Nm 9:6 - Chuj San Sebastian Bible

⁶ Palta a 'a scal eb' cha, 'ay jun tzo'n̈ winc man̈ wach'c xyutj sb'a, yujto 'ix syam eb' jun chamnc 'anma', ma'ix stac' snan eb' jun q'uin̈ chi 'a jun c'u cha. Yuj cha, 'ix 'at eb' yil Moisés yet' Aarón 'a jun c'u cha.

Chuj San Mateo Bible

⁶ Palta a d'a scal eb' chi', ay juntzan̈ eb' vin̈ man̈ vach'oc yaj icha yalan ley, yujto ix syam junoc chamnac eb' vin̈, maj yal-laj yac'anoch q'uin̈ eb' vin̈ d'a jun c'ual chi'. Yuj chi' ix c'och eb' vin̈ d'a vin̈aj Moisés yed' d'a vin̈aj Aarón d'a jun c'u chi' yic sc'anb'an eb' vin̈.

Nm 9:6 ပူးပေါင်းရင်းမြစ်များ

Ex 18:15

'Ix ta'w Moisés 'ixtc 'a win sn̈i cha: —Tzjaw eb' 'anma tic 'ayin, yujto an tzwal 'a Dios yuj tastc tzlaj sb'o eb'.

Ex 18:19

'Ab' tas 'oj wala', a Dios 'oj colwjoc et'oc. Ach tzach 'och 'a yojltac Dios yuj eb' 'anma tic, tzaln 'a Dios yuj tas tz'el sb'on eb'.

Ex 18:26

A ewin tzb'on yaj eb' 'anma chi 'a tzann̈j yorail. Ax pax junc owl to niwquil yel'chi, yowlal tzyij 'at eb' 'a Moisés; ax tas may wal yel'chi, a ewin tzb'onyaji.

Lv 21:11

An̈jtona', matz tac' pax yixtn 'el sb'a yuj yoch 'a 'aj 'ayc' junc chamnc 'anma', wach'xam a smam mto snun.

Nm 15:33

Ax eb' x'iln win cha, 'ix yi'n 'at eb' win 'a Moisés, 'a Aarón yet' 'a sat eb' chon̈b' chi smasnil.

Nm 19:11

A mach tzyamn sniwnal junc chamnc 'anma', a jun cha, man̈ wach'c tz'ajcn 'a uque c'ual, 'icha wal yaln ley.

Nm 19:14

Atn jun tzo'n̈ ley tic, toto 'ay mach tzcham 'a yojl smantiado: Smasnil eb' 'ayc' 'a yojl jun mantiado cha, yet' eb' tzat 'och 'a yojol, man̈ wach'c tz'ajcn eb' 'a uque c'ual.

Nm 19:16

A mach tzyamn sniwnal junc chamnc 'anma yec' 'a sti 'el chon̈ab', junc tzmilx chamoc mto mun tzchami, mto junc sb'acl chamnc 'anma', mto pax junc yet'l junc chamnac, a jun tzyamn cha, man̈ wach'c tz'ajcn 'a uque c'ual.

Nm 19:18

Tzlajw cha, ax junc winc wach' yaj 'icha yaln ley, a tz'i'n cot junc te sc'ab' hisopo, tzlab'n 'ejm 'a scal jun a a cha, tzicn 'och 'a yib'n̈ jun mantiado cha, tzicn 'och 'a smasnil lum chen mto lum xalu, yet' pax 'a smasnil eb' 'anma 'ay 'a yojl jun mantiado cha, an̈jtona tzicx 'och 'a jun mach tzyamn sniwnal junc chamnc cha, mto sb'acl junc 'anma milb'il chamoc mto mun chamnac, mto junc yet'l chamnc cha.

Nm 27:2

A own̈ eb' 'ix snul'j sb'a tic, 'ix c'och eb' 'ix 'a yol sti Mantiado 'aj tzchaj sb'a Dios yet' eb' 'anma'. Ata xc'och eb' 'ix paxtinc yet' Moisés, yet' Eleazar win ya'mal 'och sti eb' 'anma 'a Dios, yet' pax 'a eb' yajl yaj 'a scal eb' chon̈ab'. 'Ix yaln eb' 'ix 'ixtic:

Nm 27:5

Ax Moisés 'ix yal jun tzo'n̈ snab'en eb' 'ix 'ix tic 'a Jehová.

Nm 5:2

Al 'a eb' et israelal cha, to tz'ijx 'el eb' 'anma ya'ay yuj lepra 'a spatc 'el camplamento yuj eb', eb' tztob' yin̈tl yuj junc yailal 'aych 'a 'a, mto eb' tzyamn junc chamnc 'anma'.

Nm 9:7

'Ix yaln eb' 'ixtc 'a Moisés: —An̈ tic on̈, 'ix qui yam jun chamnc 'anma on̈, yuj cha, man̈ wach'c caj ticnec on̈. ¿Toc wal am ma'oj chaxc ca' cofrenda 'a Jehová 'a jun c'u tic, yet' smasnil eb' quit chon̈b'ec tic? xchi eb'.

Jn 18:28

Ax yic sacb'i, 'ix yi'n 'elt ewin Jesús 'a yol yatut win Caifás. Xyi'n 'at ewin 'a 'aj 'ay sdespacho win yajal. A sley eb' 'aj Judea cha, matz tac' yoch eb' 'a yol sdespacho win cha. Tzna eb', toq'ue tzjuw 'el eb' 'a sat Dios. Toq'ue man̈xtzac stac' swa eb' 'a jun yemc'ul yic q'uin̈ cha.