Pr 14:23 - Chuj San Sebastian Bible

²³ Toto tzca'c 'ip qui b'onec smasnil qui munljel, caw 'ayn̈j tas tzquijec 'a 'a; ax toto cojn paxti tzqui b'o'ec, caw tzquijec cot meb'a'il 'a quib'an̈.

Chuj San Mateo Bible

²³ A junoc munlajel scac' quip co b'oani, ay tas syac' d'ayon̈, tato an̈ej lolonel scac' jun, scot meb'ail d'a quib'an̈.

Pr 14:23 ပူးပေါင်းရင်းမြစ်များ

Job 28:10

Tzlaj yolnc eb' oln xab' tz'aj yich 'a sat eb' q'uen niwc tenam, axta tzlaj say eb' yil smasnil ricoal.

Pr 10:10

A eb' tzmutz'mutz'n yol sat snan maysch'olnil, caw tzyij cot eb' niwc yailal 'a yib'an̈. A eb' cojn comn paxti tzyala, 'oj satcn 'el eb'.

Pr 12:24

A eb' tzmunlji, 'oj 'och schecb' eb'; ax eb' 'isaj, 'oj 'och eb' checb'al.

Pr 14:22

A eb' cojn maysch'olnil tznib'j sb'o', satnc xo eb' 'a sb'e; ax eb' to a wach' tznib'j sb'o', caw tzchaml sc'ojl eb' 'anma yet' eb', tz'o'ch pax sc'ojl eb' 'a eb'.

Pr 14:24

A eb' 'ay snab'en, tz'ijx chan̈ eb' yuj sjelnal, ax eb' tu snab'en, tzpatquilx can 'el eb' yuj stu nab'enal.

Pr 28:19

A mach tzmunlj 'a slu'um, caw tzyac' sobra tas tzc'uxu; ax junc ton̈j tz'och tza'n yuj tas may yel'chi, 'oj yab' syal meb'a'il.

Ec 3:9

¿Toc 'ay jac qui ganarec yic tzon̈ cob' munljec an̈ 'anman̈ec tic?

Ec 5:3

Yujto a yic til wal tas tzquecc qui na', tzon̈ 'ilwj chan̈ec yu'uj, ax yic niwn tas tzcalec, 'ay paxti man̈ tojloc tzcalc 'a scal qui paxti cha.

Jn 6:27

Man̈oc 'a jun tzo'n̈ tas tzqui c'uxu, man̈oc tzeya'ch e nab'en e sayn 'eq'ui, yujto ton̈j 'e'lb'a yec' jun tzo'n̈ cha. 'Ayt wal junx tas 'icha to tzqui c'uxu, palta may b'a'n̈ tzlajwi. 'Ay yopiso jun chi ya'n e q'uinl 'a jun 'ejmn̈ej. Yuj cha, a 'a jun chi tzeya'ch e nab'en e sayn 'eq'ui. An 'oj wac' jun chi 'ayex, yujto 'Ochnc in 'Anma'il. A qui Mam Dios 'a'jnac spoder 'ayin, xchi Jesús 'a eb'.

1 Ti 5:13

A eb' 'ix cha, tzcuy sb'a eb' 'a 'isajil. Ton̈j tz'ec' eb' paxtinc 'a scal n̈a. Man̈ cojnoc to 'isj eb', alm peclal pax eb'. Ton̈j tzcomn 'a'j 'och sb'a eb' 'a jun tzo'n̈ 'aj may yaln yico'. Tzyaln pax eb' jun tzo'n̈ tas maysch'olnil.