Pr 17:15 - Chuj San Sebastian Bible

¹⁵ Toto tz'ajx niwnc'ojlal mach 'ay smul, mto tz'ajx 'och yailal 'a yib'n̈ junc may smul, a wal chab' tic, caw wal matz nib'j Jehová.

Chuj San Mateo Bible

¹⁵ Tato a eb' juez tz'ac'an nivanc'olal d'a yib'an̈ eb' ay smul, ma syac'och yaelal d'a yib'an̈ eb' malaj smul, a val chab' chi' max schalaj sc'ol Jehová.

Pr 17:15 ပူးပေါင်းရင်းမြစ်များ

A Ch'an̈ B'ab'el Libro Yic Yab'ixal Eb' Rey 21:13

Xlajw cha, 'ix c'och chawn̈ winc tu snab'en 'a Nabot, 'ix yaln eb' 'ixtc 'a eb' 'anma cha: A win Nabot tic, xb'uchwj win 'a Dios yet' 'a win rey, xchi eb'. Yuj cha, 'ix yi'n 'el eb' 'anma chi win 'a sti 'el chon̈ab', sjulq'uenan eb' winac, axta xchamcn win ta'.

Salmos 94:21

Tu tas tzna eb' 'a spatquil eb' tojl snab'en, tzlaj ya'nc 'och eb' chaml 'a yib'n̈ eb' may smul.

Ex 23:7

Man̈ eya'ch e b'a eya'n 'och 'es 'a yib'n̈ junc 'anma'. Man̈ eya'ch pax chaml 'a yib'n̈ junc 'anma may smul, yujto an 'oj wac' syailal eb' 'ixta tzb'o cha.

Pr 11:1

A Jehová, matz chaj sc'ojol eb' tzc'anlb'an junc 'echtab' man̈ tz'acnoc, palta ax eb' tzc'anlb'an 'echtab' tz'acan, caw tzalj yet' eb'.

Pr 15:8

A eb' maysch'olnil sb'eyb'al, matz chaj sc'ojl Jehová xajmb'al eb', ax pax eb' tojl snab'en, caw tzchaj sc'ojl yab'n slesl eb'.

Pr 17:26

Man̈ wach'oc toto tzc'anx multa 'a junc may smul. Caw yel xo tu', toto tzquijec 'el junc mach 'a yopiso, yujto tojl tas tzb'o'o.

Pr 18:5

Man̈ wach'oc toto a eb' 'ay smul, a eb' tz'ajx niwnc'ojlal yuj eb' juez, ax eb' may smul, matz chax 'ab'xc tas tzyal eb'.

Pr 31:5

axta laj x'aji, tz'at satc'ojlal ley eyu'uj. Toq'ue yuj cha, ax eyixtn eb' 'anma 'emmquilal yeq'ui.

Pr 6:16

'Ay uc c'aj tas matz chaj sc'ojl Jehová: Atn b'an̈quinal, 'a'j 'es, milj cham 'anma may smul, naj chan̈ paxti man̈ wach'oc, b'oj maysch'olnil 'a yajn̈ej, 'a'j 'och 'es 'a yib'n̈ junc xo mach, pitzj chan̈ owl 'a scal eb' yit 'anma'il.

Is 5:20

'Oltac wal eb' tzcob' alnoc to a tas tu', a chi tzyal eb' wach'il, ax tas wach', a chi tzyal eb' tu'al; a sacq'uinal, a chi q'uic'q'uinl 'a eb', ax q'uic'q'uinal, a chi sacq'uinl 'a eb'. A tas chi', 'icha to c'a tzyab' eb', ax tas c'a, a chi tzyal eb' chi'al.

Is 5:23

A eb' yajal, yuj tumin tzyaln eb' to a junc tz'och smul, may smul yaln eb', ax junc may smul cha, matz b'o yaj eb' 'a stojlal.

Lm 3:35

mto tz'ijx 'ec' junc tas 'a junc mach to a Dios 'a'jnac 'a 'a, atn jun Dios to Cojxn Niwn Yel'chi.

Ez 13:19

Ax tic, yuj jun jopoc 'ixm cebada, mto yuj junc 'ixm pan, tzin e patquiln can 'el 'a sat eb' in chon̈ab'. 'In tzlaj e mil cham eb' 'anma to man̈ smojc schami. A eb' 'ayx 'och chaml 'a yib'an̈, a eb' tze colcn 'eli. Tzeya'n 'es 'a eb' in chon̈ab', ax eb', caw wal tzchaj sc'ojl eb' yab'n tas tze yal cha.

Am 5:12

Wojtac jantc maysch'olnil tz'el e b'oni. Man̈x 'a slajb' jun tzo'n̈ e mul cha. Caw tzeyixtj eb' wach' snab'en, tze chan q'uen c'ultac tumn yuj junc tas man̈ wach'c tzeyutj e b'onyaji. A 'a e despacho, ata tzeya'cn 'och 'a yib'n̈ eb' meb'a 'anma to wach' snab'en.

Am 5:7

Ax wal ax tic tze jelmtej 'och tojlal 'a maysch'olnil, 'oltacx wali, caw man̈ wach'c tzeyutj e b'on yaj eb' 'anma'.

Am 6:12

¿Tom tztac' sb'ey q'ue no chej 'a sat tenam? ¿Tom tztac' yoch munljel 'a yib'n̈ a mar yet' q'uen arado? Palta ax xo tic, xe jelmtej 'och tojlal 'a 'ixtj 'anma'il, caw tu tzyab' eb' 'anma yuj tas tzeyutj e b'on yaj eb'.

Ro 4:5

Palta ax Dios, wach'xam matz on̈ munljec 'a 'a, cojn toto tzca'c 'och 'a qui c'ojol, to 'ixta', wach'n̈ec 'a sat. 'Ixta tz'aj junjn mach to tz'och smul 'a sat Dios, toto tzya'ch wal sc'ojl 'a 'a.

Dt 25:1

Toto 'ay chawn̈oc 'anma tzyac' owal, yowlal tz'at eb' sb'oyaj sb'a 'a sat eb' juez; a jun may smul cha, a tzcolchj cani, ax jun 'ay smul cha, tzcann̈j 'a yib'an̈.

Santiago 5:6

Caw tzeya'ch yailal 'a yib'n̈ eb' tojl sb'eyb'al. 'Ay pax eb' tze mil chamoc. Palta toxn matz pac sb'a eb' 'ayex.