Pr 19:20 - Chuj San Sebastian Bible

²⁰ A mach tzchaj yab' junc nab'en tz'ajx 'a 'a, tzchan pax yab' tennb'ilal, to 'ixta', 'oj jelnb'oc.

Chuj San Mateo Bible

²⁰ Tato sco cha cab' razón yed' co cachnab'il, ol on̈ jelanb'oc.

Pr 19:20 ပူးပေါင်းရင်းမြစ်များ

Salmos 37:37

Tzcham wal cochc q'ueln 'a eb' wach' snab'en, caw wach' 'oj 'el'choc eb', yujto a junc'ojlal tzsayc' eb'.

Salmos 90:12

'A' cojcoc 'el on̈, to jab' wal qui q'uinl tic on̈, sec tzqui b'eylb'ej jelnal on̈.

Salmos 90:14

Caw 'ay a chamc'ojlal 'ayn̈ on̈. 'A junjn sq'uin̈b'ial tza'n qui tzaljc'ojlal on̈. Yuj a chamc'ojlal cha, ax qui b'itn 'a tzaljc'ojlal, ya' sb'a pitzn on̈ to jac xo.

Pr 1:2

'Ix tz'ib'x cani sec wach' tzalx 'el jelnal yet' cuynb'il. Tzcolwj jun tzo'n̈ paxti tic yic tz'ojcax 'el jun tzo'n̈ paxti to caw 'ay yel'chi.

Pr 1:3

Yu'uj tztac' qui b'eylb'anec jelnal, wach'il, tojlal, yet' pax te'nal.

Pr 1:8

Tzyal Salomón 'ixtic: Ach wunnal, maclj wal ab' a cuynb'il tzwac'a, man̈ a patquilc can 'el a cuynb'il tzyac' pax a nun.

Pr 12:15

A eb' may snab'en, a tzyutj eb' snani to wach'n̈j smasnil tas tz'el sb'on eb', ax eb' 'ay snab'en, tzchaj eb' yab' tas tzalx 'a 'a.

Pr 13:10

Toto tzqui b'an̈c qui b'a, cojn owl tzq'ue wan cujec; ax toto 'emmquilal queq'uec, caw jeln on̈c 'ixta'.

Pr 15:32

Toto 'ay mach matz chaj 'ajxoc cuenta sb'a, mun tzpatquilj can 'el sb'a; ax toto tzchaj 'ajxoc cuenta sb'a, caw 'oj yic' sjelnal.

Pr 19:19

A mach c'un scot yowal, scha cab' spac 'icha wal tas smoj schani; toto tzqui col 'a yol sc'ab' syailal cha, 'oj sb'eylb'ocn̈ej yowl cha.

Pr 4:1

Ex wunnal, chajec eyab' tas 'oj wala'; macljec eyab'i', sec wach' 'oj eyutc e b'eyb'al.

Pr 8:14

Toto 'ay qui jelnalec, tztac' qui nanec junc tas 'a swach'il, tz'el'chn̈ej tas tzqui b'o'ec.

Pr 8:33

Chajec eyab' cuynb'il; man̈ e patquilc can 'el jelnal.

Jeremías 6:8

B'oc e b'eyb'al ex 'aj Jerusalén, sec wach' ma'oj wi'l in nab'en 'ayex, to ma'ay, 'oj wa'cn 'och e lum 'a cusltaquil. Man̈x 'a junc mach 'oj cajnoc, xchi Dios.

Sofonías 3:7

'Ix in nan 'ixtic: Toq'ue laj 'ay wel'ch 'a sat eb' 'aj Jerusalén tic yic tzwa'n cuenta eb'. To 'ixta', ma'oj in satl yatut eb', may yailal 'oj wa'ch 'a yib'n̈ eb' 'icha yaj in nani, xin chi. Palta ax x'aji, yel xo wal xniwtj sb'on eb' maysch'olnilal.

Nm 23:10

Lajn eb' 'icha wal lum pococ, ¿may junc mach tztac' sb'isn eb'? ¡Comnoc wal tzin cham 'a junc'ojlal 'icha jun tzo'n̈ 'anma wach' snab'en cha! xchi win Balaam 'a sat eb' 'ayc' 'a stz'ey cha.

Dt 32:29

Q'uinloc 'ay snab'en eb', to 'ixta', tznachj 'el yuj eb', tzyojcan 'el eb', tas 'oj 'aj 'el'ch eb'.

Dt 8:16

'Ix qui wan maná 'a lum cusltac lum cha. A jun cha, man̈ 'ojcab'ilc yuj eb' qui mam quichmec. 'Ixta 'on̈ yutjec on̈ ya'lni prowal, sec wach' tzex 'el'ch b'aq'uin̈.