Pr 24:31 - Chuj San Sebastian Bible

³¹ A tas x'ilchj wuj ta', cojn te q'uix tzq'uib' 'a sat lum lum cha, ax q'uen q'uen 'aych scol-lalc smunljel cha, 'elnc xo lan̈njoc q'ue'en.

Chuj San Mateo Bible

³¹ A tas ix vil d'a sat sluum eb' chi', an̈ej te' q'uiix sq'uib'q'uei. Axo q'uen tz'alq'ueen ayoch smactealoc, toxo ix lan̈chaj q'ueen.

Pr 24:31 ပူးပေါင်းရင်းမြစ်များ

Job 30:7

'Ix laj 'awj chan̈ eb' 'a cal c'ultac, xlaj syamn sb'a eb' 'a yaln̈ yen̈l te q'uixte'.

Job 31:40

to 'ixta', q'uib' cab' te q'uix 'a sat in lum sjelc 'ixm trigo, ax te comn c'ultc tzq'uib' sjelc 'ixm cebada, xchi Job. Atn 'a tic xlajw c'och yaln Job jun tzo'n̈ spaxti' yic tzcoln sb'a.

Pr 13:4

A eb' 'isaj, 'ay tas tznib'j eb', palta matz 'ilchj yuj eb'; ax eb' tzmunlji, caw wal 'oj niwtjoc tas 'ay 'a eb'.

Pr 19:23

A mach 'ay yel'ch Jehová 'a sat, tzchaj sq'uinl yu'uj; tzaljc'ojlal yaji, may tas 'oj yab' syail.

Pr 20:4

A mach 'isaj, matz munlj 'a yic stiempoal yawx 'awb'en, ax yic stiempoal jach'oj, toc 'ay jac tas tzmolo.

Pr 22:13

A mach 'isaj, tzyal cob' 'ixtic: 'Ay jun no león 'a yol b'e, snib'j no in smil chamoc, xchi; tzyal 'ixta', yujto matz nib'j munljoc sb'a.

Pr 23:21

yujto a eb' 'u'm 'an̈, yet' eb' niwn swa cha, 'oj lajwc 'ejm eb' yuj meb'a'il. A eb' 'isaj, caw nipquixtac 'oj 'aj spichl eb'.

Pr 24:32

A yic xwiln jun tic, 'ix in moln can 'a in nab'en; 'ix 'och wal cuynb'ilal 'ayin.

Ec 10:18

A eb' 'isj sjeln yib'n̈ yatut, 'oj 'ec' tz'uj 'a eb', ax 'oj 'ajoc, 'oj telwc 'ejm yatut eb' chi 'a yib'an̈.

Is 5:5

Ax ticnec, 'oj wal 'ayex tas 'oj wutc jun munljel tic: 'Oj wi'l scol-lal, sec 'oj lajwc can pax 'ejmi. 'Oj jacx can 'el scol-lal cha, sec 'oj te'xoc can 'ejm yuj no noc'.

Is 5:6

'Oj can 'a cusltacl wu'uj, may xon mach 'oj mesnoc 'el te sc'ab', may mach 'oj 'i'nc 'el ya'nil, 'oj q'uib'x chan̈ sc'ultcal, nab'a q'uix 'oj 'ajoc. Ax waln 'a 'asun, to man̈xtzac yac' cot n̈ab' 'a yib'n̈ jun lum cha, xchi win 'aj munljel cha.

Jeremías 4:3

Tzyaln pax Jehová 'ixtc 'a eb' 'anma 'aj Judá yet' 'a eb' 'aj Jerusalén: 'Awjec lum lum mant 'a xon 'aj tz'awxi, man̈x eyawc eyawb'en 'a scal te q'ui'ix.

Mt 13:22

Ax jun tzo'n̈ xo 'in̈t x'emcn 'a scal c'ultac, tzyal 'el'chi, 'ay jun tzo'n̈ xo eb' tz'ab'n spaxti Dios. Palta an̈j jun tzo'n̈ yic yolyib'n̈q'uinl tic tzna eb', tzjuw snab'en eb' yuj snib'n 'och sb'a ricoal. Yuj jun tzo'n̈ cha, man̈x 'a yel'ch spaxti Dios 'a eb'. Lajn tz'aj eb' 'icha 'ixm trigo may xon jac sjolm tzyac'a.

Mt 13:7

'Ay jun tzo'n̈ xo xc'ochcn 'a scal c'ultac, ax te c'ultc cha, xwach' q'uib' te', ton̈j 'ix satl jun tzo'n̈ 'in̈t chi 'a scal te'.

A Ch'an̈ Carta D'a Eb' Hebreo 6:8

Palta 'ay pax lum nab'a q'ui'ix, nab'a c'ultc tzpac' 'a 'a, may jac yopiso. Yuj cha, 'oj jawc yowl sc'ojl Dios 'a yib'an̈, c'uxn 'oj tz'a'oc.