Pr 19:29 - Chuj San Sebastian Bible

²⁹ Lista xo yaj yailal 'oj jawc 'a yib'n̈ junc amancotn tzyutj sb'a, a jixc'ab'te 'oj jipxoc 'och 'a jun may snab'en cha.

Chuj San Mateo Bible

²⁹ Vach'xo yaj yaelal ol ja d'a yib'an̈ eb' ac'umtac. Vach'xo pax yaj te' jixc'ab'te' ol jixchajoch d'a eb' malaj spensar.

Pr 19:29 ပူးပေါင်းရင်းမြစ်များ

A Ch'an̈ Schab'il Libro Yic Yab'ixal Eb' Rey 2:24

'Ix meltzj 'at q'ueln 'a eb', 'ix scatb'tzan can eb' 'a sb'i Jehová. Yajn̈j wal cha, 'ix 'elt chawn̈ no oso 'a calte', scotc ch'iychtan 'at no 42 eb' quelmtac winc cha.

Salmos 1:1

Caw wach' yic eb' matz yiclni tas tzyal eb' tu snab'en, matz 'och tza'n eb' yuj eb' tzb'on maysch'olnil, matz ya'ch pax sb'a eb' yet' eb' tzb'uchwj 'a Dios.

Pr 1:22

Ex quelm to mant 'a e nab'en, ton̈j tzex laj b'uchwji. ¿B'a'n̈ wal 'oj eyactc e tzalj yet' e man̈ nab'enal cha? ¿B'a'n̈ 'oj eyactc can e b'uchwji? ¿B'a'n̈ wal 'oj eyactc e patquiln can 'el jelnal?

Pr 1:26

Ax 'oj 'ajoc ton̈j 'oj in tzewj 'ayex, yic 'oj jawc yailal 'a eyib'an̈. Ton̈j 'oj in b'uchwj pax 'ayex yic 'oj e chaml yuj xiwlal.

Pr 10:13

A eb' 'ay snab'en, caw tzcheclj 'el eb' a yic tzpaxtini; ax eb' may snab'en, tzxumx 'och jixc'ab'te' 'a eb'.

Pr 17:10

A jayb'elc tennb'il tz'ajx 'a junc 'ay snab'en, niwn tas tzb'o yuj 'a yib'n̈ to tz'och junc ciente chicote 'a junc may snab'en.

Pr 18:6

Yuj spaxti eb' 'anma may snab'en, yuj cha, tzq'ue wan owal; yuj spaxti eb' cha, ax sjaw yailal 'a yib'n̈ eb'.

Pr 26:3

'Icha tz'och tz'um 'a no cawyu chej, mto freno 'a no b'uru yic tzyiclni no' 'ayn̈ec, 'ixta yic tz'och te jixc'ab'te 'a yichspatc eb' 'anma may snab'en.

Pr 3:34

A Dios tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb'.

Pr 7:22

'Icha wal tz'aj yijx 'at junc no wacx 'aj tzmilx chamoc, 'ixta 'ix 'aj yoch tza'n win yuj 'ix. Matz na winac toto ata tz'e'cn sq'uinal. 'Icha junc no c'ultquil chej tzcan 'a ya'al, masnto tz'ec' junc jul-lab' 'a spixn no', mto 'icha pax junc no ch'ic tzalj cob' sc'och 'a 'aj 'ay junc ch'an̈ ya'al, 'ixta 'ix 'a winac.

Pr 9:12

Toto jeln tzcutjec qui b'a, caw quicn̈ej yaj wach'ilal. Toto b'uchwjum on̈ jun, mun a 'a quib'n̈ec tzcotcni.

Is 28:22

A ticnec 'an, man̈x ex b'uchwjoc, sec wach' ma'oj niwtjoc yailal 'a eyib'an̈. 'Ix wab' tas 'ix yal Jehová tztac' yuj smasnil, tox 'ix sna'a to 'oj yac' lajwc smasnil tas 'ay 'a yol smacb'en jun nacion̈ tic.

Is 29:20

A eb' may yel'ch yit 'anmal 'a sat, 'oj lajwc 'ejm eb'. Ax eb' ch'an tzyutj sb'a, man̈x 'a junc eb' 'oj can 'a pitznal. A eb' cojn maysch'olnil tzna'a, 'oj satl eb' smasnil,

Dt 25:2

Toto yel xo niwn smul smoj wal sma'xi, a win juez chi tzaln 'a 'a, to tz'ec' teln 'a sat lu'um, q'ueln 'och wal win yajl cha, tzma'xi. A tzyal jantc smul cha, 'ixta tz'um chi tz'och 'a 'a.

A Ch'an̈ Carta D'a Eb' Hebreo 12:6

Yujto a eb' chamc'ojlbil yuj Cajlil, caw tzyac' cuenta eb'. A eb' tzyij 'och yunnaloc, caw tzyac' syailal eb', xchi 'a Ch'an̈.