Pr 28:2 - Chuj San Sebastian Bible

² Toto tu tas tzb'o junc chon̈b'al 'anma', tzolmtac yec' eb' syajlil eb', palta toto caw jeln snab'en junc syajlil eb' cha, tztac' yi'n b'ey jun nacion̈ chi 'a swach'il.

Chuj San Mateo Bible

² Tato pit syutej sb'a junoc chon̈ab', toxon̈ej b'eleli yec' eb' tz'ac'an yajalil d'ay, palta tato aj pensar jun yajal junoc chon̈ab', syal yic'an b'ey d'a vach'il.

Pr 28:2 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 15:25

A yic schab'l ab'il yoch win Asa reyl 'a Judá, 'ix schan 'el win Nadab yoch reyl 'a chon̈b' Israel, atn win yunnal Jeroboam. Chab' wal ab'il 'ix yac' win reyal.

A Ch'an̈ B'ab'el Libro Yic Yab'ixal Eb' Rey 15:28

A yic yoxl ab'il yoch win Asa reyl 'a Judá, ata 'ix milx cham win Nadab yuj win Baasa, ax win Baasa cha, 'ix 'ochx can reyl sjeloc.

Pr 11:11

Yuj swach' b'eyb'al eb' tojl snab'en, yuj cha, tzq'ue'ch junc chon̈ab'; palta yuj stu b'eyb'al eb' man̈ tojloc snab'en, yuj cha, ton̈j tzwach' lajw can 'ejm junc chon̈b' cha.

Ec 9:15

Palta a 'a jun yune chon̈b' cha, ata cajn jun win meb'a winac, cojn b'i'an to caw wal jelan. Tecn xtechj scoln jun chon̈b' chi yet' sjelnal cha, palta may mach xchan 'ab'nc tas xyala, may xon mach xyiclni.

Is 58:12

'Oj e b'ox chan̈ e chon̈b' 'a yet'l 'aj lan̈chjnac can 'ejmi. 'Oj eya'x 'ejm 'a yib'n̈ yipnub'al yich b'ob'il can xon 'a yic pecti'. Ax yalx eyu'uj, to b'om ex pax smuroal chon̈ab', b'om ex pax n̈a lan̈chjnac 'ejmi.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Os 13:11

Caw 'ay cot wowl 'ayex yic xwa'n eb' e reyl cha, an̈jtona', 'ay cot wowl 'ayex, yic xwi'n 'el ewin 'a yopiso.