Pr 21:20 - Chuj San Sebastian Bible

²⁰ A 'a yatut mach jeln snab'en, 'ay stumin, 'ay tas tzc'uxu; palta ax junc may snab'en, c'uxn tzlaj 'ejm jac tas tz'ilchj yu'uj.

Chuj San Mateo Bible

²⁰ A d'a spat eb' jelan spensar, ay stumin eb' molb'il yuuj, ay pax tas sva eb', axo pax eb' malaj spensar jun, slajel masanil tas tz'ilchaj yuj eb'.

Pr 21:20 ပူးပေါင်းရင်းမြစ်များ

Job 20:15

'Oj xejc q'uet' eb' smasnil ricoal b'uc'b'il 'ejm yu'uj; yujto a Dios 'oj 'i'nc q'uet 'a yol sc'ojl eb' cha.

Job 20:18

Smasnil tas yijnac 'ec' eb', yowlal 'oj ya'x can meltzjoc eb'; man̈x 'oj stac' ya'n tzaljoc eb' sc'ojl yet' sricoal cha.

Salmos 112:3

Til wal 'oj 'aj sricoal eb' 'a yatut, 'elan̈ej pax eb' 'a smasnil tiempo.

Salmos 23:5

Lajn ach 'icha junc mach tz'a'n 'och sq'uin̈. A tas yel xo wach' a tzyac' sc'ux junc swach'c'ojol. Tzch'oxn 'eli to niwn yel'ch jun swach'c'ojl chi 'a 'a. Tzya'n sobra tas tzyac' yuc'. 'Icha jun swach'c'ojl cha, 'ixta tzin otj 'a yojltac eb 'ajc'ojl yajch 'ayin. Til wal a yaxilal tzac' 'a wib'an̈.

Pr 10:22

Yuj swach'c'ojlal Jehová tz'och junc mach ricoal, man̈ yujoc to caw wal tzyixtj sb'a smunlji.

Pr 14:24

A eb' 'ay snab'en, tz'ijx chan̈ eb' yuj sjelnal, ax eb' tu snab'en, tzpatquilx can 'el eb' yuj stu nab'enal.

Pr 15:6

Til wal tas 'ay 'a yatut eb' wach' snab'en; ax eb' maysch'olnil sb'eyb'al, cojn somc'ojlal tzyij cot eb' 'a yib'n̈ yuj tas tzyac' ganar.

Pr 22:4

Toto tzquijec 'ejm qui b'a, yet' 'ay pax yel'ch Jehová 'a qui satec, 'oj qui chac ricoal, 'oj qui b'inaxec, ax yajx najtxb'oc qui q'uinlec.

Pr 8:21

A eb' tzalj yet' jelnal, caw rico eb' yu'uj; caw 'oj b'ut'joc yol yatut eb' yuj tas 'ay 'a 'a.

Ec 10:19

A tas wach' sc'uxxi, wach' toni, ax 'u'l 'an̈, tzaljc'ojlal ton paxi, palta yuj jun tzo'n̈ tic, tznib'x to 'ay tumin.

Ec 5:19

Toto a Dios tz'a'n niwtjoc tas 'ay 'ayn̈ec, tzya'n pax qui tzaljc'ojlalec qui c'uxnec tas tzyac' qui munljel. A jun cha syaxilal Dios.

Ec 7:11

Toto 'ay qui jelnalec, yel xo wach' quiquec 'a yib'n̈ to tz'ajx junc tas qui macloc 'a yolyib'n̈q'uinl tic.

Jeremías 41:8

Palta 'ay lajn̈wan̈ eb' 'a scal eb' wan smilx cham chi 'ix aln 'ixtc 'a Ismael: —Man̈ on̈ a mil cham on̈. An̈ tic on̈ 'ay qui trigo, qui cebada, qui aceite. 'Ay pax no yalchab' 'ayn̈ on̈. A jun tzo'n̈ cha, c'ub'b'il 'el cuj 'a spatquil 'el qui chon̈b' on̈, xchi eb'. Yuj cha, ma'ix milx cham eb' yuj Ismael yet' pax yuj eb' ajun yet' cha.

Mt 25:8

Ax eb' may wal snab'en, xyaln eb' 'a eb' jeln chi 'ixtic: 'A'c qui c'an e yaceite tic eyet' on̈, wal scaw tup quic tic on̈, xchi eb' 'a eb'.

Lc 15:14

C'uxn wal slajw 'ejm stumn winac. 'Ix jaw jun niwn wejl 'a yib'n̈ jun chon̈b' chi 'aj 'ayc' cha. Ax winac, man̈x 'a jac tas tzc'uxu.

Lc 16:1

'Ix yaln Jesús jun 'ab'x tic 'ixtc 'a eb' scuywum: A 'a jun 'el, 'ay jun win patron̈ caw rico. 'Ay jun smayltoma winac. Ax 'ix yab'n win patron̈ cha, to caw tz'ixtx tastc 'ay 'a win yu'uj.

Lc 6:45

A eb' wach' snab'en, wach' tzyutj eb' sb'eyb'al, yujto cojn tas wach' 'ay 'a snab'en eb'. Ax eb' maysch'olnil snab'en, maysch'olnil tzyutj eb' sb'eyb'al, yujto an̈j maysch'olnil 'ay 'a snab'en eb'. Yujto a tas 'ay 'a qui nab'en junjn on̈, a tzcala.