Pr 19:27 - Chuj San Sebastian Bible

²⁷ Ex wunnal, toto ma'oj e cha 'ajxoc cuenta e b'a, caw najt 'oj eyelcn 'a stz'ey jun cuynb'il tic.

Chuj San Mateo Bible

²⁷ Ex vuninal, tato max e cha eyab' e cachnab'il, van eyic'ancanel e b'a d'a c'ayb'ub'al te vach'.

Pr 19:27 ပူးပေါင်းရင်းမြစ်များ

A Ch'an̈ Schab'l Libro Samuel 13:5

'Ix ya'n Jonadab chi snab'enoc Amnón, xyaln 'a 'ixtic: —'E'n̈ t'ocn 'a sat a ch'at, tzalni to wan a cham a'noc 'es. Ax yic tzjaw a mam ach yila', tzaln 'a 'ixtic: Tzin c'an wal yuj diosal 'ayach, comnoc tz'el a c'ojl a'n cot 'unx wanb' Tamar, yic tzwul sb'onc 'unx jac tas tzin c'uxu. A yic 'oj wilnc tas tzb'o 'unx in c'ux cha, ax wul ya'nc 'unx 'ayin, ax in nib'n in c'uxu', xa chi 'a 'a, xchi win Jonadab chi 'a Amnón.

2 Cr 10:10

Xlajw cha, xta'w jun tzo'n̈ quelmtac winc cha, 'ix yaln eb' 'a 'ixtic: —A jun tzo'n̈ 'anma 'ix aln 'aych cha, chajtlto tzej 'emt yoc jun munljel 'aycn 'och 'a yib'n̈ eb' yuj a mam cha, 'ixtc tzotj aln 'a eb': Toto ya munljel 'aj 'ayx can 'och yuj in mam, an xo pax tic, yel xo pax caw ya munljel 'aj 'oj ex wa'chi.

Pr 14:7

Wach' toto tzquijec 'el qui b'a 'a stz'ey eb' tu snab'en, yujto a tas tzyal eb', may jac qui jelnal 'oj qui'c 'a spatic.

Pr 19:26

A mach tzyel'j tas 'a mam, tzpechn 'el pax snun, a jun tzb'o cha, caw wal q'uixweltac.

Pr 19:28

A junc mach tzya'ch sb'a testigoal 'a tas man̈ yeloc, may yel'ch tojlal 'a 'a, yujto caw wal tzalj yet' smaysch'olnilal.

Jeremías 27:9

Yuj wal cha, man̈ e cha eyab' tas tzyal jun tzo'n̈ eb' tzaln 'ayex to matz eya'ch e b'a 'a yaln̈ schecnb'il win Nabucodonosor sreyl Babilonia. A eb' tzaln jun tzo'n̈ cha, atn eb' tztac' snan 'el paxti yalni, eb' tztac' yaln tas tzyal 'el'ch junc wayich, eb' wayjel, eb' tzalni tas 'oj ujc b'aq'uin̈.

Mt 16:12

At yic xyaln Jesús jun tzo'n̈ chi 'a eb', atta xnachj 'el yuj eb', to man̈oc jun caw yich pan 'ay smay xyal 'a eb'. Palta atn jun tzo'n̈ scuynb'il ewin fariseo, yet' ewin saduceo tzyala.

Mt 16:6

'Ix yaln Jesús 'ixtc 'a eb': —'Ab'ec, tzeyil wal e b'a. A wal yich span ewin fariseo yet' yich span pax ewin saduceo, caw 'ay smay tzex juw 'el yu'uj, xchi 'a eb'.

Mt 7:15

'Ay eb' tzcob' yalch sb'a schecb'oc Dios, caw tzeyil wal e b'a 'a eb', yujto a yic 'oj c'och eb' 'ayex, caw manso 'oj cob' yutc sb'a eb' 'icha junc calnelu. Palta ax snab'en eb', caw tu', 'icha junc 'ocs caw ow.

Mr 4:24

Xyaln pax 'ixtc 'a 'eb': Caw tzeya'ch e chicn 'a tas tzeyab'i, yujto 'icha tzeyutj eya'n 'och e chiquin, 'ixta 'oj yutc Dios ya'n nachjc 'el eyu'uj. 'Oj swach' 'a'c nachjc 'el nan̈locx eyu'uj.

Jn 10:5

Palta q'uinloc 'ay junc xo winac, man̈ c'ayncoc no 'a winac, matz tac' scomn 'och tza'n no yu'uj. Toto man̈ c'ayncoc no 'a 'a, ton̈j tz'at no 'elc yu'uj, xchi Jesús 'a eb'.

Ef 4:14

Yujto tznib'ej, man̈xtoc lajn on̈ 'icha eb' 'unn c'un somchj snab'en. A ticnec, 'ay eb' lajn 'icha junc barco ton̈j tz'eytz'n 'ec' yuj 'ic', yujto ton̈j tzsomchj snab'en eb' yuj jun tzo'n̈ chuc cuynb'ilal tzalx 'a eb'. Ton̈j tz'ixtx paxti eb' yuj jun tzo'n̈ eb' jeln ya'n 'es. A eb' cha, tznib'j eb' tzon̈ yij 'at 'a junc comn b'eyb'al.

1 Ti 4:7

Palta caw man̈ a'ch a nab'en 'a jun tzo'n̈ comn 'ab'x may yel'chi. Smasnil tiempo, caw tza'ch a nab'en 'a Dios.

1 Jn 4:1

Ex chamc'ojlb'il wu'uj, toto 'ay eb' tzalni to yic Dios jun tzo'n̈ tas tz'ec' yal eb', man̈ e comn chac eyab' mu'c 'a eb'. Yowlal tze b'ab'l 'a'j prowal eb', toto yel a Dios 'aych yet' eb'. Yujto til wal eb' 'a'm 'es 'ay 'a yolyib'n̈q'uinl tic. Tzcob' yalch sb'a eb' schecb'oc Dios.

2 Jn 1:10

Toto 'ay eb' tzc'och 'ayex, to chuc cuynb'ilal tz'ec' yal eb', man̈ e chach eb' 'a yol eyatut. Man̈ e c'an swachc'ojlal Dios 'a yibn̈ eb'.

Apoc 2:2

Wojtac, jantcn̈ej tas tze b'o'o. Wojtac, caw yelc'ojlal tzex munlji, caw niwn tzeyutj e c'ojol. Ax eb' maysch'olnil, caw matz e chaj 'och eb' 'a e cal. Wojc paxi, xlaj eya'lj prowal eb' tzcob' yalch sb'a in checb'oc. 'Ix 'ilchj 'el eb' eyu'uj, chajtlto yes eb'.