Pr 11:29 - Chuj San Sebastian Bible

²⁹ A eb' tu tzyutj sb'a 'a smam snun, mto 'a eb' yu'tac, man̈x 'a tas 'oj can 'a eb'. A eb' may snab'en, 'oj 'och eb' schecb'oc eb' jeln snab'en.

Chuj San Mateo Bible

²⁹ A eb' chuc syutej sb'a d'a smam snun, ma d'a eb' yuc'tac yed' d'a eb' yanab', malaj jab'oc tas ol ac'joccan d'a eb'. A eb' malaj spensar, checab' tz'ajn̈ejcan eb' d'a eb' ay spensar.

Pr 11:29 ပူးပေါင်းရင်းမြစ်များ

Gn 34:30

Yuj cha, xyaln win Jacob 'a Simeón yet' 'a Leví 'ixtic: —Caw wal tzeyac' in chac in b'a yet' smasnil eb' 'anma cajn 'a sla'nil jun lugar tic, atn eb' cananeo yet' eb' ferezeo. 'Oj syam sb'a am eb', ax ya'n eb' owl quet'ec, tecn 'oj on̈ smilc eb' qui masnil yet' cunnalec tic, yujto jaywn̈n̈ej wal qui b'islec, xchi winac.

Pr 14:19

A eb' maysch'olnil sb'eyb'al, tz'em n̈ojn eb' 'a yojltac eb' wach'; tzlaj tewc 'och eb' 'a smac yatut eb' tojl snab'en.

Pr 15:27

A mach til wal tas tznib'j 'ochi, caw tzjuw 'el yol yatut yu'uj; ax toto matz chaj q'uen c'ultac tumin, 'oj najtxb'oc sq'uinal.

Os 8:7

Yuj maysch'olnil xlaj sb'o eb', yuj cha, caw niwn jun yailal 'oj jawc 'a yib'n̈ eb'. Toxn may jac tas 'oj yic' eb' 'a tas 'awb'il yu'uj, may harina 'oj yac' sat strigo eb'. Toxn̈ej 'ay jac 'oj smol eb' jun, palta a eb' chuc chon̈b'al 'oj wanoc 'a eb'.

A Ch'an̈ B'ab'el Libro Samuel 25:17

Palta a win echmil, caw tu snab'en winac, caw matz tac' qui paxtin yet'oc. Yuj cha, na ach tic, tzel tas tzotej, wal yel 'ay tas 'oj jawc 'a quib'n̈ eyet'oc, xchi.

A Ch'an̈ B'ab'el Libro Samuel 25:38

Slajn̈il xo c'u yoch jun yab'il chi 'a 'a, 'ix milx cham yuj Jehová.