Nm 9:10 - Chuj San Sebastian Bible

¹⁰ E masnil ax tic yet' eb' eyin̈til, yowlal tze na q'uin̈ yic eyelt 'a libre, yuj eyi'n chan̈ in b'i an Jehová in. Ax eb' man̈ wach'c yaji yujto tzyam eb' junc chamnc 'anma', mto eb' 'ay't 'a najt yuj junc schecnb'il,

Chuj San Mateo Bible

¹⁰ E masanil a ex tic yed' eb' eyin̈tilal, yovalil tzeyac'och jun q'uin̈ tic yic tze naancoti ayic vic'annac ex el d'a libre a in Jehová in tic. A mach man̈ vach'oc yaj icha yalan ley, yujto ix syam junoc chamnac, ma eb' najat ayb'at d'a junoc b'aj schec sb'a,

Nm 9:10 ပူးပေါင်းရင်းမြစ်များ

2 Cr 30:13

Yuj cha, caw niwn 'anma 'ix syam sb'a 'a Jerusalén 'a yic schab'l 'uj, yic tznax sq'uin̈l 'ixm pan may yich.

2 Cr 30:18

Yujto caw niwn eb' 'anma 'a yin̈tl Efraín, 'a yic Manasés, 'a yic Isacar yet' 'a yic Zabulón to mantzac sacb'tzej sb'a, 'ix scomn chin eb' no xajmb'al yic q'uin̈ cha, palta man̈ 'ixta'oc yaj stz'ib'xcani. Yuj cha, 'ix leslwi Ezequías yuj eb', xyaln 'ixtic: Mamin Jehová qui Diosal ach yet' eb' qui mam quichm on̈, caw wach' a nab'en, 'ac' niwnc'ojlal 'a yib'n̈ smasnil smul eb' to tzya'ch 'a sc'ojl yaln sb'a 'ayach,

2 Cr 30:2

A yic tox xlajw spaxtin win rey yet' eb' 'aych yajlil, yet' pax eb' 'anma 'a Jerusalén, yic tznan eb' q'uin̈ chi 'a yic schab'l 'ujal,

Nm 9:11

chuc xoj 'oj sna eb' jun q'uin̈ chi 'a chan̈lajn̈e yoch schab'l 'uj 'a yic yemc'ual. Yowlal tzchi eb' no quelm calnelu yet' te c'a 'itaj, yet' pax 'ixm pan may yich.

Nm 9:9

'Ix yaln Jehová 'ixtc 'a Moisés: Al 'a eb' et israelal cha to an tzwal 'ixtic:

Mt 5:24

can cab'n̈ej jun eyofrenda chi ta b'el. Tz'at e b'ox can yaj e b'a yet' jun 'anma cha, tzlajw cha, tzex japxi, tzeya'n eyofrenda cha.

Jn 11:55

Ax yic wan sjapx stiempoal sjaw q'uin̈ yic snanb'il cot yel eb' israel 'a libre, til wal eb' xlaj cot 'a najat, 'ix laj c'och eb' 'a Jerusalén. Yic mantzac 'och q'uin̈ cha, 'ix c'och eb' ta', sec tzb'o sb'a eb' 'icha xon sb'eyb'al.

1 Co 11:28

Yuj cha, junjn on̈ec, a yic mantzac qui wajec jun pan tic, tzcu'lb'anec jun vaso tic, yowlal tzqui b'eyc'ojlejec can qui b'a b'ab'el.