Pr 25:4 - Chuj San Sebastian Bible

⁴ A yic tzb'icx 'el slumal q'uen plata, tztac' sb'o junc tas caw wach' 'a q'ue'en.

Chuj San Mateo Bible

⁴ Tato tz'ic'chajel smical q'uen plata, syal sb'o junoc tas vach' d'a q'ueen.

Pr 25:4 ပူးပေါင်းရင်းမြစ်များ

Salmos 66:10

Ach qui Diosal on̈, ach on̈ a'lj prowal, on̈ a sacb'tzej 'icha tz'aj sacb'tzax q'uen plata.

Pr 17:3

A q'uen oro yet' q'uen plata, a c'ac' tz'a'lni prowal toto wach' q'ue'en; ax pax qui nab'enec an̈ 'anman̈ec tic, a Jehová a tzb'eyc'ojlani.

Pr 25:3

'Icha wal schan̈il yajb't satcha'an̈, yet' xab'l yich lum lum tic, 'ixta wal snab'en eb' rey, may junc mach tztac' yojcan 'eli, tas yaj snab'en eb'.

Pr 26:23

A spaxti eb' 'anma tu tas nab'il yu'uj, lajn wal 'icha cob' sja'l tz'ajch q'uen plata yu'moc junc lum chen.

Ez 22:18

Ach 'anma', a eb' et israelal tic, man̈x 'a tz'och eb' wu'uj, yujto lajn xoj eb' 'icha jac sc'ajl q'uen bronce, q'uen estaño, q'uen hierro, q'uen plomo tz'elt can 'a scal q'uen plata yic tz'och q'uen 'a yojl junc jorna, 'ixta eb'.

A Sb'ab'el Carta San Pedro 1:7

'Iltec q'uen oro, yowlal tz'ajx prowal q'uen yet' c'ac', sec chequel toto wach', mto ma'ay. An̈jtona', an̈ec tic yowlal tzon̈ 'ajxec prowal, sec chequel toto yel tzca'c 'och Dios 'a qui c'ojol, mto ma'ay. Toto tzca'c techjoc jun tzo'n̈ prowal cha, yel xo niwn quel'chec 'a yib'n̈ q'uen oro cha, yujto a q'uen cha, 'e'lb'a yec' q'ue'en. Toto tzca'c techjoc, ax 'a yic 'oj jawc Jesucristo, 'oj on̈ yalc wach'il, ax ya'n qui wach'l 'icha yico'. Caw niwn quel'chec ta'.