owl chi yu'uj.

Pr 16:14

A yowl sc'ojl win rey, chaml tzyij coti, ax eb' jeln snab'en, a eb' tzsayn sb'omb'il tas tz'aj yec' yowl sc'ojl win cha.

Pr 29:9

Toto a junc jeln tztej sb'a yet' junc may snab'en 'a yojltac eb' yajal, a jun may snab'en cha, tzcot yowal mto ton̈j tzb'uchwji, may tas tzb'o yu'uj.

Jeremías 15:1

'Ix ta'w Jehová 'ayn 'ixtic: Man̈x 'oj 'o'ch in c'ojl 'a eb' in chon̈b' tic. Wach'xam caw a Moisés mto a Samuel tzjapx tewc 'a wojltac yuj eb' 'icha yutjnac eb' 'a yic pecti', man̈x 'oj in ta'w 'a eb'. Yuj cha, al 'a eb' chon̈b' cha, to tz'el eb' 'a wojltac, sayt cab' sb'a eb'.

Ez 22:30

'Ix cob' in sayc' 'a scal eb', lemb'il 'ay junc mach tztew to 'ayn yuj jun chon̈b' cha, sec matz in satli, palta may junc x'ilchj wu'uj.

Nm 16:48

Yajn̈j wal cha, xya'n 'och 'a scal eb' chamnc xo cha, yet' 'a scal eb' pitznto, cojn cha, 'ix 'och wan eb' 'anma chi schami.

Nm 25:11

A Finees, a 'ix 'a'n sicb'oc yowl in c'ojl 'a yib'n̈ eb' chon̈b' tic, yujto locn xyab' syal wet'oc. Q'uinloc man̈toc 'ixta xyutej, toto 'ixta', 'ix lajw scham eb' 'anma tic smasnil.