Pr 14:31 - Chuj San Sebastian Bible

³¹ Toto tzquixtjec eb' meb'a', caw tzqui patquiljec can 'el Dios, atn jun mach b'ojnac eb'. Palta toto tz'o'ch qui c'ojlec 'a eb', wan qui ch'oxnec 'eli to 'ay yel'ch Dios 'a qui satec.

Chuj San Mateo Bible

³¹ Tato squixtej eb' meb'a', van co paticanel Dios ix on̈ b'oani. Tato ay yelc'och Dios d'ayon̈ jun, tz'oc' co c'ool d'a eb'.

Pr 14:31 ပူးပေါင်းရင်းမြစ်များ

Job 24:4

Ax eb' meb'a tzc'ann jac colwal 'a eb' 'anma tzb'ey 'a b'e, tzlaj 'ijxoc 'el eb' 'a yol b'e chi yuj eb'; tzlaj sc'ub'n 'el sb'a smasnil eb' 'emmquilal yec' yuj eb'.

Salmos 12:5

Mamin Jehová, ach tzal 'ixtic: Caw tz'ixtx eb' may jac tas tztac' yu'uj, a eb' meb'a', caw tz'el yaw eb' yab'n syail. Yuj cha, yowlal 'oj in colwj 'a eb' to tznib'n in colwal, xa chi.

Pr 14:21

Tz'och qui mulec toto tzqui patquiljec can 'el eb' quit 'anma'il, palta caw wach' quiquec, toto tz'o'ch qui c'ojlec 'a eb' meb'a'.

Pr 17:5

Toto tzon̈ b'uchwjec 'a eb' meb'a', 'icha wal to a 'a Dios wan qui b'uchwjec, atn jun b'ojnac eb'. Toto tzon̈ tzaljec yic tz'och syailal junc xo mach, 'oj jawc pax yailal 'a quib'n̈ec.

Pr 19:17

A mach 'ela 'a eb' meb'a', 'icha to a 'a Jehová wan ya'n junc chi majnil, ax Jehová, a 'oj 'a'noc spac jun swach' nab'enal cha.

Pr 22:16

A mach yuj snib'n 'och sb'a ricoal, yuj cha, tzyixtn eb' meb'a', yet' junc mach tz'a'n junc tas 'a eb' rico yic tzmontn eb', a eb' cha, 'oj lajwc 'ejm yuj meb'a'il.

Pr 22:2

A eb' rico yet' eb' meb'a', lajnn̈ej yel'ch eb', a Jehová xb'on eb'.

Pr 28:8

A mach tzniwtj sricoal yuj yune stumn tzyac' majnil, tzmolb'tzej wal sricoal cha, palta ax 'a eb' tz'o'ch sc'ojl 'a eb' meb'a', axta tzcani.

Ec 5:8

Man̈ sat qui c'ojlec quiln tz'aj yixtx eb' meb'a 'a 'aj matz yiclx tojlal, yujto a eb' 'ay yopiso, tzcolx eb' yuj jun tzo'n̈ xo eb' niwc yopiso. Ax eb' cha, tzcolx eb' yuj jun tzo'n̈ xo eb' yel xo niwc yopiso 'a yib'n̈ eb'.

Lv 25:17

Man̈ e comn to'c 'ec' junc tas 'a junc xo mach, palta to tze ch'oxli to 'ay cab' wel'ch 'a e sat, yujto an Jehová in, e Diosal waji.

Lv 25:35

Toto 'ay junc eyit chon̈b' tzlajw 'ejm jac tas 'ay 'a 'a, yowlal tzex colwj 'a 'a, 'icha wal tzyac' junc chuc chon̈b'al ton̈j tz'ec' 'a e cal yic tzcan 'a yol e chon̈ab'.

Jn 12:8

A eb' meb'a' 'ayc'n̈ej eb' eyet'oc. An xo tic, man̈toc 'aynn̈ej 'ec' eyet'oc, xchi 'a winac.

Dt 24:14

Man̈ eyixtc junc meb'a 'anma tzmunlj 'ayex, toxn̈ej eb' eyit chon̈ab', mto eb' chuc chon̈b'al 'ayc' 'a e cal, man̈ e macch wan stojl eb'.

1 Jn 4:21

A aljnac can jun schecnb'il tic 'ayn̈ec, 'a 'aj tzyal 'ixtic: A eb' tzchamc'ojlan Dios, yowlal tzchamc'ojlej pax sb'a eb' yet' eb' yit creyenteal, xchi.