Nm 9:14 - Chuj San Sebastian Bible

¹⁴ Toto 'ay eb' chuc chon̈b'al cajn 'ec' 'a e cal, tznib'j eb' tzna jun q'uin̈ chi eyet'oc, yic tzyi'n chan̈ eb' in b'i, yowlal tzyiclj eb' sleyl 'icha 'ix wutj walni. 'Icha wal sleyl 'ix wac' eyicloc, a pax tzyiclj eb' chuc chon̈b'al 'ayc' 'a e cal, xchi Dios.

Chuj San Mateo Bible

¹⁴ Tato ay eb' ch'oc chon̈ab'il ayec' cajan d'a e cal, sgana eb' syac'och jun q'uin̈ chi' eyed'oc yic tzin yic'anchaan̈, yovalil sc'anab'ajej eb' icha sleyal ix vala'. A ley ix vac' e c'anab'ajej chi', a' sc'anab'ajej pax eb' ch'oc chon̈ab'il ayec' cajan chi' d'a e cal, xchi d'a vin̈.

Nm 9:14 ပူးပေါင်းရင်းမြစ်များ

Esdras 6:21

Smasnil eb' israel paxncta 'a Babilonia, schi eb' no xajmb'al yic jun q'uin̈ cha, yet' smasnil eb' xya'ch sb'a yet' eb', atn eb' spojjnac 'el sb'a 'a scal smaysch'olnilal eb' 'anma cajn 'a stz'ey eb', yic tzyaln sb'a eb' 'a Jehová sDiosal.

Ex 12:43

'Ix yaln Jehová 'a Moisés yet' 'a Aarón 'ixtic: —Tic tzwalcni tas sleyl q'uin̈ yuj snanb'il cot eyel 'a libre tic: May junc eb' chuc chon̈b'al tztac' schin no xajmb'al.

Ex 12:47

A jun checnb'il tic, 'oj eyiclc smasnil ax israel ex tic.

Lv 19:10

An Jehová e Diosal in, an tzwala. Man̈ e mitz'c sat te uva 'awb'il eyu'uj, man̈ e si'chan̈ te sat chi tzlaj 'em 'a yich. 'Actjec can yico'oc eb' meb'a', yet' eb' chuc chon̈b'al.

Lv 22:25

Man̈ e cha jun tzo'n̈ no noc' 'ixta yaj 'a eb' chuc chon̈b'al, yic tzeya'n no xajmb'al-l 'ayin, yujto a jun tzo'n̈ noc' 'ixta yaj cha, man̈ tz'acnoc e no', yuj cha, man̈ chab'ilc e no wu'uj, xchi Dios, xa chi 'a eb', xchi Dios 'a Moisés.

Lv 24:22

A jun ley tic, a 'oj 'och yopiso 'a eb' chuc chon̈b'al cajn 'a e cal. An Jehová in, an tzwala, xchi Dios.

Lv 25:15

A mach tzmann lu'um, yowlal 'oj stoj jantc xo tiempo yelcn lum 'a libre, ax pax mach tzchon̈n lum cha, yowlal 'oj scha stojl sat yawb'en 'a lu'um, yaln̈ej jaye to ab'il tzyac' lum sb'a'al.

Nm 15:15

A jun in ley tic, tz'och yopiso 'ayex yet' 'a eb' chuc chon̈b'al. 'Oj sc'anlb'ocn̈ej eb' eyin̈tl b'aq'uin̈.

Nm 15:16

Junn̈j ley 'oj e c'anlb'oc ax tic, yet' pax eb' chuc chon̈b'al 'ayc' eyet'oc, xchi Dios.

Dt 29:11

ex 'unin, ex 'ix, yet' e masnil ex chuc chon̈b'al cajn ex 'ec' 'a qui cal tic on̈, ex c'atztzum yet' ex cuchm a'.

Dt 31:12

Yowlal tzyam sb'a smasnil eb' chon̈b' tic, eb' winac, eb' 'ix 'ix, eb' 'unin, yet' eb' chuc chon̈b'al 'ayc' 'a yol e chon̈ab', sec tzyab' eb' yawtx jun ley tic. Tzcuyn eb', sec tzxiw eb' 'a Jehová Dios, tzb'eylb'an pax eb' smasnil tas tzyala.