Pr 16:33 - Chuj San Sebastian Bible

³³ Wach'xam tzca'c 'och suerte 'a yib'n̈ junc tas, palta a Jehová, a 'ojtnac tas snab'en 'a yib'an̈.

Chuj San Mateo Bible

³³ Vach'chom scac'och suerte d'a yib'an̈ junoc tas, palta an̈ej Jehová snaani tastac tz'ajelc'och smasanil.

Pr 16:33 ပူးပေါင်းရင်းမြစ်များ

Nehemías 11:1

A eb' yajl 'a jun nacion̈ tic, 'ix can cajn eb' 'a Jerusalén; ax jaywn̈ xo eb' chon̈ab', xya'ch eb' suerte, sec wach' a junc n̈al 'a junjn lajn̈e n̈ail, tz'at cajn 'a Jerusalén, atn jun chon̈b' yic Dios yaji. Ax junx b'aln̈e n̈ail, tzcancn 'a jun tzo'n̈ xo chon̈b' 'a b'esan.

Pr 16:32

Yel xo wach' niwn tzcutjec qui c'ojol, 'a yib'n̈ pax to c'un scot cowlec. Yel xo pax wach' mun tzqui yamc 'och wan qui b'a, 'a yib'n̈ pax to tzcan junc chon̈b'al 'anma 'a yaln̈ cu'uj.

Pr 18:18

A yic tzch'oxn 'el Dios snab'en 'a suerteal, tztup 'ejm owal, tzpojn snan̈l eb' 'ay yowl cha.

Pr 29:26

Til wal 'anma tzsayn 'ec' swach'c'ojlal eb' yajal, palta cojn Jehová tzb'onyaj junc mach 'a wach'il.

Ez 21:21

A yic 'oj jawc win sreyl Babilonia 'a 'aj tzpoj sb'a chab' b'e cha, 'oj 'och wan lin̈n ta', 'oj yac' scalc sb'a sjul-lab' 'a yet'ul, ax sc'anb'n sb'a 'a sdiosal. 'Oj say yil seyb' no noc' sec 'oj yojcoc 'eli, 'aja b'e 'aj 'oj 'ochoc.

Lv 16:8

Axta tzya'ch suerte 'a yib'n̈ e no chiwo chi schawn̈il: Jun no 'oj 'och wico'oc, ax junx no 'oj pechx can 'at 'a cusltac lu'um.

Jonás 1:7

'Ix yaln eb' ch'umn barco chi 'a junjn 'ixtic: —A ticnec, ca'c 'och b'ul, sec wach' 'oj nachjoc 'el cujec mach 'ay smul, yuj cha, tzjaw jun tic 'a quib'n̈ec, xchi eb'. Xlajw cha, 'ix ya'n 'och eb' jun b'ul cha. Ax x'aji 'ix can 'a yib'n̈ Jonás chajtlto yu'uj 'ixta tz'aj eb'.

A Tas Sc'ulejnac Eb' Schecab' Jesús Hechos 1:26

Xlajw cha, x'och suerte 'a yib'n̈ eb' schawn̈il. Yuj cha, 'ix checlj yuj jun suerte cha, to a 'a yib'n̈ Matías xcan jun 'opiso cha. A x'ochx can stz'acb'oc eb' uxlchwan̈ schecb' Jesucristo.

Josué 18:10

'Ix ya'n 'och win Josué suerte 'a yib'n̈ lum 'a yojltac Jehová 'a Silo cha. Xlajw cha, spojn can 'ec' lum lum chi 'a scal eb' yit israelal cha.

Josué 18:5

A jun tzo'n̈ winc cha, uc macn̈ 'oj yutc eb' spojn lum lum cha, mun tzcancn Judá yet' slum 'a stojlal sur, ax eb' yin̈tl José, mun tzcan eb' 'a lum 'ay 'a stojlal snorteal yic Judá.

Josué 7:14

A 'a sq'uin̈b'il q'uic'an, junjn 'in̈tal ex tzex jaw 'a wojltac, wul e ch'ox e b'a. Ax 'a e cal, ata 'oj in sic' 'elt junc 'in̈tal ex. A 'a junc 'in̈tal cha, ata 'oj in sic' 'elt junc macan̈. Ax 'a scal junc macn̈ cha, ata 'oj in sic' 'elt jun c'ajoc eb' yican sb'a. A eb' cha, junjnal 'oj wul sch'ox sb'a eb' winc chi 'a wojltac, ax 'a scal eb' winc cha, ata 'oj in sic' 'elt mach 'ay smul cha.

Jueces 20:9

A ticnec, a jun tas 'oj qui b'o'ec, to 'oj ca'c b'ul sec wach' 'oj quila', machtc on̈ec tzon̈ 'atc ca'c owl yet' chon̈b' Gabaa.

A Ch'an̈ B'ab'el Libro Samuel 10:19

Palta ax ticnec, 'ix e patquilj can 'el qui Diosalec, atn jun on̈ 'i'n 'elt 'a scal yailal, yet' 'a scal cusc'ojlal, yic xe c'ann jun qui reyl tzyac' yajlil 'a quib'n̈ec. Yuj cha, a ticnec 'ochn̈ec 'a yojltac Jehová, junjn 'in̈tal yet' junjn macn̈il tzex 'aj 'eyochi, xchi.