Pr 18:24 - Chuj San Sebastian Bible

²⁴ 'Ay eb' caw niwn eb' swach'c'ojl yalni, ax yic tzjaw yailal 'a yib'n̈ eb', toc 'ay mach tzcoln eb'; palta 'ay pax eb' 'ay swach'c'ojol, yel xo wach' eb' 'a yib'n̈ eb' to yu'tac sb'a yet' eb'.

Chuj San Mateo Bible

²⁴ Tato te ay camigo, ay smay tzon̈ ixtaxel yuj eb'. Palta ay pax eb' camigo yelxo te vach' d'a yichan̈ eb' co c'ab' coc.

Pr 18:24 ပူးပေါင်းရင်းမြစ်များ

A Ch'an̈ Schab'l Libro Samuel 1:26

Caw wal 'ayn 'och 'a cusc'ojlal oj wu'tac Jonatán. Caw niwn a wach'c'ojlal a'jnac 'ayin. A wal a chamc'ojlal a ch'oxjnac 'ayin, 'ec'b'al xo 'a yib'n̈ schamc'ojlal eb' 'ix 'ix.

A Ch'an̈ Schab'l Libro Samuel 15:21

'Ix ta'w win Itai chi 'ixtc 'a win rey: —'A sat Jehová tzwaln 'aych mamin rey, tzann̈j 'aj 'oj a 'ati, 'oj in 'at et'oc, toxn̈ej wach' mto chamel, 'oj in 'atn̈j et'oc, xchi winac.

A Ch'an̈ Schab'l Libro Samuel 16:17

'Ix yaln win Absalón chi 'ixtc 'a win Husai: —¿Tom 'ixta a nab'en 'a yib'n̈ win a wach'c'ojl cha? ¿Tas yuj ma ach 'at yet' winac? xchi 'a 'a.

A Ch'an̈ Schab'l Libro Samuel 21:7

Ma'ix 'ajx Mefi-boset 'a yol sc'ab' eb', atn jun yunnal Jonatán, yixchicn Saúl, yujn̈ej to ya'jnac David sti 'a Jonatán, 'a yojltac Jehová.

Pr 17:17

A junc mach wach' xon cajc yet'oc, 'aychn̈ej quet'oc. A yic tzjaw qui yailal, 'icha wal to cu'taquec qui b'a yet'oc, 'ixta tzyutj sb'a.

Pr 27:10

May cab' b'a'n̈ tzeyactj can eb' e wach'c'ojol yet' eb' swach'c'ojl e mam. Toto 'ixta', a yic 'ay e cusc'ojlal, man̈oc to 'a yatut junc eyican 'a najat, atta tz'at eyal e b'a. Yel xo wach' a 'a eb' e wach'c'ojl cajn 'a e tz'ey, ata tzeyal e b'a.

Pr 27:9

A tas su'q'ui sjab' yet' perjuma, a chi tz'a'n qui tzaljc'ojlalec, 'ixta tzon̈ 'ajc qui tzalj yuj nab'en tzyac' junc qui wach'c'ojlec, yujto 'ay schamc'ojlal 'ayn̈ec.

A Ch'an̈ B'ab'el Libro Samuel 18:1

A yic xlajw spaxtin David yet' Saúl, ax Jonatán win yunnal Saúl cha, schamc'ojlax David yuj win 'icha tzyutj sya'iln sb'a, junn̈j xyutj eb' snab'en.

A Ch'an̈ B'ab'el Libro Samuel 18:3

Ax Jonatán yet' David 'ix ya'n eb' sti 'a jun jun, chajtlto tzchamc'ojlej sb'a eb' 'a jun 'ejmn̈ej.