Pr 15:25 - Chuj San Sebastian Bible

²⁵ A Jehová a tz'a'n lajwc 'ejm tas 'ay 'a eb' tzyij chan̈ sb'a; palta tzcol tas 'ay 'a eb' 'ix 'ix chamnc yichmil.

Chuj San Mateo Bible

²⁵ A Jehová satanel tas ay d'a eb' ac'umtac, palta a stan̈van sluum eb' ix ix chamnacxo yetb'eyum.

Pr 15:25 ပူးပေါင်းရင်းမြစ်များ

Job 24:21

A eb' 'ix 'ix may yune' yet' eb' 'ix chamnc yichmil, caw wal tz'ixtx eb' 'ix yuj eb', may xon 'aj tzcolwj jac eb' 'a eb' 'ix.

Salmos 10:14

Ach wal 'ix ela to maysch'olnil tas xlaj sb'o eb', yuj cha, ach 'oj a pactzoc 'a eb'. Ach tzach colwj 'a eb' meb'a 'unn chamnc smam tzyal sb'a 'ayach.

Salmos 138:6

Wach'xam chan̈ 'aj 'ayach, palta tzel 'emt eb' 'emmquilal yeq'ui. Ax eb' b'an̈quintac, caw najt yajl eb' 'a a stz'ey.

Salmos 146:9

A tztan̈wni eb' 'anma chuc schon̈ab', a tz'a'n servil eb' meb'a 'unn chamnc smam yet' eb' 'ix 'ix chamnc yichmil, palta a tz'a'n pax somchjoc 'el eb' maysch'olnil sb'eyb'al.

Salmos 52:1

Ach to jeln a'n owal, ¿tas yuj tzej chan̈ a b'a 'a maysch'olnil? A schamc'ojlal Dios 'ayc'n̈ej 'a jun 'ejmn̈ej.

Salmos 52:5

palta a Dios 'oj a satn 'el 'a jun 'ejmn̈ej. 'Oj ach yic' 'elt 'a yol atut, ax yi'n 'ec' a q'uinal.

Pr 12:7

A yic tzcham eb' maysch'olnil, tzsatcn 'el eb' 'a jun 'ejmn̈ej; ax eb' wach' snab'en, caw niwn tiempo 'oj yil eb' yet' yunnal.

Pr 14:11

A tas 'ay 'a eb' maysch'olnil sb'eyb'al, 'oj lajwc 'ejm 'a eb'; ax tas 'ay 'a eb' tojl sb'eyb'al, 'oj niwtjoc cha'an̈.

Pr 15:26

Matz chaj sc'ojl Jehová tas nab'il yuj eb' maysch'olnil sb'eyb'al, ax jun tzo'n̈ wach' paxti', caw tzchaj sc'ojol.

Pr 23:10

Man̈ e t'un̈ smon̈jonal lum lum pecti b'ob'il can 'ejmi. Man̈ e to'c pax smacl lum eb' meb'a 'unn chamnc smam,

Is 1:17

Cuyc e b'a e b'on swach'il, a cab' stojlal tze sayq'ui, colwjan̈c 'a eb' 'anma tz'ixtxi, b'oc yaj eb' meb'a 'unin, colwjan̈c 'a eb' 'ix 'ix chamnc yichmil, xchi Dios.

Is 2:12

A Jehová tztac' yuj smasnil, 'oj jawc jun c'u to nab'il xo yu'uj, yic tzya'n cot yowl sc'ojl 'a yib'n̈ eb' b'an̈quintac, eb' tenmtac, eb' cob' tzyij chan̈ sb'a;

Jeremías 5:28

Caw b'a'ch eb' ya'n servil sb'a. Man̈x yalnb'ilc smaysch'olnilal eb'; matz b'o eb' yaj eb' meb'a 'unn chamnc smam, matz b'o eb' yaj eb' meb'a 'a stojlal.

Dn 5:20

Palta caw spitj sb'a yet' sb'an̈quinal, yuj cha, x'ijx 'ec' yopiso 'a sreyal, yet' sb'inab'ilal.

Dt 19:14

A 'a lum lum 'oj yac' Jehová qui Diosalec 'ayex, 'ay cab' yel'ch smon̈jonal yic junc xo mach 'aych yic 'a sti eyic cha, 'icha cab' yajcn 'ejm smon̈jonal xon yuj eb' e mam eyichm 'a pecti', 'ixta cab' yaji.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.

A Sb'ab'el Carta San Pedro 5:5

Ex quelmtac, ex cob'stac, yiclum tzeyutj e b'a 'a eb' anciano. Ax xo e masnil, 'emmquilal tzlaj eyutc pax e b'a 'ayx junjn ex. Yujto tzyal 'ixtc 'a Ch'an̈ U'un̈: A Dios, tzchac sb'a yet' eb' b'an̈quintac yeq'ui, ax 'a eb' 'emmquilal yeq'ui, tzyac' swach'c'ojlal 'a eb', xchi.