Pr 24:20 - Chuj San Sebastian Bible

²⁰ yujto a eb' maysch'olnil cha, man̈ wach'c yic eb'. 'Oj satl eb' 'icha tz'aj stup sc'a'l junc cantil.

Chuj San Mateo Bible

²⁰ yujto a eb' chuc chi', man̈ vach'oc yic eb', ol lajvoquel eb' icha tz'aj stup junoc candil.

Pr 24:20 ပူးပေါင်းရင်းမြစ်များ

Job 15:31

Man̈x cab' ya'ch yipc sc'ojl tas to may yel'chi, yujto a jun cha, ton̈j tzwach' 'ixtx paxti yu'uj.

Job 21:17

¿Tom comn xoj tz'ec' sq'uinl eb' maysch'olnil chi 'icha tz'aj stup sc'a'l junc cantil? Toc tzcomn jaw yailal 'a yib'n̈ eb'. Toc tzcomn cot yowl sc'ojl Dios 'a eb'.

Salmos 11:6

'Oj ya' cot c'ac' 'a yib'n̈ eb' maysch'olnil cha. 'Oj cot azufre 'a yib'n̈ eb' 'icha wal yem yaxn̈ab', 'ixta wal 'oj 'emoc. Ax ya'n cot pax jun niwquil 'ic' yic tztacj 'el smasnil tas yu'uj. 'Ixta 'oj yutc ya'n spac tas tzb'o eb'.

Salmos 37:2

Yujto yajn̈ej ax satl eb' 'icha te c'ultc c'un stacji, 'icha pax te nichte c'un spucli.

Salmos 9:17

A eb' cha, yet' eb' tzyac' sat sc'ojl 'ayach, 'oj 'atcn eb' 'a chamel.

Pr 13:9

Toto tojl qui b'eyb'alec, lajn on̈c 'icha junc luz caw tzictzni yilx yoc; ax toto may qui ch'olnilec, lajn on̈c 'icha junc cantil wan stupi.

Pr 17:20

Toto maysch'olnil qui nab'enec, may b'a'n̈ xon 'oj quilc wach'il; toto tzon̈ paxtinec 'a chab'satil, 'oj jawc yailal 'a quib'n̈ec.

Pr 20:20

A mach tzb'aj smam snun, 'oj 'ijxoc 'ec' sq'uinal, 'icha junc cantil tztupi.

Pr 21:4

A eb' tzb'an̈ sb'a, chan̈ yaj't sat eb' yic tz'ec' eb'; caw maysch'olnil jun nab'en cha, caw wal tu'.

Pr 23:18

Toto 'ixta tzeyutj e b'a, caw wach' 'oj eyel'chi, ax tas 'aych yipc e c'ojol, may b'a'n̈ 'oj lajwoc 'eq'ui.

Is 3:11

'Oltac wal eb' 'anma tu snab'en, a maysch'olnil 'oj scha sb'a eb' yet'oc, a tas sb'ojnac eb', a chi 'oj 'ajxoc spacc 'a eb'.

Mt 25:8

Ax eb' may wal snab'en, xyaln eb' 'a eb' jeln chi 'ixtic: 'A'c qui c'an e yaceite tic eyet' on̈, wal scaw tup quic tic on̈, xchi eb' 'a eb'.

Mt 8:12

Ax eb' quit israelal smoj xon sc'och ta', 'ay eb' 'oj julx can 'at 'a q'uic'q'uinal. Ata 'oj 'och 'oq'uel. 'Oj juch'ch'oc ye eb' yab'n syail, xchi 'a eb'.

San Judas 1:13

'Icha wal tzyac' yib'n̈ a mar, caw ow sq'ue wan chel-loc, 'ixta 'eb', yujto toxn matz tac' stenx 'och wan eb' 'a maysch'olnil. 'Icha swom a a tzcan 'a sti', til wal tastc maysch'olnil 'aych 'a scal, 'ixta eb' yuj jun tzo'n̈ q'uixwelal chi tzb'o cha. Q'uinloc 'ay junc c'anal tzsat 'a sb'e, 'ixta eb'. Yowlal 'oj c'och eb' 'a scal jun niwquil q'uic'q'uinal. Ata 'oj can eb' 'a jun 'ejmn̈ej.