Pr 29:16 - Chuj San Sebastian Bible

¹⁶ A yic tzniwtj chan̈ eb' 'anma maysch'olnil sb'eyb'al, caw tzniwtj chan̈ 'ajmulal; ax eb' wach' snab'en, q'ueln 'och wal eb', ax satl eb' maysch'olnil cha.

Chuj San Mateo Bible

¹⁶ Ayic stzijtumax eb' chuc, ste q'ue vaan chucal, palta a eb' vach' spensar, ol yil eb' scot yaelal d'a yib'an̈ eb' chuc chi'.

Pr 29:16 ပူးပေါင်းရင်းမြစ်များ

Salmos 112:8

Yojc eb' to te'nn̈ej yaj eb', yuj cha, matz xiw xon eb' jac 'a eb' 'ajc'ojl cha, ton̈j tzewj eb' yuj eb'.

Salmos 37:34

Ca'c 'och Jehová yipc qui c'ojol, yiclum tzcutjec qui b'a 'a 'a, ax 'oj qui'nec cha'an̈, ax ya'n lum lum quicooquec. Q'ueln on̈c wal 'ochi, ax satx can 'el eb' maysch'olnil sb'eyb'al cha.

Salmos 37:36

palta yajn̈ej 'ix satl eb', man̈x 'a eb' 'ayq'ui. 'Ix cob' in sayc' eb' palta man̈x 'ic 'ilchj eb' wu'uj.

Salmos 58:10

Ax eb' tojl sb'eyb'al, 'oj tzaljoc eb' yic 'oj 'ajxoc spac 'a eb' maysch'olnil sb'eyb'al, yic 'oj sb'on̈nc eb' yoc 'a schic'l eb' maysch'olnil cha.

Salmos 91:8

Cojn to tzqui macc quila' tas spac 'oj scha eb' tzb'on maysch'olnil.

Salmos 92:11

'Oj wil tas wal 'oj 'aj eb' 'ajc'ojl chi slajw 'eli. 'Oj wab' wal yel yaw' eb' xb'on maysch'olnil cha.

Salmos 92:9

A eb' 'ajc'ojl yajch 'ayach, 'oj satxoc can 'el eb'. Smasnil eb' tzb'on maysch'olnil, 'oj sactzic can eb'.

Pr 21:12

A Dios caw tojol, q'ueln 'och 'a mach maysch'olnil snab'en, a tz'a'n 'och 'a yol sc'ab' yailal.

Pr 29:2

A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

Apoc 15:4

Toc 'ay junc mach ma'oj xiw 'aych Mamin. Toc 'ay junc ma'oj alnoc wach' paxti 'ayach. Yujto cojxn ach caw wach'chn̈ej. 'Oj cot eb' 'anma 'a junjn nacion̈, 'oj wul yal sb'a eb' 'ayach. Yujto xlaj yil eb', chajtlto caw tojl tzotj a b'eyc'ojlwi, xchi eb'.

Apoc 18:20

Palta ax xo ex 'aj satcha'an̈, tzaljan̈c yuj jun chon̈b' cha. Ex schecb' Jesucristo, yet' ex schecb' Dios, e masnil ex yic xo, tzaljan̈ec. Yujto eyu'uj, 'ix sb'eyc'ojlan Dios jun chon̈b' cha, 'ix ya'n syailal.