Pr 15:30 - Chuj San Sebastian Bible

³⁰ A mach tzewji, tzon̈ tzaljec chan̈ yu'uj; a junc wach' 'ab'ix, caw tz'och quipc yuj tzcab'i.

Chuj San Mateo Bible

³⁰ A eb' stzetzon sat, stzalaj co c'ol yuj eb'. A junoc vach' ab'ix syac' co tec'anil.

Pr 15:30 ပူးပေါင်းရင်းမြစ်များ

Esdras 9:8

Palta a ticnec Mamin Jehová, qui Diosal ach on̈, a yuj a chamc'ojlal 'ayn̈ on̈, wach'xam jaywn̈ wal qui b'ey on̈ 'elt 'a libre tic on̈, palta tztac' qui b'on pax 'ejm qui b'a 'a sat lum lum to ec yaji. Ach qui Diosal on̈, 'ix ac' qui tzaljc'ojlal jun 'ejm xo on̈, on̈ a coln pax 'elt 'aj 'ayn̈ 'och mosoal on̈.

Salmos 89:15

Mamin Jehová, a eb' 'anma tzach b'itnan yet' tzaljc'ojlal, caw wach' yic eb', yujto a 'a checnb'il tzb'eylb'ej eb'.

Pr 12:25

A somc'ojlal, caw wal tzyac' cus qui c'ojlec; ax junc wach' paxti', to tzyac' qui tzaljc'ojlalec.

Pr 13:9

Toto tojl qui b'eyb'alec, lajn on̈c 'icha junc luz caw tzictzni yilx yoc; ax toto may qui ch'olnilec, lajn on̈c 'icha junc cantil wan stupi.

Pr 15:29

Caw najt yajl Jehová 'a stz'ey junc maysch'olnil sb'eyb'al, palta toto tojl snab'en, caw chab'il slesl yu'uj.

Pr 15:31

A mach tzchaj tennb'il to yic q'uinl yaji, 'ay yaln yic sc'och 'a scal eb' jeln snab'en.

Pr 17:22

A tzaljc'ojlal, lajn wal 'icha junc remel, ax pax cusc'ojlal, ton̈j tzyij 'el quipec.

Pr 25:25

'Icha wal sja'l yu'x a sicla 'a yic 'ay qui tacn̈tilec, 'ixta wal sja'l yab'x junc wach' 'ab'x tzcot 'a najat.

Pr 3:8

Toto 'ixta', a Jehová 'oj 'a'nc a tzatzil, ax ya'n ste'nal a niwnal.

Ec 11:7

A sacq'uinal caw wach' yilxi, tzqui nib'nec pax quil yoc c'u.

Is 58:11

Toto 'ixta 'oj eyutc e b'a, an xo an Jehová in, an 'oj ex in quetz b'eyoc. 'Oj yac' sobra wa'n tas tze c'ux 'a lum cusltac lu'um. 'Oj wac' eyip, lajn 'oj eyaj 'icha junc 'awb'ente 'aychn̈ej yalil, mto 'icha junc spac'b'a may tz'aj stupi.

Apoc 21:23

A 'a jun chon̈b' cha, may tz'och yoc c'u, may pax tz'och yoc 'uj. Yujto a sacq'uinlal Dios yet' pax sacq'uinlal jun tzcuch Calnelu, a tzyac' sacq'uinlal 'a 'a.

Apoc 22:5

A wal ta', man̈x 'a 'ac'wal. Ax eb' 'oj c'och ta', man̈x 'a yopiso junc cantil yuj eb'. Man̈x 'a yopiso yoc c'u yuj eb'. Yujto a Dios Cajlilec, a 'oj yac' sacq'uinlal 'a eb'. Ax eb' cha, 'oj 'och eb' yajlil 'a smasnil tiempo.