Os 12:13 - Chuj San Sebastian Bible

¹³ A Jehová, a yet' jun schecb' 'ix yij 'elt chon̈b' Israel 'a Egipto. An̈jtona jun schecb' chi tztan̈wni jun chon̈b' cha.

Chuj San Mateo Bible

¹³ A yed' jun schecab' yic'naquelta chon̈ab' Israel Jehová d'a Egipto. An̈eja' yed' jun schecab' chi', stan̈vejn̈ej.

Os 12:13 ပူးပေါင်းရင်းမြစ်များ

Gn 28:2

Ata tzach 'at 'a yol yic Padan-aram 'a yatut a mam 'ichm Betuel. Tze'n a b'a yet' junc eb' 'ix yisl win Labán, win snul'j a nun tic.

Gn 29:20

'Ixta x'aj smunlj win Jacob uque ab'il yuj 'ix Raquel, caw matz yab' win yec' tiempo cha, yujto caw tzchaml win yet' 'ix.

Salmos 77:20

'Ix ej b'ey eb' a chon̈b' 'icha tzyac' no calnelu tz'ijx b'eyoc. A Moisés yet' Aarón a eb' xa c'anlb'ej.

Ex 13:3

'Ix yaln Moisés 'a smasnil eb' yit chon̈b' chi 'ixtic: Yowlal 'oj qui nac cot jun q'uin̈ tic 'a junjn ab'il yujto on̈ yijec 'elt Jehová yet' spoder 'a Egipto, 'a 'ajtil on̈ 'e'c mosoal. Yuj cha, ma'oj qui wac 'ixm pan 'ay yich.

Ex 14:19

Ax jun yángel Jehová b'ab'l scot yet' jun 'asn 'a yojltac eb' israel cha. 'Ix meltzj 'a spatc eb', 'ix 'och 'a snan̈l eb' israel chi yet' eb' soldado yic Egipto.

Os 11:1

'Ix yaln pax Dios 'ixtic: A yic 'icha to caw 'unn to jun chon̈b' Israel tic, caw 'ay in chamc'ojlal 'a 'a, 'icha to wunnal yaji. A 'a Egipto, atta 'ix wawtj coti.

Os 2:15

'Oj wa'x can slum 'aj 'awb'il yuva, atn lum span̈nil yic b'ilc'ojlal, palta 'oj 'ochx can pan̈n yic yipc'ojlal. 'Ixta 'oj wutc cani, 'icha ya'jnac 'a b'ab'el yic yelt 'a Egipto. Ata 'oj ta'wc 'ayin 'icha junc 'ix cob's 'ix.

Miqueas 6:4

'In an wijnac 'elt eb' e mam eyichm 'a Egipto, in coln 'elt eb' 'a 'aj 'aych mosoal. An in checjnac 'at Moisés, Aarón yet' pax María, yic sjucb'tzax eb'.

Nm 12:8

q'uelc'mb'a wal tzin 'aj in paxtin yet'oc, jichn tzwutj paxtinc in b'a 'a 'a, tzin yilchj wal si'mb'il. ¿Tas pax yuj tze te'wtzej e b'a eyaln speclal? xchi Dios 'a eb' chawn̈ cha.

Dt 26:5

Tzlajw cha, tzeyaln jun tzo'n̈ xo paxti tic 'ixtc 'a sat Jehová qui Diosalec: A eb' qui mam quichmec, arameo eb', jaywn̈ej wal sb'ey eb'; ton̈j 'e'lb'a yec' eb', 'ijn xcham eb' yuj wejel; yuj cha, x'atcn eb' 'a Egipto yet' jaywn̈ yunnal, ata xcan cajn eb' ta'. Axta 'ix 'och eb' niwquil chon̈b'al, caw jeln x'aj eb', caw niwn pax x'aj sb'isl eb'.

A Ch'an̈ B'ab'el Libro Samuel 12:8

A yic xc'och Jacob yet' eb' yunnal 'a Egipto, caw x'ixtx eb' yuj eb' 'aj lugar cha, yuj cha, xyaln sb'a eb' 'a Jehová. Ax Jehová schecn 'at Moisés yet' Aarón, ax eb' x'i'n 'elt eb' qui mam quichmec chi 'a Egipto, ax 'a tic xjaw cajn eb' yu'uj.