Pr 28:13 - Chuj San Sebastian Bible

¹³ A mach tzc'ub'j 'el smul, caw man̈ wach'c 'oj 'aj 'el'chi; ax toto tzyal q'uet smul cha, tzlajw cha, tzyactn sb'oni, toto 'ixta', 'oj 'ajxoc niwnc'ojlal.

Chuj San Mateo Bible

¹³ A eb' sc'ub'ejel smul, man̈ vach'oc tz'elc'och eb'. Axo eb' syalq'ueta smul jun, syactanpaxcan eb', tz'ac'ji nivanc'olal eb'.

Pr 28:13 ပူးပေါင်းရင်းမြစ်များ

Gn 4:9

'Ix sc'anb'n Jehová 'ixtc 'a win Caín: —¿'Ajtil 'ay win o'tac Abel? xchi 'a winac. Yuj cha, xta'w win 'ixtic: —Man̈ wojcoc. ¿Tom wal yilmal win wu'tac chi waji? xchi winac.

A Ch'an̈ Schab'l Libro Samuel 12:13

Yuj cha, xyaln David 'ixtc 'a Natán: —Yel wal b'i'an, 'ix 'och in mul 'a Jehová, xchi. —A Jehová, 'ix 'a'n lajwoc a mul cha, ma'oj a cham yu'uj.

A Ch'an̈ Schab'l Libro Samuel 14:32

'Ix ta'w Absalón 'ixtc 'a Joab: —Ach 'at wa' cotoc, sec tz'at a c'anb'c 'a win rey tas yuj in 'at paxtc 'a chon̈b' Gezur. Q'uinloc ma'ay, yel xo am wach' ata 'ayn 'ec' ta'. A ticnec tzin nib'j wil in b'a yet' win rey, toto 'ay mach 'aj 'ay in mul, tztac' cab' in chami, xchi winac.

A Ch'an̈ Schab'il Libro Yic Yab'ixal Eb' Rey 20:15

—¿Tas xwul yil eb' 'a a despacho tic? xchi Isaías 'a 'a. —'Ix yil eb' smasnil tas 'ay 'a in despacho tic yet' jantcn̈ej tas molb'il wu'uj. C'uxn xin ch'ox 'a eb' smasnil, xchi Ezequías cha.

2 Cr 6:26

Q'uinloc 'oj 'och wan ya'n n̈ab' yujto tz'och qui mul 'aych on̈, yuj cha, tza'n 'och qui yailal, palta toto yajn̈ej tzon̈ jaw leslwoc 'aych 'a jun atut tic, tzcaln wach' paxti 'ayach, yic tzqui nan qui b'a yuj qui mul on̈,

Esdras 10:11

A ticnec 'ojquejec 'eli to x'och e mul 'a Jehová qui Diosalec yet' eb' qui mam quichmec, yicljec 'icha wal tznib'ej. Pojc 'el e b'a 'a scal eb' 'anma chuc chon̈b'al, tzeyactn can eb' 'ix 'ix cha, xchi Esdras 'a eb'.

Esdras 10:2

Xlajw cha, ax Secanías yunnal Jehiel yin̈tl Elam, sc'ann spaxti', xyaln 'a Esdras 'ixtic: An̈ tic on̈, 'ix 'och qui mul 'a qui Diosalec, yujto 'ix quijquib'a yet' eb' 'ix 'ix chuc chon̈b'al. Palta b'i'an, 'ayt wal sb'omb'il 'ayn̈ israel on̈c tic, sec wach' tzon̈ 'ajx niwnc'ojlal.

Nehemías 9:2

Tzpojn 'el sb'a eb' israel chi 'a scal eb' chuc chon̈b'al. Xq'ue lin̈n eb' yaln smul yet' smul eb' smam yichm eb'.

Job 31:33

May 'aj xin c'ub'j 'el in mul 'icha tzyac' jun tzo'n̈ xo eb', may 'aj c'ultac yaj in mul wu'uj,

Job 33:27

Ax yaln 'a sat eb' 'anma 'ixtic: 'Ix 'och in mul, 'ay tas man̈ tojloc xlaj in b'o', palta ma'ix ya'ch Dios in yailal 'icha wal smoj in chani;

Job 34:31

Ach tic mamin Job, toc 'ix al 'a Dios 'ixtic: 'Ix 'och wal in mul, ax ticnec man̈x 'oj in b'o'.

Salmos 51:10

Ach in Diosal, a wal junc nab'en caw wach' a tzac' 'ayin. Tza'n 'a'tb'oc wespíritu sec yiclum in 'ayach.

Pr 10:12

A eb' 'ay schichnc'ojlal, caw tzsay eb' tas tz'aj spitzw chan̈ owal, ax eb' 'ay schamc'ojlal, tzya'n̈j eb' niwnc'ojlal yuj tas tz'aj yixtxi.

Pr 17:9

A mach tztechj ya'n niwnc'ojlal yuj tas tz'aj yixtxi, tznib'j to wach' yaj yet' yit 'anma'il, ax mach to tzyalb'tan̈j jun tzo'n̈ cha, tz'el eb' swach'c'ojl 'a stz'ey.

Is 55:7

Ex maysch'olnil e b'eyb'al yet' ex tu 'e nab'en, nac e b'a, meltzjan̈c 'a Jehová, 'oj 'o'ch sc'ojl 'ayex; 'oj ex yac' niwnc'ojlal qui Diosal.

Jeremías 2:35

Wach'xam 'ixta tze b'o'o, palta tzeyal 'ixtic: An̈ tic, caw wach' on̈, may qui mul, man̈ 'ayc cot yowl sc'ojl Dios 'a quib'an̈, xe chi. An xo an Jehová in tic, 'oj wa' cot yailal 'a eyib'an̈, yujto matz eyojquej 'el e mul.

Dn 4:27

Yuj wal cha mamin rey, chaj ab' jun tzo'n̈ tzwal 'aych tic. Wach' cab' tzotj a b'a, man̈x 'och a mul. Comnoc wal tzactj can a b'on maysch'olnil, colwjan̈ 'a eb' tz'ixtxi. Toto 'ixta', tecn 'oj a can 'a junc'ojlal, ax a q'ue'ch yet' tas 'ay 'ayach, xchi Daniel 'ayin, xchi win rey cha.

Lv 5:5

A mach tz'och smul 'a jun tzo'n̈ tic, yowlal tzchaj 'och smuloc.

Jonás 3:10

A yic xyiln Dios sjeln eb' 'aj Nínive snab'en, 'ix yactn can eb' stu b'eyb'al, yuj cha, 'ix sjeln snab'en 'a yib'n̈ eb' 'anma cha, xyalni to mant 'oj yac' lajwc 'el jun chon̈b' cha, 'icha xyutj ya'n alxc 'eli.

A Tas Sc'ulejnac Eb' Schecab' Jesús Hechos 26:20

Yuj cha, a 'a Damasco chi in b'ab'l aljnac 'el spaxti Dios. Xlajw cha, x'ec' walnc 'el 'a Jerusalén yet' 'a junjn chon̈b' 'a yol yic Judea cha. Xwaln pax 'a eb' man̈ israeloc, chajtlto tzna sb'a eb', tzya'n 'och eb' snab'en 'a Dios. Waln pax 'a eb' to yowlal wach' tzyutj eb' sb'eyb'al, sec chequel to yel tzna sb'a eb'.

Jueces 10:15

Yuj cha, 'ix ta'w eb' 'ixtc 'a Jehová: —'Ix 'och wal qui mul 'ayach, ax ticnec, ach tza na'a tas tzon̈ otej, cojn tas tzqui c'an 'ayach, to tzon̈ a colcn 'el 'a yol sc'ab' eb' 'anma tic, xchi eb'.

A Ch'an̈ B'ab'el Libro Samuel 15:13

Yuj cha, 'ix 'at Samuel 'a 'aj 'ayc' Saúl cha, ax yic xc'ochi, 'ix yaln Saúl 'a 'ixtic: —Ya' cab' Jehová syaxil 'a eb'an̈; 'ix in yiclj tas xyala, xchi.

A Ch'an̈ B'ab'el Libro Samuel 15:24

—Yel toni 'ix 'och in mul, ma'ix in yiclj tas xyal Jehová, atn tas xyal 'ayin yujto in xiw 'a eb' soldado ajun wet' tic, 'ix in yiclni tas xyal eb'.

A Ch'an̈ B'ab'el Libro Samuel 15:30

—Caw x'och in mul, palta tzin tew 'ayach, to 'ay cab' wel'ch 'a a sat 'a yojltac eb' 'ichmtac winac yet' 'a yojltac cab' smasnil eb' quit chon̈ab'. Meltzjan̈ wet'oc, yic tz'at ca'nc 'emmquilal 'a yojltac Jehová qui Diosal, xchi Saúl.