Pr 29:27 - Chuj San Sebastian Bible

²⁷ A eb' 'anma wach' snab'en, matz nib'j eb' yil eb' maysch'olnil snab'en; an̈jtona eb' maysch'olnil snab'en cha, matz nib'j eb' yil eb' wach' snab'en cha.

Chuj San Mateo Bible

²⁷ A eb' vach' spensar, malaj sgana eb' syil eb' chuc, icha pax chi' eb' chuc chi', malaj sgana eb' syil eb' vach' spensar chi'.

Pr 29:27 ပူးပေါင်းရင်းမြစ်များ

Salmos 101:4

A jun tzo'n̈ nab'en maysch'olnil, najt tzwijcan 'el eb' 'a in tz'ey, matz in nib'j tzwojquej 'el tas maysch'olnil.

Salmos 119:115

'El cab' eb' maysch'olnil snab'en tic 'a in tz'ey, yujto tzin nib'j in yicl a checnb'il ach in Diosal.

Salmos 139:21

Mamin Jehová, 'in ojtac to tzin chac in b'a yet' eb' tzach chacn 'eli yet' eb' 'ajc'ojl yajch 'ayach.

Salmos 139:22

Caw wal tzin chacl eb'. 'In ojtac to 'ajc'ojl pax yajch eb' 'ayin.

Salmos 6:8

'Eln̈ec 'a in tz'ey ex tze b'o maysch'olnil, tox 'ix yab' Jehová woq'ui.

Salmos 69:4

'Ec'b'al sb'isl eb' tzcomn chichn 'och 'ayn 'icha sb'isl xil in jolom; caw xjelnb'i eb' 'ajc'ojl yajch 'ayin. Wach'xam may in mul, palta tznib'j eb' tzin smil chamoc, tznib'j eb' tzc'an meltzjoc tas 'ayn 'a nab'an̈ej, palta may tas wel'jnac.

Pr 12:8

Tzalx wach' paxti 'a eb' 'anma yuj sjelnal; ax eb' may snab'en, caw patcab'il 'el eb'.

Pr 13:19

A yic tz'el'ch tas tzqui nib'jec qui b'o', caw tzon̈ tzaljec. Ax eb' tu snab'en, toxn matz nib'j eb' tzyij 'el sb'a 'a scal maysch'olnil.

Pr 24:9

A tas nab'il yuj junc may snab'en, cojn 'ajmulal; a junc ch'a'an, toc 'ay mach tznib'ni.

Pr 29:10

A eb' milm 'anma', tzpatquilx can 'el eb' wach' snab'en yuj eb', tznib'j eb' smil cham eb' wach' cha.

Pr 30:1

A win Agur yunnal Jaqué, caw niwn yel'ch tas tzyala. A Agur cha, xpaxtin 'a win Itiel yet' 'a win Ucal, 'ix yaln 'a eb' 'ixtic:

Zacarías 11:8

A 'a yol jun 'uj, xin chec meltzjc 'oxwn̈ eb' 'ilm calnelu, 'ix lajw c'och in niwnc'ojlal 'a eb', 'ixta pax eb', caw wal man̈xtzac in snib'j eb'.

Mt 10:22

Smasnil 'anma 'oj chichnc 'och 'ayx wu'uj. Palta a eb' 'oj 'a'nc techjoc smasnil jun tzo'n̈ cha masnto 'a slajub', 'oj colchjoc eb'.

Mt 24:9

Ax tic, 'oj eyajx 'och 'a yol sc'ab' eb' yajal, sec 'oj eyab' syal yuj eb', 'oj laj ex smil cham eb'. Smasnil 'anma 'oj laj chichnc 'och 'ayx wu'uj.

Jn 15:23

Yujto a eb' tzchichn 'och 'ayin, tzchichn pax 'och eb' 'a in Mam.

Jn 17:14

Tox xlaj walcn a paxti 'a eb'. Palta a eb' 'anma yic yolyib'n̈q'uinl tic, caw tzchichn 'och eb' 'a eb', yujto man̈x yico'oc yolyib'n̈q'uinl tic yaj eb' yet' eb'. 'Icha in an tic, man̈ in yico'oc yolyib'n̈q'uinl tic.

Jn 7:7

A eb' yic yolyib'n̈q'uinl tic eyet'oc, matz tac' tzchichn 'och eb' 'ayex. Palta an xo tic, tzchichn 'och eb' 'ayin, yujto tzin ch'oxli, to maysch'olnil sb'eyb'al eb'.

1 Jn 3:13

Ex wu'tac, ex wanab', matz tac' ton̈j tzeyac' sat e c'ojol, yic 'oj chichnc 'och eb' yic yolyib'n̈q'uinl tic 'ayex.