Pr 23:29 - Chuj San Sebastian Bible

^29-30 A eb' matz yactj can yu'w 'an̈, 'ayn̈j 'och eb' yab'lni tas yu'x te 'an̈ cha, caw tzyab' eb' syail, tz'el yaw eb', 'ay owl 'a scal eb', tzlajw eb' 'a nab'an̈ej, chacb' 'el yol sat eb'.

Chuj San Mateo Bible

^29-30 A eb' max actancan yuc'an an̈ an̈, eb' an̈eja' yab'an svach'il yuc'ji an̈ an̈ chi', aton eb' tz'ab'an syail, eb' tz'el yav, eb' te ayoch oval d'a scal, eb' slajvi vach'chom malaj junoc tas yuuj, eb' chac jochinac yol sat.

Pr 23:29 ပူးပေါင်းရင်းမြစ်များ

Gn 19:33

A 'a yic jun 'ac'wl cha, 'ix yac' eb' 'ix 'u'wc 'an̈ smam cha. Caw 'ix q'ue te 'a sjolm winac, ax 'ix b'ab'l 'ix cha, xway 'ix yet' smam cha. Ma'ix yab' win yec' teln 'ix sway yet'oc, ma'ix yab' win sq'uex wan 'ix 'a stz'ey.

Gn 49:12

a yol sat, 'oj chacb'oc 'el 'icha yal uva, ax ye, caw 'oj sacb'oc 'el 'icha lech.

A Ch'an̈ Schab'l Libro Samuel 11:13

Ax David cha, 'ix yawtj 'at win Urías chi wac yet' 'a yatut. 'Ix ya'n win David 'u'wc 'an̈ win si'mb'il. Ax 'a sq'uic'b'alil cha, 'ix 'elt win Urías 'a 'aj 'ay cha, ax yet' eb' soldado tan̈wjnac yatut win rey, ata 'ix wayx win yet' ewinac, ma'ix 'at 'a yatut.

A Ch'an̈ Schab'l Libro Samuel 13:28

A yic mantzac wa eb' cha, 'ix yaln Absalón 'ixtc 'a eb' schecab': Tzeyiln sq'ue 'an̈ 'a sjolm Amnón, ax waln 'ayex to tze mil chamoc, cojn cha, tze miln cham muc'uc. Man̈ ex xiw e milni, yujto an tzwala. Caw te'n tzeyutj e b'a, man̈ ex xiwoc, xchi Absalón cha.

Pr 20:1

A eb' tz'u'w 'an̈, tzlaj b'ajwj eb', tzq'ue somnjoc eb' ya'n owal, a mach 'ay snab'en, matz ya't sb'a 'a scal 'u'l 'an̈ cha.

Pr 23:20

Man̈ junc tzex 'ec' yet' eb' 'u'm 'an̈, man̈ junc tzex 'aj yet' eb' tz'ec' 'a yib'n̈ swa'i,

Pr 23:21

yujto a eb' 'u'm 'an̈, yet' eb' niwn swa cha, 'oj lajwc 'ejm eb' yuj meb'a'il. A eb' 'isaj, caw nipquixtac 'oj 'aj spichl eb'.

Is 5:11

'Oltac wal eb' 'anma tzseb' q'ue wan 'a sq'uin̈b'ial yic tz'atx can eb' 'u'l 'an̈, ax tz'aji, tzq'uex can te 'a sjolm eb', ata tz'e'x 'ac'wl yuj eb'.

Is 5:22

'Oltac wal eb' cob' jeln yu'n 'an̈, to caw 'ay snab'en eb' yalni. Yuj cha, tzlaj cob' ya'nc eb' scalc sb'a te 'an̈ cha.

Nahúm 1:10

'Icha to caw 'u'm ex 'an̈. 'Oj e lajw 'ejm 'icha tz'aj stz'a 'ejm te q'uix caw jeltz'm yaji mto 'icha tzyac' yoc trigo.

Ef 5:18

Man̈ ex 'och 'u'm 'an̈il, yujto a te 'an̈, tzwach' juw 'el qui nab'enec yuj te'. Yel xo wach' a Yespíritu Dios 'aych yajlilal 'ayn̈ec, man̈oc te 'an̈ cha.