Pr 28:18 - Chuj San Sebastian Bible

¹⁸ A mach wach' snab'en, 'oj colxoc, ax junc tu snab'en, 'oj 'el-lc yailal 'a yib'an̈.

Chuj San Mateo Bible

¹⁸ A eb' vach' spensar scolchajel eb', palta a eb' chuc spensar jun, elan̈chamel sjavi yaelal d'a yib'an̈ eb'.

Pr 28:18 ပူးပေါင်းရင်းမြစ်များ

Salmos 125:5

Palta ax eb' tz'atcn 'a scal tu b'eyb'al, 'at cab' can eb' yet' eb' maysch'olnil sb'eyb'al chi 'a scal yailal. ¡'Ay cab' junc'ojlal 'a qui calc an̈ israel on̈c tic!

Salmos 25:21

Coln 'el yuj in wach' b'eyb'al yujto may in mul, cojn ach tzach wa'ch yipc in c'ojol.

Salmos 26:11

Aln pax jun, cojxn̈ej tas wach' tzin b'o'o. 'O'ch cab' wal a c'ojl 'ayin, coln 'eli.

Salmos 84:11

Mamin Jehová qui Diosal ach on̈, ach tzac' sacq'uinl 'ayn̈ on̈. Tzon̈ a tan̈wj paxi, tza'n pax a wach'c'ojlal 'a yib'n̈ eb' tzb'on stojlal. Matz ej 'ec' tas wach' 'a eb'.

Pr 10:25

A yic tzjaw yailal 'icha junc chacxuxm 'ic', tzsatcn 'el eb' maysch'olnil sb'eyb'al yu'uj, ax eb' wach' sb'eyb'al, te'nn̈ej yaj eb' 'a jun 'ejmn̈ej.

Pr 10:27

A eb' 'ay yel'ch Jehová 'a sat, caw 'oj najtxb'oc sq'uinl eb', ax eb' maysch'olnil sb'eyb'al, 'oj tzu'xoc sq'uinl eb'.

Pr 10:9

A eb' wach' sb'eyb'al, may 'aj 'oj xiw eb'; ax eb' tu tzyutj sb'a, 'oj jawc 'a yib'n̈ eb'.

Pr 28:10

A mach tz'i'n 'at eb' 'anma wach' sb'eyb'al 'a maysch'olnil, a jun cha, mun a 'oj can 'a jun sch'an̈ yal tzb'o 'ejm cha, ax junc tojl snab'en, 'oj scha wach'il.

Pr 28:6

Wach'xam meb'a 'on̈ec, toto wach' qui nab'enec, yel xo wach' quiquec 'a yib'n̈ junc rico to cojn maysch'olnil nab'il yu'uj.

Nm 22:21

Ax 'a junx c'u cha, 'ix q'ue wan Balaam, xya'n 'och stz'um jun 'axna, 'ix 'at yet' eb' yichm wincal chon̈b' Moab.

Nm 22:32

Yuj cha, xyaln jun yángel Jehová chi 'a 'ixtic: —¿Tas yuj 'ix a mac' no a 'axna chi 'ox 'ejem? An ton 'ix in mac yol a b'e tic, yujto maysch'olnil tas tz'at a nib'j a b'o'.

Nm 22:35

Palta 'ix ta'w jun yángel Jehová chi 'ixtc 'a Balaam: —Tztac' cab' a 'at yet' jun tzo'n̈ 'anma tic, palta cojn tas 'oj wac' ala', a chi 'oj ala', xchi. Yuj cha, 'ix 'at Balaam yet' eb' schecb' win Balac cha.

Gl 2:14

Palta ax yic wiln an tic, to man̈ tojloc yutjnac sb'a eb' 'icha tzyal jun wach' 'ab'x caw yel, waljnac 'ixtc 'a Pedro 'a sat eb' creyente smasnil: Ach tic, israel ach wet'oc, palta 'in lajn a b'eyb'al yet' eb' man̈ israeloc. Man̈ 'ichaoc sb'eyb'al eb' quit israelal tzotj a b'a. Yuj cha, ¿tas yuj tza nib'j tzac' pural eb' man̈ israeloc, sec lajn tzyutj eb' sb'eyb'al yet' eb' quit israelal cha? xin chi 'a 'a.

1 Ts 5:3

A 'a yic jun tiempoal cha, 'oj cob' yal eb' 'anma 'ixtic: An̈ec tic, caw wach' cajec, toc 'ay tas tzqui na'ec, 'oj schic cob' eb'. Palta yajn̈j wal cha, ax satx can 'ejm eb'. 'Icha tz'aj sjaw syailal junc 'ix tz'alj yune', 'ixta 'oj 'aj sjaw syailal eb' cha. Wal yel, may junc eb' 'oj colchjoc can 'el 'a jun syailal cha.

Apoc 3:3

Yuj cha, nac cot jun tzo'n̈ cuynb'il 'aj eya'jnac 'och e c'ojl 'a yic yalan̈. Nac e b'a, 'a'c pax 'och e nab'en jun 'ejm xo 'a 'a. Toto matz e b'o e b'eyb'al, 'oj in c'och 'ayex. 'Icha sc'och junc 'elc'um, may mach 'ojtnac, janc' tzc'ochi, 'ixta 'oj in c'och 'ayex.