Pr 10:28 - Chuj San Sebastian Bible

²⁸ A tas wan sjaw 'a yojltac eb' wach' sb'eyb'al, atn tzaljc'ojlal; ax tas wach' tan̈b'il yuj eb' maysch'olnil sb'eyb'al, matz 'el'chi.

Chuj San Mateo Bible

²⁸ A tas sjavi d'a yichan̈ eb' vach' spensar, aton tzalajc'olal. Axo tas ayoch yipoc sc'ol eb' chuc jun, max elc'ochlaj.

Pr 10:28 ပူးပေါင်းရင်းမြစ်များ

Job 11:20

Palta ax eb' maysch'olnil snab'en, 'oj cob' sayc' eb' mach 'oj colwjoc 'a 'a, palta caw nab'a xoj. Man̈x 'oj 'ilchjoc 'aj wach' scoln sb'a eb', axn̈ej schamlil eb' 'aj 'oj ya'ch snab'en, xchi win Zofar.

Job 8:13

'Icha jun tzo'n̈ c'ultc cha, 'ixta tz'aj eb' 'anma maysch'olnil tas tzb'o'o, atn eb' tzyac' sat sc'ojl 'a Dios; ax tas cob' 'aych yipc sc'ojl eb', 'oj lajwoc 'ejmi.

Salmos 112:10

Ax yic 'oj yilnc sb'a eb' maysch'olnil snab'en 'a eb', 'oj cot yowl eb', caw 'oj juch'ch'oc ye eb' scot yowal, palta jab'jnal 'oj sat 'ejm eb'. A snib'b'en eb', 'oj lajwc can 'ejmi.

Salmos 16:9

Caw wal tzalj in c'ojol, tzach in b'itnan 'a tzaljc'ojlal. Wach'xam 'oj cham in niwnal tic, palta wojtac to 'oj pitzwc paxi.

Salmos 68:4

B'itn coyc 'a Dios, qui b'itquec b'it 'a sb'i. Calc wach' paxti 'a jun mach tz'ec' 'a yib'n̈ 'asun, atn Jehová. Tzalj coyc 'a sb'i. Caw tzalj coyc 'a yojltac.

Pr 11:23

A wal tas wach', a chi tznib'j eb' wach' snab'en, ax tas 'oj jawc 'a yib'n̈ eb' maysch'olnil, atn yowl sc'ojl Dios.

Pr 11:7

A yic tzcham eb' maysch'olnil sb'eyb'al, a tas 'aych yipc sc'ojl eb', yajn̈ej tzsat 'ejm yet' eb', man̈xtzac 'el'ch tas 'aych snab'en eb' sb'oni.

Pr 14:32

Toto maysch'olnil qui b'eyb'alec, mun a qui maysch'olnilal chi tz'i'n cot 'a quib'n̈ec; ax toto wach' qui b'eyb'alec yic 'oj qui chamec, 'ay jun tas 'aych yipc qui c'ojol.

Pr 29:6

A mach maysch'olnil sb'eyb'al, a smul cha, 'icha ch'an̈ yal yajch 'a 'a; ax pax mach to wach' snab'en, caw junc'ojlal yaji, tzaljc'ojlaln̈ej yico'.

Ro 12:12

'Ay cab' qui tzaljc'ojlalec 'a smasnil tiempo, yujto tzca'c 'och Dios yipc qui c'ojol. Caw te'n tzcutjec qui b'a cab'n syail. May cab' b'a'n̈ tzcactjec qui leslwi 'a Dios.

Ro 15:13

A Dios, a yipc'ojlal yaj cujec. Tzin nib'ej a tzwach' 'a'n e tzaljc'ojlal, yet' e junc'ojlal, yujto tzeya'ch e c'ojl 'a 'a. Toto 'ixta', a 'oj e wach' 'a'c 'och yipc e c'ojol, yujto a Yespíritu tz'a'n spoder 'ayex.

Ro 5:2

Yuj Cristo, 'ay calnec quic qui chan swach'c'ojlal Dios, yujto tzca'c 'och qui c'ojl 'a 'a. Yuj cha, til wal swach'c'ojlal tzch'ox 'ayn̈ec ticnec. Caw tzon̈ tzaljec, yujto tzca'c 'och yipc qui c'ojol, to 'oj tza'wnoc qui wach'lec 'icha swach'l Dios.

2 Ts 2:16

A Cajlil Jesucristo yet' qui Mam Dios, caw 'ay schamc'ojlal 'ayn̈ec. Yuj wal swach'c'ojlal, tzya'n sniwnal qui c'ojlec 'a smasnil tiempo. Tzya'n pax ca'c 'och swach'l chi yipc qui c'ojol.