Pr 26:1 - Chuj San Sebastian Bible

¹ Man̈ wach'oc toto 'ay sacb'acm 'a yic cuaresmail, mto tzyac' n̈ab' yic 'aych jach'oj. An̈jtona', 'ixta eb' tu snab'en, man̈ smojc tz'ijx chan̈ sb'i eb'.

Chuj San Mateo Bible

¹ Man̈ smojoc tato tz'em q'uen sacb'acom ayic te c'achan, ma scot n̈ab' d'a stiempoal jach'oj, ichaton pax chi', man̈ smojoc tz'ic'jichaan̈ eb' malaj spensar.

Pr 26:1 ပူးပေါင်းရင်းမြစ်များ

Ester 4:6

Xc'och Hatac sc'umc Mardoqueo 'a jun plas 'ayc' 'a yojltac 'at yatut win rey.

Ester 4:9

Xlajw cha, 'ix meltzj pax win Hatac cha, 'ix wul yalnc 'a 'ix Ester smasnil tas xyal Mardoqueo cha.

Salmos 12:8

A eb' tzlaj b'on maysch'olnil cha, tzanxn̈ej 'aj tzlaj sb'an̈ sb'a eb' yujto tzlaj tzalj eb' 'anma yet' tas maysch'olnil.

Salmos 15:4

Eb' tzpatquiln can 'el eb' patcab'il can 'el o'oj, palta yiclum tzyutj sb'a eb' 'a eb' 'ay xiwc'ojlal 'ayach. Matz jel eb' tas tzyala, palta tzyac' 'el'choc eb' sti', wach'xam tzcan eb' 'a yaln̈ yu'uj.

Salmos 52:1

Ach to jeln a'n owal, ¿tas yuj tzej chan̈ a b'a 'a maysch'olnil? A schamc'ojlal Dios 'ayc'n̈ej 'a jun 'ejmn̈ej.

Pr 17:7

A eb' may snab'en, man̈ smojc yaln eb' paxti yic jelnal, 'ixta pax eb' yajal, man̈ smojc laj ya'n eb' 'es.

Pr 19:10

A eb' tu snab'en, man̈ smojc ya'n eb' tzaljoc sc'ojl yet' tas wach'; 'ixta pax eb' 'aych checb'al, man̈ smojc ya'n eb' yajlil 'a yib'n̈ eb' niwc winac.

Pr 26:3

'Icha tz'och tz'um 'a no cawyu chej, mto freno 'a no b'uru yic tzyiclni no' 'ayn̈ec, 'ixta yic tz'och te jixc'ab'te 'a yichspatc eb' 'anma may snab'en.

Pr 26:8

Nab'an̈ej tzquij chan̈ sb'i junc may snab'en, yujto lajn 'icha yic tzqui jalnec 'och q'uen cotc q'uen 'a yojl junc ch'an̈ mejech'.

Pr 28:16

A junc yajl tz'ixtn eb' yit 'anma'il, may snab'en; ax pax junc yajl matz nib'n 'och c'ultac tumin, a jun cha, 'oj najtxb'oc sq'uinal.

Jueces 9:20

Palta toto ma'ay, 'elt cab' n̈iln̈joc c'ac' 'a Abimelec, ax e lajw 'el ax 'aj Siquem ex tic, yet' ex 'aj Bet-milo; 'oj 'eltoc n̈iln̈joc c'ac' 'ayex, ax e lajn 'el Abimelec cha, xchi win Jotam.

Jueces 9:7

A yic xyab'n win Jotam yab'xil jun cha, 'ix 'at 'a stzalnil yich lum witz Gerizim, axta caw 'ip 'ix 'awj 'emta, sec tzyab' eb' 'anma chi smasnil, xyaln 'a eb' 'ixtic: —Ex 'aj Siquem, macljec eyab' jun 'ab'x tic 'oj wala'. Ax yab'n pax Dios tas 'oj eyal 'a 'a.