Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Pr 29:2 - Chuj San Sebastian Bible

2 A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

အခန်းကိုကြည့်ပါ။ ကော်ပီ

Chuj San Mateo Bible

2 Ayic tz'och eb' vach' spensar d'a yopisio, ste tzalaj eb' anima. Axo tato a eb' chuc tz'och yajalil jun, ste cus chaan̈ eb' anima yuj eb'.

အခန်းကိုကြည့်ပါ။ ကော်ပီ




Pr 29:2
16 ပူးပေါင်းရင်းမြစ်များ  

Wal 'a yajn̈ej 'ix spucn 'el eb' checb' chi ch'an̈ un̈ 'aj tz'ib'b'il jun ley cha, a tzyal xyutj win rey yalni. 'Ix alx 'el jun paxti chi mu'c 'a yol chon̈b' Susa. Ya' sb'a wan yu'w 'an̈ win rey yet' win Amán, ax eb' 'anma 'a chon̈b' Susa cha, caw wal somchj chan̈ eb' yuj jun paxti cha.


A yic x'elt win Mardoqueo 'a yol despacho, 'aych spichl yic yopiso yu'uj, q'uic'mucnac yet' sac, 'icha yic eb' rey. 'Ay q'ue jun niwquil corona nab'a oro 'a sjolom, 'aych pax junx spichl nab'a lino, chacmucnac yilxi. A yic cha, smasnil eb' 'anma cajn 'a yol chon̈b' Susa, caw 'ix 'awj chan̈ eb' yuj tzaljc'ojlal.


A tztenn 'ec' snib'b'en junc mach tu snab'en, sec matz yac' yajlil 'a yib'n̈ eb' chon̈ab', yujto ton̈j tz'ixtx eb' yu'uj.


A yic tzniwtj sb'isl eb' wach' sb'eyb'al, caw wal tzalj eb' chon̈b' yuj eb'; tzalj pax eb' yic tzcham eb' tu sb'eyb'al.


A yic tz'och eb' wach' sb'eyb'al 'a yopiso, caw tzalj eb' 'anma yet' eb', tzya'ch eb' q'uin̈; palta toto a eb' tu snab'en tz'och 'a yopiso, ax eb' 'anma cha, tzlaj sc'ub'c 'el sb'a eb'.


Toto a junc maysch'olnil snab'en 'aych yajlil 'a junc meb'a chon̈ab', lajn 'icha wal junc no león tz'el yaw, mto 'icha junc no oso 'ay swejel.


A yic tz'och eb' maysch'olnil yajlil, tzlaj sc'ub'c 'el sb'a eb' 'anma yuj eb', palta a yic tzsatl eb' maysch'olnil cha, ax eb' tojl snab'en tzniwtj cha'an̈.


'Ay wal jun tas man̈ smojc sb'o 'a yolyib'n̈q'uinl tic tzwila, atn tas tz'el sb'on eb' 'aych yajlil.


Yujto a eb' may snab'en, a eb' tz'ajx 'och 'a junc 'opiso niwn yel'chi, ax eb' rico, a jac comn 'opiso tz'ajx 'a eb'.


'Ix wa'n 'at in nab'en 'a jantc tz'aj eb' 'anma yixtx 'a yolyib'n̈q'uinl tic. 'Ix wilni to caw wal tz'oc' eb', palta may mach tz'a'n sniwnal sc'ojl eb', yujto a eb' 'ay yopiso cha, a eb' tz'ixtn eb' yit 'anmal cha.


Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.


Ax yic 'ix yab'n win rey Herodes speclal jun cha, caw 'ix somchj chan̈ snab'en win yet' smasnil eb' 'aj Jerusalén.


'Ix yutz'n jun yucl ángel pax strompeta. Xlajw cha, x'och jun tzo'n̈ paxti 'a satcha'an̈. Caw 'ip 'ix yal 'ixtic: A eb' yajl yaj 'a yolyib'n̈q'uinal, wal ticnec tzcan yopiso eb' yico'oc Dios Cajlil, tzcan pax yico'oc Cristo. A 'oj 'a'nc Yajlil 'a jun 'ejmn̈ej, xchi eb'.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ