Pr 29:24 - Chuj San Sebastian Bible

²⁴ A mach tzya'ch sb'a yet' eb' 'elc'um, mun tzyij cot 'a yib'an̈, yujto tzyac' sti yaln junc chi 'a stojlal 'a sat eb' yajal, palta matz yal pax 'icha tzyutj ya'n sti cha.

Chuj San Mateo Bible

²⁴ A eb' syac'och sb'a yed' eb' elc'um, munil syic'cot eb' d'a yib'an̈. Syac' sti' eb' yalan tas yojtac d'a stojolal, palta max yal-laj eb' icha syutej yac'an sti' chi'.

Pr 29:24 ပူးပေါင်းရင်းမြစ်များ

Pr 15:32

Toto 'ay mach matz chaj 'ajxoc cuenta sb'a, mun tzpatquilj can 'el sb'a; ax toto tzchaj 'ajxoc cuenta sb'a, caw 'oj yic' sjelnal.

Pr 20:2

A junc rey caw wal ow, lajn wal 'icha junc no león tz'el yaw yic tzcot yowal; a mach tzte'wtzej sb'a stzuntzni, 'ay smay scham yu'uj.

Pr 6:32

Palta ax junc mach tzb'on 'ajmulal yet' 'ix 'ix 'ay yichmil, yel xo wal may jac snab'en. A wal mach tzb'on 'ixta', mun tzyij cot yailal 'a yib'an̈.

Pr 8:36

A pax eb' matz chan 'ab'nc paxti yic jelnal, mun a eb' tzyij cot yailal 'a yib'an̈. A eb' tzpatquiln can 'el jelnal, a chaml wan yi'n cot eb' 'a yib'an̈.

Is 1:23

A eb' eyajlil caw wal pit eb', yitb'eym sb'a eb' yet' eb' 'elc'um. Caw wal tzalj eb' yet' q'uen c'ultac tumin, tzlaj snib'nc eb' to 'ay tas tzlaj siyxc 'a 'a. Matz nib'j eb' tzlaj sb'o yaj eb' meb'a 'unin, yet' eb' 'ix 'ix chamnc yichmil.

Lv 5:1

Q'uinloc 'ay junc mach tz'awtx 'at yala', yic tzya'n testigoal sb'a 'a junc tas tzyila mto tzyab'i, palta toto matz chaj yala', a jun cha, tz'och smuloc, tzcann̈j 'a yib'an̈.

Mr 11:17

'Ix cuywj 'a eb', 'ix yaln 'ixtic: —Yaljnac can Dios 'ixtc 'a Ch'an̈ U'un̈: 'Oj alxoc yuj watut to yatutal lesl yaj yuj smasnil chon̈ab', xchi. Palta ax tic, 'icha junc n̈aq'uen 'aj tzc'ub'j 'el sb'a eb' 'elc'um, 'ixta tzeyutej, xchi 'a eb'.

Jueces 17:2

A jun cha, 'ix yal 'a snun 'ixtic: —A yic 'ix 'elc'x q'uen a tumn nunin, q'uen 1,100 tumn plata, ata 'ix al catb' paxti 'a yib'n̈ jun 'elc'm cha, palta ticni a 'ayn 'ayc' q'ue'en, an 'ix wel'j q'uen 'ayach, xchi. Yuj cha, 'ix yaln snun chi 'ixtc 'a 'a: —A cab' Jehová tzyac' yaxilal 'a eb'n̈ ach wune', xchi 'ix. A yic 'ix ya'n win meltzjoc q'uen tumn chi 'a snun cha, 'ix yaln pax snun chi 'ixtic: —Ach wune', a ticnec a jun tumn cha, tzwac' q'uen 'a Jehová yic tzb'o junc yechl to tzeyb'il, yet' junc tzb'o 'a yol molde, ax ticnec, an xo tzwac' meltzjoc q'uen 'ayach, xchi 'ix.

A Ch'an̈ B'ab'el Libro Samuel 20:2

'Ix ta'w Jonatán 'ixtic: —A jun cha caw man̈ yeloc, ma'oj a chami. Na wal si'mb'il chajtlto a 'in mam c'uxn tzyaln̈j 'ayin tas tzb'o'o, wach'xam niwn yel'chi, wach'xam may wal yel'chi. Q'uinloc 'ixta', 'ix yal in mam 'ayin. Caw man̈ a na 'ixta', xchi.