Pr 25:12 - Chuj San Sebastian Bible

¹² 'Icha wal q'uen colc'ab' mto q'uen ton̈ caw wach', to nab'a oro, 'ixta wal tennb'il tzyac' eb' jeln snab'en, toto tzqui chajec cab'i'.

Chuj San Mateo Bible

¹² Icha q'uen colc'ab' yed' q'uen uchiquin nab'a oro, yelxo te vach', icha chi' yaj scachnab'il eb' jelan d'a eb' scha yab' d'a tzalajc'olal.

Pr 25:12 ပူးပေါင်းရင်းမြစ်များ

A Ch'an̈ Schab'l Libro Samuel 1:24

¡Ex 'ix 'aj Israel, 'o'n̈ec yuj Saúl! atn jun man̈x jantcoc sja'l ex spichn yet' e pichul, xya'n pax 'och q'uen oro yelwnub'loc e pichl cha.

Job 28:17

A jun cha, yel xo wal 'ec'b'al swach'l 'a q'uen oro mto 'a q'uen cristal; matz tac' pax sjelx yet' q'uen oro b'ob'il xo.

Job 42:11

Xlajw to cha, 'ix c'ochx eb' yu'tac Job chi 'at yila', eb' yanab', eb' swach'c'ojol yet' jantcn̈ej mach 'ojtnac 'a yic yalan̈. 'Ix 'och wal jun niwquil tzaljc'ojlal, 'ix wa eb' 'a yatut Job cha. 'Ix syamn 'och eb' ya' sniwnal sc'ojol, 'ix yaln pax eb' to locn eb' xcus yuj yailal 'ix 'ec' 'a yib'n̈ yuj Jehová. Xlaj ya'nc junjn eb' tumin yet' junjn colc'ab' nab'a oro 'a Job cha.

Salmos 141:5

Palta q'uinloc a junc 'anma wach' snab'en tzin ma'n yet' tz'u'um, mto tzin stumej, a jun cha, caw wach' 'ayin. Yujto lajn 'icha junc perjuma tzlab'b'i tz'ajq'ue 'a in jolom. Palta tzin leslwin̈ej sec tz'och wan eb' maysch'olnil sb'on tas tu'.

Ex 32:2

'Ix ta'w Aarón 'a eb' 'ixtic: —A ticnec, molb'tzejc q'uen yumchicn to oro 'aych 'a schicn eb' 'ix eyistzil, 'a eb' eyunnal mto 'a eb' 'ix eyisil. Tzlajw cha, tzeyi'n cot q'uen 'ayin, xchi 'a eb'.

Ex 35:22

Xlaj jaw eb' winac yet' eb' 'ix 'ix yet' yofrenda chi 'a Moisés, caw wal tzalj eb'. 'Ix laj yi' cot eb' q'uen yelwnub'l pichul, q'uen colc'ab', q'uen yumchiquin, q'uen ton̈ yet' smasnil q'uen q'uen to nab'a oro 'aych 'a 'a, atn chi 'ix yac' eb' 'a Jehová.

Pr 15:5

A eb' may snab'en, caw matz chaj eb' yab' tennb'il tzyac' smam 'a 'a, ax eb' tzchaj yab'i', wan sch'oxn 'el eb', chajtlto 'ay snab'en eb'.

Pr 20:12

A Jehová a xb'on qui chicnec yic tzcab'nec, sb'on pax yol qui satec yic tzquilni.

Pr 9:8

Toto tzqui tenc 'och wan eb' b'uchwjum, 'oj 'och eb' 'ajc'ojlal 'ayn̈ec, palta toto tzca'c cuenta eb' 'ay snab'en, caw 'oj on̈ schamc'ojloquec eb'.

Ec 7:5

Yel xo wach' toto tzqui chajec cab' tennb'il tzyac' junc mach 'ay snab'en, 'a yib'n̈ pax to tzon̈ cob' yalc wach'l junc may snab'en.

Ez 16:12

Xwa'n 'och jun q'uen 'icha colc'ab' 'a sn̈i', xwa'n 'och syumchiquin, xwa'n q'ue jun corona caw wach' yilx 'a sjolom.

Mt 12:35

A eb' wach' snab'en, wach' tzyutj sb'a eb', yujto an̈j tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj sb'a eb', yujto an̈j maysch'olnil 'ay 'a snab'en eb'.