Pr 29:25 - Chuj San Sebastian Bible

²⁵ Toto 'ay mach tzxiw 'a yit 'anma'il, mun tzyij 'ejm sb'a, palta toto tzya'ch sc'ojl 'a Jehová, caw wal tan̈b'il yu'uj.

Chuj San Mateo Bible

²⁵ A xivc'olal d'a eb' quetanimail, lajan icha junoc yaal, palta tan̈vab'il on̈ yuj Jehová tato scac'och co pensar d'ay.

Pr 29:25 ပူးပေါင်းရင်းမြစ်များ

Gn 20:11

'Ix ta'w Abraham 'ixtc 'a winac: —A xwutj in nani, to a 'a jun lugar tic may junc mach 'ay xiwc'ojlal 'a Dios, yuj cha, toq'ue tzin milx cham yuj 'ix wistzil tic in nani.

Gn 20:2

A yic 'ayc' ta', 'ix yalni to a Sara man̈ yistziloc, palta to yanb' xyutj yalni. Ax win Abimelec sreyl Gerar, 'ix 'at 'a'nc cot Sara cha, sec tz'och yistloc yalni.

Gn 26:7

Ax yic sc'anb'n ewin 'aj lugar cha, tas yaj 'ix Rebeca yet' Isaac. Yuj cha, xiw Isaac chi yalni chajtlto yistzil 'ix, xyalni to yanab', yujto caw wach' yilx Rebeca cha. 'Ix sna Isaac lemb'il tzmilx cham yuj ewin 'aj lugar chi yuj 'ix.

A Ch'an̈ B'ab'el Libro Yic Yab'ixal Eb' Rey 19:3

Ax xyab'n Elías to 'ay smay tas xalx 'a yib'an̈, yuj cha, 'ix 'at scolnc sb'a 'a chon̈b' Beerseba, sec matz chami. A jun chon̈b' cha, ata 'ay 'a yol yic Judá, axta xyactj can jun schecb' cha.

1 Cr 5:20

'Ix 'och Dios yet' eb', yuj cha, 'ix 'ajx ganar eb' agareno yet' eb' 'aych yet' eb'. 'Ix can eb' 'a yol sc'ab' eb', yujto a yic wan ya'n eb' owl cha, 'ix sc'an eb' scolwal Dios. 'Ix colwj Dios yet' eb', yujto 'ix ya'ch eb' sc'ojl 'a 'a.

Salmos 118:8

Yel xo wach' tzca'c 'och Jehová yipc qui c'ojol, 'a yib'n̈ to a eb' 'anma 'aj tzca'c 'och qui c'ojol.

Salmos 119:117

Colwjan̈ wet'oc sec tzin colchj cani; caw tzin tzalj yet' jun tzo'n̈ a cuynb'il tic 'a smasnil tiempo.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 69:29

An xo pax tic, yan̈j waji, cusc'ojlaln̈ej pax waji. 'Ij in cha'an̈, tzin a coln 'el ach in Diosal.

Salmos 91:1

A eb' tzcol sb'a 'a yaln̈ spoder Jehová, atn jun caw niwn yel'chi, tztac' yuj smasnil,

Salmos 91:14

Yaljnac can Jehová 'ayn̈ec 'ixtic: An 'oj ex in colcn 'elt 'a yol sc'ab' smasnil tas 'ay smay, yujto tzin e chamc'ojlej, eyojquin pax si'mb'il.

Pr 16:20

Toto tzqui chajec cab' cuynb'il, 'oj 'ilchjoc swach'l cujec; toto tzca'c 'och Jehová yipc qui c'ojol, caw wach' quiquec.

Pr 18:10

A 'a Jehová, ata tzcol sb'a eb' 'anma tojl snab'en, lajn yaj 'a eb' 'icha junc cuartel caw wach' yaji.

Pr 28:25

A mach til wal tas tznib'j 'och yet' snab'en, cojn owl tzyij cha'an̈; palta toto a Jehová tzya'ch yipc sc'ojol, caw wal 'oj alxoc wach'il.

Pr 30:5

A Dios a tztan̈wni eb' tz'a'n 'och sc'ojl 'a 'a, smasnil tas 'aj tzyac' sti', smoj wal ca'nec 'och yipc qui c'ojol.

Ec 7:18

Wach' tzcutjec qui yamn 'och wan qui b'a 'a jun tzo'n̈ tic, man̈ ca'c sat 'a qui nab'en. Toto 'ay yel'ch Dios 'a qui satec, wach' 'oj quelc c'och yet' jun tzo'n̈ tic.

Is 57:11

¿Mach cob' jun tzo'n̈ nacion̈ chi 'aj tz'ex xiwi? Yuj cha, in eyactn cani, in eya'n sat 'a e c'ojol. An tic ton̈j sictac waji, toc 'ay tas tzwal 'ayex.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Dn 6:23

Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol.

Mt 10:28

Man̈ ex xiw 'a eb' tztac' smiln e niwnal tic, yujto a e pixan matz tac' smiln eb'. Palta a 'a Dios tzex xiwi, yujto a tztac' satn 'el e pixn yet' e niwnal, tz'at 'a infierno yu'uj.

Mt 15:12

Yuj cha, xjaw eb' scuywum 'a stz'ey, 'ix yaln eb' 'ixtc 'a 'a: —¿Ojc ama to caw xcot yowl ewin fariseo yuj jun xal tic? xchi eb' 'a 'a.

Lc 12:4

Ax xo ex in wach'c'ojol, tzwal 'ayex, man̈ ex xiw 'a eb' tztac' smiln e niwnal tic, yujto a yic tzlajw ex smiln eb', may junc xo tas tztac' sb'on eb' 'ayex.

Jn 3:2

Ax 'a jun 'ac'wal, 'ix c'och 'a Jesús. 'Ix yaln 'ixtic: —Mamin, cojc on̈ to a Dios checjnacch cot wul on̈ a cuy on̈, yujto 'ay jun tzo'n̈ milagro tza ch'oxo. May junc mach tztac' sb'on 'ixta', toto matz 'och Dios yet'oc, xchi.

Jn 9:22

'Ixta xyutj eb' yalni, yujto caw xiw eb' yaln yuj ewin yajl 'a scal eb' 'aj Judea cha. Yujto tox 'ix yal ewin yajl chi 'ixtic: Toto 'ay eb' 'oj alnoc, chajtlto a Jesús atn Cristo, 'oj qui pechc 'el eb' 'a yol qui capiya tic, xchi ewin yajl cha.

Dt 1:17

A yic tze b'onyaj eb' 'anma cha, man̈ chucchc cab' yel'ch eb' 'a e sat. Lajnn̈ej tzeyutj e b'onyaj eb', eb' 'emmquilal yeq'ui yet' eb' niwc winac. May cab' junc eb' 'aj tzex xiwi, yujto a jun b'eyc'ojlal cha, man̈ e yico'oc, palta yic Dios. Toto 'ay wal junc tas caw 'ajltac jun, tzeyac' 'e't 'a yol in c'ab', an xo 'oj in b'oyaji, xin chi 'a eb'.

A Sb'ab'el Carta San Pedro 1:21

Yuj Cristo, tzca'nec 'och Dios 'a qui c'ojl ticnec, yujto a 'a'jnac pitzwc pax 'a scal eb' chamnac. Caw niwn x'aj 'el'ch yu'uj. Yuj wal cha, caw ca'c 'och Dios 'a qui c'ojol, tzca'nec pax 'och yipc qui c'ojol.

Jueces 16:11

—Toto tzin jalx yet' 'a't lasu to mant 'a 'aj tzc'anxi, tz'el wip, 'icha xoj yip comn winc tzin 'ajcni, xchi winac.

A Ch'an̈ B'ab'el Libro Samuel 15:24

—Yel toni 'ix 'och in mul, ma'ix in yiclj tas xyal Jehová, atn tas xyal 'ayin yujto in xiw 'a eb' soldado ajun wet' tic, 'ix in yiclni tas xyal eb'.

A Ch'an̈ B'ab'el Libro Samuel 21:13

Yuj cha, sjelmtan sb'a, chuc yilx 'och 'a yojltac eb'. Xya'n 'och sb'a owya'il, comn xoj tz'ib'j 'och jun tzo'n̈ coxquixtac letra 'a jun tzo'n̈ smac n̈a. 'Ix ya'n b'ey 'emt yal sti 'a scal xil sti'.

A Ch'an̈ B'ab'el Libro Samuel 27:1

Palta a David 'ix sna 'ixtic: 'Ay am wal b'a'n̈ 'oj in smil cham Saúl, yuj cha, a tas 'oj wutc ticnec, to 'oj in 'atcn 'a scal eb' filisteo, sec wach' man̈xtzac in sayx 'ec' yu'uj, 'ixta 'oj waj in colchj 'a yol sc'ab', xchi.

A Ch'an̈ B'ab'el Libro Samuel 27:11

Man̈x 'a junc winac, man̈x 'a pax junc 'ix xcan 'a spitznal yuj David, sec man̈x 'a mach tz'at alnoc 'a chon̈b' Gat, tas 'ix 'el sb'oni. A 'a yol jun tiempoal yic cajn 'ec' 'a slum eb' filisteo cha, an̈j chi sb'o'o.