Pr 25:21 - Chuj San Sebastian Bible

²¹ Toto 'ay swejl eb' 'ajc'ojl yajch 'ayex, 'a'c tas tzc'ux eb', toto 'ay stacn̈til eb', 'a'c tas tzyu'j eb'.

Chuj San Mateo Bible

²¹ Tato ay svejel eb' ayoch ajc'olal d'ayex, aq'uec va eb', ta ay staquin̈tial eb', aq'uec a' yuq'uej eb'.

Pr 25:21 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 6:22

—Ma'ay, man̈ 'a mil cham eb'. Ach tic, ¿tom tza mil cham eb' tzyamchj oj 'a owal? A eb' tic, 'ac' wa eb', 'ac' pax tas tzyu'j eb'. Tzlajw cha, tza'n meltzjoc eb' 'a syajlil, xchi Eliseo 'a win rey cha.

2 Cr 28:15

Ax ewin tox xb'inax sb'i tic, a ewin x'och 'ajcuentail yiln eb' 'icha preso yaj chi yuj eb'. A 'a scal smasnil tas xit' yi'cn 'ec' eb' soldado chi 'a eb', ata 'ix q'uet te pichl x'ajx 'och 'a eb' jitn'eli. X'ajx pax 'och xan̈b' eb'. X'ajx wa eb'. X'ajx pax tas tzyu'j eb'. Sucx 'och remel 'a sat 'aj lajwnac eb'. Ax smasnil eb' man̈x 'a yip sb'eyi, x'ajx q'ue eb' 'a yib'n̈ e no b'uru. Xlajw cha, x'ijx 'at eb' yuj ewinac, masnto x'at ya'cn ewin eb' 'a eb' yit chon̈b' eb' 'a Jericó, 'a 'aj caw 'ay te palma. Xlajw cha, 'ix meltzj can pax ewin 'a Samaria.

Job 24:23

Toto tz'el 'a sc'ojl Dios to pitzn eb' tu tzyutj sb'a cha, palta q'uelnn̈ej 'och 'a tas tzlaj sb'o eb'.

Pr 24:17

Man̈ ex tzaljoc yic tzcot 'a yib'n̈ eb' 'ajc'ojl yajch 'ayex.

Pr 24:29

Man̈ eyac' e pac 'a eb' quit 'anma'il, 'icha wal tzex yutj eb'.

Pr 25:20

A yic tzb'itnax junc b'it eyab'i', yic 'ayx 'och 'a eyailal, lajn wal syal tzeyab' 'icha yic tz'ajx 'och vinagre 'a sat junc lajwel, mto 'icha yic tzijx 'el qui pichul yic 'ay si'ic.

Mt 5:44

Palta an tzwal 'ayex, yowlal tze chamc'ojlej eb' 'ajc'ojl yajch 'ayex. [A eb' tzc'ann cot yowl sc'ojl Dios 'a eyib'an̈, ax xo tze c'an cot swach'c'ojlal Dios 'a yib'n̈ eb'. Wach'n̈j tzeyutj e b'a 'a eb' tzchichn 'och 'ayex. Ax eb' tzex b'uchni,] yet' eb' tz'a'n 'och 'a eyib'an̈, tzex leslwi pax yuj eb'.

A Ch'an̈ B'ab'el Libro Samuel 24:20

A ticnec 'ix nachj 'el wu'uj, to ach 'oj och reyal. A opiso 'a yib'n̈ qui chon̈ab' may mach 'oj stac' yi'n 'ec' 'a yol a c'ab'.