Pr 22:22 - Chuj San Sebastian Bible

²² Man̈ eyixtc eb' meb'a' yujto matz tac' scoln sb'a eb', man̈ eyixtc pax eb' to matz uj scoln sb'a 'a sat eb' yajal,

Chuj San Mateo Bible

²² Man̈ eyixtej junoc meb'a' yujto max yal-laj scolan sb'a. Man̈ eyixtejpax junoc mach malaj mach scolan d'a yichan̈ eb' yajal,

Pr 22:22 ပူးပေါင်းရင်းမြစ်များ

Job 31:16

May 'aj ton̈j in 'och queln 'a eb' meb'a', yic 'ay tas sc'a'l tz'och yuj eb', man̈ ton̈joc xwila, x'och swejl eb' 'ix 'ix chamnc yichmil.

Job 31:21

Toto 'ay 'aj xwixtj junc meb'a 'unn chamnc smam, yujto wojtac an xoj tzchax 'ab'xc wic yuj eb' yajal,

Ex 23:3

Toxn̈ej to meb'a junc 'anma' wan sb'onyaj eb' yajal, man̈ eya'ch e b'a e colni.

Ex 23:6

A junc meb'a 'anma tznib'j to tze b'oyaji, toto tojl tas tzyala, man̈ e tenc' tas tzc'an cha.

Pr 21:7

A mach maysch'olnil sb'eyb'al, a smaysch'olnilal chi 'oj 'a'n lajwoc, yujto matz snib'j sb'eylb'oc tas tojol.

Pr 22:16

A mach yuj snib'n 'och sb'a ricoal, yuj cha, tzyixtn eb' meb'a', yet' junc mach tz'a'n junc tas 'a eb' rico yic tzmontn eb', a eb' cha, 'oj lajwc 'ejm yuj meb'a'il.

Is 10:2

Matz e b'o yaj eb' meb'a 'anma', matz e chaj eyab' tas tzyal eb' tz'ixtxi. Caw wal tz'ixtx eb' wit chon̈b' tic eyu'uj, tzlaj eyelc'n tas 'ay 'a eb' 'ix 'ix chamnc yichmil yet' 'a eb' meb'a 'unin.

Ez 22:29

A eb' 'anma 'a jun chon̈b' cha, cojxn maysch'olnil tzb'o eb', tz'elc'w eb'; tz'ixtx eb' meb'a 'anma yuj eb', yet' eb' 'ay tas sc'a'l tz'och yu'uj, tz'ixtx pax eb' chuc chon̈b'al cajn 'a scal eb'.

Lv 19:13

Man̈ eyixtc eyit 'anma'il, man e comn to'c 'ec' tas 'ay 'a 'a. Man̈ e macch wan stojl eb' e munljum, man̈octo 'a junc xo c'u tzeyac' stojl cha.

Lv 25:17

Man̈ e comn to'c 'ec' junc tas 'a junc xo mach, palta to tze ch'oxli to 'ay cab' wel'ch 'a e sat, yujto an Jehová in, e Diosal waji.

Zacarías 7:10

Man̈ eyixtc eb' 'ix 'ix chamnc yichmil, eb' meb'a 'unn chamnc xo smam, eb' chuc chon̈b'al, yet' eb' meb'a'. Man̈ e nalb'oc eya'n tu nab'enal 'ayx junjn ex, xin chi 'a eb'.

Malaquías 3:5

An Jehová tztac' wuj smasnil, an tzwal 'ixtic: 'Oj in jaw 'a e cal wul ex in b'eyc'ojloc. An wal 'oj wac' testigoal in b'a yuj jun tzo'n̈ eb' tic: atn eb' 'ajchum, eb' tzb'on 'ajmulal, eb' tz'a'n 'es, eb' man̈ tz'acnoc tzyutj stojn smajan, eb' tz'ixtn eb' 'ix chamnc yichmil yet' eb' meb'a 'unn chamnc smam, eb' matz b'onyaj eb' chuc chon̈b'al, yet' pax smasnil eb' may jac wel'ch 'a sat.

Dt 23:16

Can cab' 'a e cal cha, libre cab' si'lni 'aja junc chon̈b' 'aj tznib'j tzcan cajan, may cab' mach tztac' stzuntzn 'a 'aj tzcan cha.