Pr 20:21 - Chuj San Sebastian Bible

²¹ A ricoal may yajltacl yilchj muc'uc, ax 'a slajub', cusltac 'oj 'ajx can 'el'chi.

Chuj San Mateo Bible

²¹ A b'eyumal tz'ilchaj d'a secojtaquil d'a sb'ab'elal, a d'a slajvub' cuseltacxo tz'ajelc'ochi.

Pr 20:21 ပူးပေါင်းရင်းမြစ်များ

Pr 13:22

Toto wach' qui nab'enec, 'ay tas wach' tzca'c can smacloc eb' quichicnec; ax sricoal eb' maysch'olnil, tzcancn 'a eb' wach' snab'en.

Pr 20:20

A mach tzb'aj smam snun, 'oj 'ijxoc 'ec' sq'uinal, 'icha junc cantil tztupi.

Pr 20:22

May cab' b'a'n̈ tzeyala, to tze pac e b'a, 'a'c 'och e c'ojl 'a Jehová, sec a 'oj e colni.

Pr 21:6

A mach tz'och ricoal yuj ya'm 'esal, jab' wal tzyac' sgana yet' jun tzo'n̈ cha, ax scham yu'uj.

Pr 23:4

Man̈ eyac' 'ip eyoch ricoal, man̈ ex 'och 'il yuj jun tzo'n̈ cha,

Pr 28:20

A mach wach' snab'en, 'oj 'ijxoc cha'an̈; ax junc to tznib'j tz'och ricoal muc'uc, 'oj yab' sya'il.

Pr 28:22

A mach tznib'j 'och sb'a ricoal 'a yajn̈ej, man̈ yojcoc toto 'oj jawc meb'a'il 'a yib'an̈.

Pr 28:8

A mach tzniwtj sricoal yuj yune stumn tzyac' majnil, tzmolb'tzej wal sricoal cha, palta ax 'a eb' tz'o'ch sc'ojl 'a eb' meb'a', axta tzcani.

Habacuc 2:6

Palta a smasnil eb' 'anma 'a jun tzo'n̈ nacion̈ tz'ijx 'ec' cha, 'oj b'uchwjoc eb' 'a eb' caldeo tz'i'n 'ec' lum lum cha, ax laj yalnc eb' 'ixtic: ¡'Oltacx wal ax tic! Caw tzex 'och ricoal yuj tas man̈ eyico'oc. ¿B'a'n̈ wal tzex 'och wan eyecn syam sb'a smasnil tas tze chaj yuj eyixtm 'anma'il? 'oj schic eb'.

Zacarías 5:4

A Jehová tztac' yuj smasnil, a tzaln 'ixtic: An wal 'oj wa't jun yailal tic, sec wach' 'oj 'och 'a yol yatut eb' 'elc'um yet' eb' tzlocn in b'i yic tzya'n 'es, 'oj cann̈j jun yailal chi 'a junc n̈a cha, masnto 'oj lajwc 'ejm spatzb'il, man̈x 'a junc sq'uenal 'oj canoc, xchi Dios, xchi jun ángel cha.

Malaquías 2:2

Ax tic, yowlal 'ay cab' wel'ch 'a e sat yet' eyopiso. Toto ma'oj eyicloc, to 'ixta', 'oj ex in catb'oc can 'eli. 'Oj wa'cn 'och e alj wach' paxti 'a catb' paxti'al. Wal yel, a jun eyopiso cha, tox xin catb'ej cani, yujto may yel'ch in checnb'il 'a e sat.

1 Ti 6:9

Palta 'ay eb' creyente cojn ricoal tznib'ej. Yuj cha, c'un yajx juwc 'el eb' yuj maysch'olnil. 'Icha to tzcan eb' 'a junc ch'an̈ ya'al, yujto til wal jun tzo'n̈ tas may yopiso tznib'j 'och eb'. Caw 'ay smay tzjuw 'el eb' yu'uj. Yuj jun tzo'n̈ tznib'j 'och eb' cha, tzwach' caw juw 'el snab'en eb' 'a jun 'ejmn̈ej. Yuj cha, 'ichn̈jta 'oj satx can 'ejm eb'.