Pr 28:15 - Chuj San Sebastian Bible

¹⁵ Toto a junc maysch'olnil snab'en 'aych yajlil 'a junc meb'a chon̈ab', lajn 'icha wal junc no león tz'el yaw, mto 'icha junc no oso 'ay swejel.

Chuj San Mateo Bible

¹⁵ A eb' chuc spensar ayoch yajalil d'a junoc chon̈ab' meb'a', lajan eb' icha junoc noc' choj tz'el yav, ma icha junoc noc' oso ay svejel.

Pr 28:15 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 15:16

A yic jun tiempoal cha, 'ix cot Menahem yet' eb' soldado 'a Tirsa 'ix schan 'el yich ya'n satxoc el eb' chon̈b' 'ay 'a yol yic Tifsa, yujto ma'ix chax 'och win yuj eb' 'a yol schon̈b' cha. Yuj cha, 'ix yelc'n 'at eb' soldado win chi smasnil tas 'ay 'a yol smacb'en jun chon̈b' cha. An̈jtona eb' 'ix 'ix 'ayx tz'i'ni, 'ix tecx 'elt yol sc'ojl eb' 'ix yuj ewinac.

A Ch'an̈ Schab'il Libro Yic Yab'ixal Eb' Rey 2:24

'Ix meltzj 'at q'ueln 'a eb', 'ix scatb'tzan can eb' 'a sb'i Jehová. Yajn̈j wal cha, 'ix 'elt chawn̈ no oso 'a calte', scotc ch'iychtan 'at no 42 eb' quelmtac winc cha.

A Ch'an̈ Schab'il Libro Yic Yab'ixal Eb' Rey 21:16

Caw 'ix 'och smul smasnil eb' 'aj Judá yuj jantcn̈ej maysch'olnil sb'o Manasés 'a sat Jehová; til wal 'anma may smul 'ix ya' milxoc, 'ix b'ey schic'l eb' 'anma chi 'a smasnil yol yic Jerusalén.

Ex 1:13

'Ix 'och eb' israel 'a munljel caw wal ya yuj eb' 'aj Egipto cha.

Ex 1:22

A yic 'ix yiln win rey chajtlto matz tac' 'ixta', yuj cha, 'ix yaln win 'ixtc 'a smasnil eb' schon̈b' cha: A smasnil eb' winc 'unn tz'alj 'a scal eb' israel tic, tze xutcn 'at eb' 'a yojl a Nilo, palta toto 'ix 'unin, q'uib' cab'i', xchi win rey cha.

Pr 17:12

Yel xom wach' tzqui chajec qui b'a yet' junc no snun oso 'ic'b'il 'el yune 'a spatic, 'a yib'n̈ to tzqui chajec qui b'a yet' junc mach wan sb'on tas tu'.

Pr 19:12

A yowl sc'ojl junc win rey, caw 'ay smay, lajn wal 'icha yic tz'el yaw junc no león. Ax swach'c'ojlal winac, lajn wal 'icha yic tz'em chicb'chan̈ 'a yib'n̈ te c'ultac.

Pr 20:2

A junc rey caw wal ow, lajn wal 'icha junc no león tz'el yaw yic tzcot yowal; a mach tzte'wtzej sb'a stzuntzni, 'ay smay scham yu'uj.

Pr 29:2

A yic tz'och eb' tojl snab'en 'a yopiso, caw wal tzalj eb' 'anma'; palta a yic tz'och eb' maysch'olnil yajlil, caw wal tzcus eb' 'anma cha.

Is 14:5

'Ix smac'wecchjoc Jehová sc'occh win tu cha, atn sc'occh win yic yopiso,

Is 14:6

atn win tz'a'n 'och syailal eb' nacion̈ yet' yowl sc'ojol. Toxn matz 'och wan win yixtn eb' 'anma', 'oltac wal tz'ec' eb' 'anma yuj yowl sc'ojl winac, toxn matz 'och wan win spechn b'eyc'oc eb'.

Os 13:8

'Oj welt jomnjoc 'a e sat 'icha junc no snun oso tz'ijx 'el yune 'a 'a, 'oj ex in ch'iychtoc can ta', 'icha tzyutj no león, mto 'icha tzyutj junc xo no calte'al noc' sch'iychtan schib'ej.

Os 5:11

A chon̈b' Efraín cha, tox 'ix jaw 'a yib'an̈. Man̈x 'a tas 'ay 'a 'a, yujto 'ix ya'ch wal 'a sc'ojl yoch tza'n yuj jun tzo'n̈ comn dios.

Sofonías 3:3

A eb' syajlil eb', lajn wal eb' 'icha no león tz'el yaw yuj wejel. Ax eb' juez, lajn eb' 'icha no 'ocs man̈x 'a jac sb'acl schib'j tzyactj can yico'oc junc xo c'u.

Mt 2:16

Ax win Herodes cha, 'ix yilni to man̈x 'ic 'ec' eb' mago chi 'a winac. Ton̈j 'ix yixtj can paxti eb' winac. Yuj cha, caw xcot yowal, 'ix ya'n win milxc cham jantcn̈ej eb' cotc winc 'unn 'ay 'a chon̈b' Belén, yet' eb' 'ay 'a sla'nil jun chon̈b' cha. 'Ix cham eb' 'ayx schab'l ab'il, yet' eb' mantzac 'el 'a schab'l ab'il. Yujto 'ixta stiempoal ye'cn eb' mago chi 'a winac.

A Sb'ab'el Carta San Pedro 5:8

Caw lista tzcutjec qui b'a, macwjcoyec. Yujto 'icha junc no león tz'el yaw, tz'ec' saync 'ec' junc mach tzyac' lajwoc, 'ixta yec' jun 'ajc'ojl yajch 'ayn̈ec, atn win diablo.