Pr 16:20 - Chuj San Sebastian Bible

²⁰ Toto tzqui chajec cab' cuynb'il, 'oj 'ilchjoc swach'l cujec; toto tzca'c 'och Jehová yipc qui c'ojol, caw wach' quiquec.

Chuj San Mateo Bible

²⁰ A eb' ojtannac yic'an b'ey smunlajel, vach'n̈ej tz'aj yelc'och eb'. Te tzalajc'olal yic eb' tz'ac'anoch Jehová yipoc sc'ool.

Pr 16:20 ပူးပေါင်းရင်းမြစ်များ

1 Cr 5:20

'Ix 'och Dios yet' eb', yuj cha, 'ix 'ajx ganar eb' agareno yet' eb' 'aych yet' eb'. 'Ix can eb' 'a yol sc'ab' eb', yujto a yic wan ya'n eb' owl cha, 'ix sc'an eb' scolwal Dios. 'Ix colwj Dios yet' eb', yujto 'ix ya'ch eb' sc'ojl 'a 'a.

Salmos 125:1

A eb' tzya'ch wal sc'ojl 'a Jehová, lajn eb' 'icha lum tzaln Sión matz 'ib'x 'a yet'ul, junn̈j yet'l 'aj 'ayc' 'a smasnil tiempo.

Salmos 146:5

Wach' yic eb' tzchan scolwal sDiosal Jacob, atn eb' tzya'ch sc'ojl 'a Jehová qui Diosalec.

Salmos 2:12

'Emn̈ec n̈ojn 'a yojltac Yunnal Dios yet' e xiwc'ojlal. Man̈ eyi' cot yowl sc'ojl 'a eyib'an̈, sec matz ex satl yu'uj, yujto yajn̈j wal cha, tzcot yowal. ¡Caw tzaljc'ojlal yic eb' to a Dios tzya'ch yipc sc'ojol!

Salmos 32:10

Mamin Jehová, a eb' maysch'olnil sb'eyb'al, til wal syailal eb' 'oj jawoc, palta ax eb' tzach 'a'n 'och yipc sc'ojol, a 'a chamc'ojlal tztan̈wni eb'.

Salmos 34:8

'A'ljec prowal, ax eyilni chajtlto wach' snab'en Jehová. Caw wach' yic eb' to a 'a Dios tzya'ch sc'ojol.

Pr 13:13

Toto may yel'ch jun tzo'n̈ checnb'il 'a qui satec, tzjaw yailal 'a quib'n̈ec; ax toto 'ay yel'ch 'ayn̈ec, caw wach' 'oj cajc 'el'chi.

Pr 13:15

A eb' 'ay snab'en, caw nib'b'il eb' yuj eb' 'anma', ax eb' tz'ixtn eb' 'anma', yajn̈j cha tzsatl eb'.

Pr 17:2

A junc checb' 'ay snab'en, 'ec'b'al yopiso 'a junc yunnal spatron̈ to may tz'ochi, 'ay pax yaln yic jun checb' chi yi'n smacl 'a tas 'ay 'a spatron̈ cha.

Pr 19:8

Toto tzqui b'eylb'ejec tas tzqui cuyu, tzqui saynec qui wach'il, toto 'ixta', caw tzon̈ q'ue'chec yet' qui nab'en.

Pr 8:35

Yujto a eb' tz'ilchj jelnal yu'uj, tz'ilchj pax sq'uinl eb' yu'uj, 'oj scha eb' swach'c'ojlal Jehová.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Dn 3:28

A wal 'a yic jun rato cha, 'ix yaln win rey chi 'ixtic: Alx cab' wach' paxti 'a sDiosal Sadrac, Mesac yet' Abed-nego, yujto a 'ix checn cot jun yángel wul scol-l eb' schecb' caw tzya'ch sc'ojl 'a tic. Eb' ma'ix yiclni jun ley xwac' 'elt an reyn tic. Schaj sc'ojl eb' schami, 'a yib'n̈ pax to tzyac' 'ejm sb'a eb' 'a junc xo dios to man̈ sDiosalc eb'.

Dn 6:23

Yuj cha, caw stzalj chan̈ win rey chi si'mb'il, xya'n win 'ijxoc q'uet Daniel chi 'a yol yet'l e no león cha. Ax yic xq'uel yuj eb', 'ix yiln eb' caw may jac tas lajwnac 'a 'a, yujto xya'ch sDiosal yipc sc'ojol.

Mt 10:16

'Ab'ec, 'oj ex in checb't 'icha jun tzo'n̈ calnelu tz'at 'a scal no 'oques, 'ixta 'oj eyaji. Yuj cha, caw lista tzeyutj e b'a 'icha junc chan caw jelan, palta caw manso tzeyutj pax e b'a 'icha junc no parama.