Pr 11:30 - Chuj San Sebastian Bible

³⁰ A tas tzb'o eb' tojl sb'eyb'al, a chi tz'a'n sq'uinl eb'; a eb' jelan, caw wal tzmontchj eb' 'anma yuj eb'.

Chuj San Mateo Bible

³⁰ A spac scha eb' vach' spensar to snajatb'i sq'uinal eb'. A eb' jelan, vach' smontan eb' anima eb'.

Pr 11:30 ပူးပေါင်းရင်းမြစ်များ

Salmos 92:14

Wach'xam 'ichm 'anma xo eb', palta an̈j 'ijnoc te'nto yip eb'. 'Icha junc te te tzsatni, 'ixta 'eb'.

Pr 12:12

A eb' may Dios 'a sat, tznib'j eb' yajn̈ej tz'och ricoal yuj tas maysch'olnil tzb'o'o; ax eb' wach' snab'en, a smunljel eb' a tz'a'n tas 'ay tz'och yuj eb'.

Pr 14:25

A eb' testigo to yel tas tzyala, tzcolcn 'el eb' yit 'anmal 'a chamel; ax eb' testigo 'a'm 'es, ton̈j tzyixtj 'el eb' yit 'anma'il.

Pr 15:4

A paxti wach', tzyac' sniwnal qui c'ojlec, 'icha to tzon̈ ya'c pitzwoc; ax paxti maysch'olnil, tzon̈ yixtjec 'eli, caw wal tzyab' qui pixnec syal yu'uj.

Pr 3:18

Toto tzqui b'eylb'ej jelnal, caw wal 'ay qui q'uinl yu'uj, caw tzaljc'ojlal quico', toto tzqui molcn jun jelnal chi 'a qui nab'en.

Dn 12:3

A eb' caw jelan, eb' niwn sb'isl 'anma tzjucb'tzej 'a tojl b'eyb'al, a eb' cha, caw wach' yilx 'oj 'aj eb' 'icha yilx satcha'an̈, caw tzictzni yilx 'oj 'aj eb' 'a jun 'ejmn̈ej, 'icha stzictznil c'anal.

Mt 4:19

'Ix yaln Jesús 'a eb' 'ixtic: —'Ochn̈ec in cuywumoc, 'icha tzeyutj eyamn no chay tic, 'ixta 'oj eyutc eyi'n cot eb' 'anma 'ayin, xchi 'a eb'.

Jn 4:36

'Ay eb' 'e'nc xo munljoc 'a scal eb', 'icha junc 'awm 'in̈at. 'Ay pax eb' tzmunlj 'icha junc jach'm 'a scal eb', sec 'oj scha eb' 'anma chi sq'uinl 'a jun 'ejmn̈ej. Ax eb' tzmunlj cha, c'uxn 'oj scha eb' spac jun smunljel cha, sec wach' lajnn̈ej 'oj tzaljc eb' munljum chi smasnil.

1 Ts 2:19

At 'a yic 'oj jawc Cajlil Jesucristo, ax cajc 'a yojltac. Eyu'uj, tzca'n 'och yipc qui c'ojl on̈, to 'oj qui cha spac on̈. Eyu'uj, ax qui chan qui tzaljc'ojlal on̈. Eyu'uj, 'oj qui cha spac qui munljel on̈, sec 'ay quel'ch on̈.

Santiago 5:20

Nachj cab' 'el jun tic eyu'uj. A eb' maysch'olnil tzyutj sb'eyb'al, toto tze montj can pax 'elt eb' 'a jun maysch'olnil cha, tzyal 'el'chi to wan e coln 'elt spixn eb' 'a yol sc'ab' chamel. Jantcn̈ej smul eb' cha, eyujn̈ej, ax yajx can lajwoc.

Apoc 2:7

Jantcn̈ej eb' tz'ab'ni, ya' cab' 'och eb' schicn 'a tas tzyal Espíritu 'a junjn iglesia. A eb' 'oj 'a'nc ganar ya'n techjoc, 'oj wac' slo eb' sat jun te te yic q'uinl 'a jun 'ejmn̈ej. A jun te cha, 'ayc' 'a jun paraíso yic Dios, xchi 'ayin.