Os 12:6 - Chuj San Sebastian Bible

⁶ Ex israel, meltzjan̈c 'a qui Diosal. Yiclum tzeyutj e b'a 'a 'a, tojlb'tzejc e b'eyb'al. 'Aychn̈ej cab' Dios yipc e c'ojol.

Chuj San Mateo Bible

⁶ Palta a ex israel ex tic, meltzajan̈ec d'a co Diosal. C'anab'ajum tzeyutej e b'a d'ay, tojoln̈ej tzeyutej e b'eyb'al. Ayocab'n̈ej och yipoc e c'ool.

Os 12:6 ပူးပေါင်းရင်းမြစ်များ

Gn 49:18

¡Mamin Jehová tzin tan̈wj in a colni!

Salmos 123:2

Tzon̈ 'och wal q'ueln 'aych Mamin, 'icha wal yiln 'och junc win moso spatron̈, mto 'icha yiln 'och 'ix ya'mal servil junc mach 'aj tz'a'w servil, 'ixta qui tan̈wni yo'ch a c'ojl 'ayn̈ on̈.

Salmos 27:14

Ex wit 'anma'il, 'a'c pax 'och Jehová yipc e c'ojol. Te'n tzeyutj e b'a, man̈ e chab'c'ojloc e b'a. Cojxn̈ej wal Jehová tzeya'ch yipc e c'ojol.

Salmos 37:7

Sictac tzon̈ 'ajc 'a yojltac Jehová; tzqui tan̈wniec scolwj quet'ec. Man̈ ca'c somchjoc qui nab'enec yuj eb' tzq'ue'ch yuj tas maysch'olnil tzb'o'o.

Ex 3:15

'Ix yaln pax Jehová 'ixtc 'a Moisés: —Al 'ixtc 'a eb' et chon̈b' cha: A Jehová qui Diosalec yet' eb' qui mam quichmec, atn Abraham, Isaac yet' Jacob, a in checn cot colwjoc 'ayex, xa chi 'a eb'. A 'in b'i tic, 'ayc' 'a jun 'ejmn̈ej; 'oj b'inaxc 'a smasnil tiempo yuj eb' eyin̈tl b'aq'uin̈.

Pr 1:23

Chajec eyab' 'a 'ajtil 'oj ex in tench wa'an. 'Ixta 'oj wutc wa'n in c'ojlb'al 'ayex, 'oj wac' eyojcoc 'el in paxti'.

Pr 21:3

Toto tzqui b'eylb'ejec wach'il yet' tojlal, a jun tzo'n̈ cha, yel xo tznib'j Jehová 'a yib'n̈ xajmb'al tzca'c 'a 'a.

Is 1:16

Ax ticnec jun, 'ijec 'el jun tzo'n̈ maysch'olnil chi 'ayex, 'actjec e b'oni, tzeyi'n 'el e b'a 'a scal.

Is 30:18

Palta tic wal tan̈b'ilx yuj Jehová, yic tz'o'ch sc'ojl 'ayex, sec tzex ya' niwnc'ojlal. A Jehová caw tojl snab'en, a smasnil 'anma tz'a'n 'och yipc sc'ojol, caw wach' yic eb'.

Is 31:6

Ex yin̈tl can Israel, meltzjan̈c 'a jun mach 'ajtil caw tenmtac xeyutj e b'a.

Is 40:31

Ax pax eb' cojn Jehová tzya'ch yipc sc'ojol, caw tzwach' 'och yip eb'. 'Oj stac' sb'ey eb' 'icha wal sjen̈w no salt'iw, 'oj stac' ya'n eb' carela, palta ma'oj c'unb'oc eb', ma'oj 'el pax yip eb' sb'eyi.

Is 58:6

Palta an tzwal 'ixtc 'ayex: A jun e c'ajb'c'ojlal cha, man̈ 'ichcta stzolil. A jun caw yel to c'ajb'c'ojlal, yaj stzol-l tic: Colc 'elt eb' 'anma 'a yol sc'ab' eb' tu snab'en, man̈x eyixtc eb' 'anma tzmunlj 'ayex; 'a'c 'el eb' tz'ixtx chi 'a libre, man̈x eyixtc eb'.

Is 8:17

Wach'xam tzc'ub'j 'el sb'a Jehová 'a 'ayn̈ an̈ yin̈tl on̈ Jacob tic, palta an tic, tzwa'ch 'a in c'ojol, to a yipc'ojlal yaj wu'uj.

Jeremías 22:15

¿Tom tza na'a, to yujn̈ej 'aych 'ec' 'a yol junc n̈a nab'a c'ute 'aych 'a 'a, yuj cha, ax a b'inax reyl si'mb'il? A 'a mam, caw 'ix yac' tzaljoc sc'ojol, yujto tojl xyutj sb'a, wach'n̈j tas sb'o'o, yuj cha, wach' 'ix 'aj 'el'chi.

Ez 18:30

Ex israel, e Yajlil waji, an 'oj ex in b'eyc'ojloc yuj tas maysch'olnil tze b'o'o. An tzwala to tzeyactj can smasnil e tu b'eyb'al, sec man̈oc 'oj e satn 'eli.

Os 10:12

Yuj cha, waln 'a eb' 'ixtic: A cab' tas tojl tze b'o ax tic, sec ax in chamc'ojlal 'oj e cha spacoc. Tojlb'tzejc e b'eyb'al, 'actjec can e tenmtaquil, stiempoal xo eya'n 'och e b'a 'a yol in c'ab', masnto yic 'oj in jaw wul wac' colnb'il 'ayex, 'icha wal yem n̈ab', 'ixta 'oj 'aj sjawi, xin chi 'a eb'.

Os 14:1

Ex wit israelal, meltzjan̈c 'a Jehová qui Diosal. Wach'xam ex telw 'ejm yuj e mul.

Os 4:1

Ex wit israelal, 'ab'tec wal spaxti Jehová. Caw wal tox xcot yowl 'a yib'n̈ smasnil eb' 'anma cajn 'a jun nacion̈ tic, yujto man̈x 'a tas wach' 'ayc' 'a scal eb', man̈x 'a mach wach' snab'en, man̈x 'a junc eb' tzat nan cot Dios.

Jl 2:12

Yuj cha tzyaln Jehová 'ixtic: Palta 'ayt sb'omb'il 'ayex. Meltzjan̈c cot 'ayn yet' smasnil e c'ojol. 'Ochn̈ec 'a c'ajb'c'ojlal, 'el cab' eyaw, 'o'n̈ec, xchi.

Jl 2:13

Man̈ colb'ilc ton̈j tze tziljat e pichul, palta cus cab' e c'ojl yuj e mul. Meltzjan̈c 'a Jehová qui Diosalec, yujto caw wach' snab'en 'ayn̈ec. Caw tz'o'ch sc'ojol, 'ay sniwnc'ojlal, 'ay pax schamc'ojlal, tzchaj sc'ojl yi'n 'el jun yailal tic 'a quib'n̈ec.

Am 4:13

'In an b'ojnac eb' lum niwc witz, yet' pax 'ic'. Tzwac' yojcoc 'el eb' 'anma cha tas nab'il wu'uj. An tzin jelmtej 'och sacq'uinl 'a q'uic'q'uinlal, tzin 'ec' pax 'a caw schan̈il yib'n̈ lum lum tic. Jehová Dios tztac' yuj smasnil, 'ixta yalx in b'i, xchi Dios.

Am 5:24

Palta a tas tzin nib'j 'ayex, to lajn cab' e tojlal yet' e wach'l 'icha junc a niwn a may tz'aj stupi.

Miqueas 6:8

Xin pacn 'ixtc 'a eb': Ex wit chon̈ab', tox 'ix yal Jehová tas wach' 'a sat yet' tas tznib'j 'ayn̈ec, atn jun tzo'n̈ tic: Yowlal tojl tzcutjec qui b'a, 'ay cab' qui chamc'ojlalec 'a eb' quit 'anma'il. 'Emmquilal pax tzcutjec qui yiclni 'a qui Diosal.

Miqueas 7:7

Palta an xo pax an tic, a Jehová 'aych yipc in c'ojol. Cojn Dios in Colmal yaji, a yipc'ojlal yaj wu'uj, yujto 'oj yab' tas 'oj wala'.

Habacuc 2:3

Wach'xam a tas wan in ch'oxn 'aych tic, 'ayt sjaw stiempoal yuji, palta yowlal 'oj ujoc. Tan̈wj ela', wach'xam 'oj 'ec' tiempo, palta 'oj 'el'chn̈ej.

Sofonías 3:8

Yuj cha, tan̈wjec sjaw jun c'ual yic 'oj in jaw wul in ch'oxl spaltail eb' maysch'olnil sb'eyb'al. An Jehová in, an tzwala: Tox 'ix in na'a, to 'oj wec syam sb'a smasnil nacion̈ yet' smacb'en, ax wa'n cot yowl in c'ojl 'a yib'n̈ eb'. Smasnil yolyib'n̈q'uinal, c'uxn 'oj lajwc yuj sc'a'l yowl in c'ojol.

Zacarías 7:9

Atn jun tzo'n̈ tic waljnac 'a eb' in chon̈b' 'a yic pecti': Tojl cab' tzeyutj e b'eyc'ojlwi, wach' tzeyutj e nab'en, 'o'ch cab' e c'ojl 'ayx junjn ex.

Zacarías 8:16

Atn jun tzo'n̈ tic yowlal 'oj e b'o ax tic: Tzex paxtin junjn ex wal 'a yel 'a eb' eyit 'anma'il, tojl tzeyutj e b'eyc'ojlwi, tzeya'n eyip eyoch 'a junc'ojlal junjn ex,

A Tas Sc'ulejnac Eb' Schecab' Jesús Hechos 2:38

Yuj cha, 'ix yaln Pedro 'ixtc 'a eb': —Nac e b'a, tzeya'n 'ajxc bautisar e b'a junjn ex 'a sb'i Jesucristo, sec 'oj 'ajxc can lajwc e mul. 'Ixta to b'i'an, ax ya'n 'och Dios Yespíritu 'ayx jun xo.

A Tas Sc'ulejnac Eb' Schecab' Jesús Hechos 26:20

Yuj cha, a 'a Damasco chi in b'ab'l aljnac 'el spaxti Dios. Xlajw cha, x'ec' walnc 'el 'a Jerusalén yet' 'a junjn chon̈b' 'a yol yic Judea cha. Xwaln pax 'a eb' man̈ israeloc, chajtlto tzna sb'a eb', tzya'n 'och eb' snab'en 'a Dios. Waln pax 'a eb' to yowlal wach' tzyutj eb' sb'eyb'al, sec chequel to yel tzna sb'a eb'.

Santiago 1:27

Palta 'oj wal junx tic. Toto 'ay eb' 'unn chamnc smam snun, yet' eb' 'ix chamnc yichmil 'ay scusc'ojlal, yowlal tz'at quilc eb', tzon̈ colwjec 'a eb'. An̈jtona', yowlal tzquijec 'el qui b'a 'a tzann̈j maysch'olnil 'ay 'a yolyib'n̈q'uinl tic. Toto 'ixta tzcutjec qui b'a, ax qui Mam Dios, tzyila to caw yel 'aych qui c'ojl 'a 'a.

Santiago 2:13

Toto matz 'o'ch qui c'ojlec 'a eb' quit 'anma'il, ax Dios, ma'oj 'o'ch sc'ojl 'ayn̈ec jun xo, yic 'oj on̈ sb'oncyaji. Palta toto tz'o'ch qui c'ojlec 'a eb' quit 'anma'il, to 'ixta', 'oj 'o'ch pax sc'ojl Dios 'ayn̈ec yic 'oj on̈ sb'oncyaji.